Monthly Archives: August 2013

എന്‍. എ നസീറിന്റെ ചിത്രങ്ങള്‍ സ്വതന്ത്രലൈസന്‍സില്‍ വിക്കിമീഡിയ കോമണ്‍സിലേക്ക്

മലയാളം വിക്കിമീഡിയരെ സംബന്ധിച്ചും കാടിനേയും ഫോട്ടോഗ്രാഫിയേയും സ്നേഹിക്കുന്നവരെ വളരെയധികം സന്തോഷമുണ്ടാക്കുന്ന ഒരു വാര്‍ത്തയാണിത്. ഇന്ത്യയിലെ പ്രമുഖ വന്യജീവി ഫോട്ടോഗ്രാഫര്‍മാരിലൊരാളായ എന്‍. എ നസീറിന്റെ ചിത്രങ്ങള്‍ സ്വതന്ത്രലൈസന്‍സില്‍ പ്രസിദ്ധീകരിക്കുന്നു. മലയാളം വിക്കിമീഡിയ സമൂഹത്തിന്റെ ആഭിമുഖ്യത്തില്‍ ഫോട്ടോഗ്രാഫുകളും മറ്റ് പ്രമാണങ്ങളും കോമണ്‍സിലേയ്ക്ക് അപ്ലോഡ് ചെയ്യുന്നത് പ്രോത്സാഹിപ്പിക്കാനായി നടത്തുന്ന മലയാളം വിക്കിമീഡിയയെ സ്നേഹിക്കുന്നു-3 എന്ന പരിപാടിയുടെ ഭാഗമായിട്ടാണ് ഇങ്ങനെ ഒരു ആവശ്യവുമായി നസീറിനെ സമീപിച്ചത്. ഇവന്റില്‍ പങ്കെടുക്കുന്ന നൂറിലധികം വിക്കിമീഡയ പ്രവര്‍ത്തകര്‍ക്ക് ഐക്യദാർഢ്യമെന്ന പോലെ എന്‍.എ നസീറും സുഹൃത്ത് ജോസഫ് ലാസറും 350+ ചിത്രങ്ങള്‍ അപ്ലോഡ് ചെയ്യാനായി കൈമാറുകയായിരുന്നു.

ദക്ഷിണേന്ത്യയിലെ പ്രശസ്തനായ ഒരു വന്യജീവി ഫോട്ടോഗ്രാഫറാണ് എൻ.എ. നസീർ. മലയാളത്തിലെ പ്രമുഖ മാസികകളിലും സാങ്ച്വറി ഏഷ്യ, ഹോൺബിൽ, ഫ്രണ്ട് ലൈൻ, ഔട്ട് ലുക്ക്, ട്രാവലർ മുതലായ പ്രസിദ്ധീകരണങ്ങളിലും, വന്യജീവികളെക്കുറിച്ച് ഫോട്ടോ സഹിതം അനുഭവക്കുറിപ്പുകൾ എഴുതി വരുന്നു. പ്രകൃതി നശീകരണത്തിനെതിരായും ഇദ്ദേഹം എഴുതുകയും പ്രവർത്തിക്കുകയും ചെയ്യുന്നു. ആയോധനകലകളായ തായ്ചി, ചികോങ്, കരാട്ടെ തുടങ്ങിയവയിലും , യോഗ, തൈഡോ, ഉപാസ്വ മെഡിറ്റേഷൻ എന്നിവയിലും പ്രാവീണ്യമുണ്ട്. 35 വർഷമായി കേരളത്തിലെ വനമേഖലയിൽ നിരന്തരം യാത്ര ചെയ്തുകൊണ്ടിരിക്കുന്നു. മുംബൈ നാച്വറൽ ഹിസ്റ്ററി സൊസൈറ്റിയുടെ ആജീവനാന്ത അംഗം. നേച്ചർ കൺസർവേഷൻ സൊസൈറ്റി ഓഫ് ഫോട്ടോഗ്രാഫേഴ്സ്, നേച്ചർ കൺസർവേഷൻ ആന്റ് മാർഷ്യൽ ആർട്സ് എന്നീ സംഘടനകളൂടെ സ്ഥാപകൻ. പ്രശസ്തലേഖനങ്ങളുടേയും അപൂർവ്വങ്ങളായ വന്യജീവിഫോട്ടോഗ്രാഫുകളുടേയും സമാഹാരമായ , കാടും ഫോട്ടോഗ്രാഫറും എന്ന കൃതി 2011 ഏപ്രിലിൽ കേരളസാഹിത്യ അക്കാദമി പ്രസിദ്ധീകരിക്കുകയും നാലുമാസത്തിനകം അത് വിറ്റഴിയുകയും ചെയ്തു.
N.A. Naseer 7972 by NPT

നസീറിന്റെ 170ലധികം ചിത്രങ്ങളാണ് മലയാളം വിക്കിമീഡിയയെ സ്നേഹിക്കുന്നു III എന്ന ഇവന്റിന്റെ ഭാഗമായി കോമണ്‍സിലെത്തുന്നത്. 14000ലധികം ചിത്രങ്ങളിതുവരെ പദ്ധതിയുടെ ഭാഗമായി സമാഹരിക്കപ്പെട്ടുകഴിഞ്ഞിട്ടുണ്ട്.

നസീറിന്റെ ഈ ചിത്രശേഖരം കോമണ്‍സിലെത്തിയതോടെ കുറേയധികം ലേഖനങ്ങള്‍ക്ക് മിഴിവാര്‍ന്ന ചിത്രങ്ങള്‍ ലഭ്യമായി. വെള്ള കാട്ടുപോത്ത്, മരനായ, നീലപ്പാമ്പ്, ചെഞ്ചിലപ്പൻ പക്ഷി തുടങ്ങിയ അപൂർവ്വജീവികളുടെ വിക്കിതാളുകള്‍ക്ക് സ്വതന്ത്രലൈസിലുള്ള ചിത്രങ്ങള്‍ ലഭ്യമാക്കാനായി.  ഒട്ടുമിക്ക ചിത്രങ്ങളും മുഴുവന്‍ റെസല്യൂഷനോടെ ആയതിനാലും എക്സിഫ് ഡാറ്റ കൂടി ഉള്ളതിനാലും ഛായാഗ്രഹണത്തെ ഗൗരവകരമായി സമീപിക്കുന്നവര്‍ക്ക് വളരെ ഉപകരിക്കുമെന്ന് കരുതുന്നു.

നസീറിന്റെ ചിത്രങ്ങള്‍ കോമണ്‍സിലെ ഈ വര്‍ഗ്ഗത്തില്‍ കാണാം.

Slender loris by N A Nazeer
N.A. Naseer 2966 by NPT
Pied-hornbill 2 by N A Nazeer
Nilgiri marten by N A Nazeer
Brown fishh owl by N A Nazeer
N.A. Naseer 3069 by NPT
7 by N A Nazeer
Wbison by N A Nazeer
Tiger1 by N A Nazeer
Z3 by N A Nazeer
Z2 by N A Nazeer

ഇതൊക്കെ സാമ്പിള്‍ വെടിക്കെട്ട് മാത്രം. മുഴുവന്‍ ചിത്രങ്ങളും ഇവിടെ .