എങ്ങോട്ടെങ്കിലും ഒരു യാത്ര പോകണം എന്ന് തോന്നിയപ്പോള്‍ മനസ്സില്‍ ആദ്യം ഓടിയെത്തിയത് കുടജാദ്രിയാണ്. രണ്ട് വര്‍ഷം മുമ്പെ തിരുമാനിച്ച് നടക്കാതെ പോയ ഒരു യാത്ര. കുടജാദ്രിയെക്കുറിച്ച് കുറേ കേട്ടിട്ടും വായിച്ചിട്ടുമുണ്ട്. ഈ സ്ഥലം എവിടെയെന്നുപോലും ചിന്തിച്ചിട്ടുണ്ടായിരുന്നില്ല. യാത്രയുടെ ആസൂത്രഘട്ടത്തിലേ മനസ്സിലായി ഇത് തനിച്ചുള്ള ഒരു യാത്രയാവുമെന്ന്. ഞാനും ഇതുപോലൊരു യാത്ര ആഗ്രഹിച്ചിരുന്നു. ദൂരെ ദൂരെയുള്ള സ്ഥലങ്ങളിലേക്ക്.. അറിയാത്ത ഭാഷകളുള്ള സംസ്കാരങ്ങളുള്ള ഭൂപ്രകൃതിയുള്ള നാടുകളിലേക്ക്.. കുടജാദ്രി ഒരു തുടക്കമായെന്ന് മാത്രം.കർണാടകത്തിലെ സഹ്യപർവ്വതനിരകളിലെ 1343 മീറ്റർ ഉയരമുള്ള ഒരു കൊടുമുടിയാണ് കുടജാദ്രി (കൊടചാദ്രി). ഇതിന്റെ താഴ്വരയിലാണ് കൊല്ലൂര്‍ മൂകാംബിക ക്ഷേത്രം സ്ഥിതിചെയ്യുന്നത്. മൂകാംബിക ദേശീയോദ്യാനത്തിന്റെ പരിധിയില്‍ വരുന്ന ഇവിടം നിബിഡമായ ചോലവനമാണ്. മലയ്ക്കു ചുറ്റുമുള്ള മഴക്കാടുകൾ എല്ലാ സമയത്തും കോടമഞ്ഞു മൂടിക്കിടക്കുന്നു. ട്രക്കിങ്ങിന് വളരെ അനുയോജ്യമായ സ്ഥലമാണിത്. അതും മണ്‍സൂണ്‍ സമയത്തെ ട്രക്കിങ്ങ് ആകുമ്പോള്‍ കാര്യങ്ങള്‍ കൂടുതല്‍ സാഹസികമാകും.

സ്ഥലത്തിന്റെ കിടപ്പും ഏകദേശവഴികളും മുമ്പ് യാത്ര ചെയ്തവരോടും ഗൂഗിളിലുമൊക്കെ തപ്പിയായിരുന്നു യാത്ര. തനിച്ചാണെന്നതിനാലും ഇതുപോലൊരു യാത്ര ആദ്യമാണെന്നതിനാലും ഉപ്പ് മുതല്‍ മെഴുകുതിരിയും കത്തി വരെ കയ്യില്‍ കരുതി. വിചാരിച്ച പോലെ എല്ലാത്തിനും അതിന്റേതായ ആവശ്യം തോന്നുന്ന സന്ദര്‍ഭങ്ങളുണ്ടായി. കയ്യില്‍ വിലപിടിപ്പുള്ളതെന്ന് പറയാവുന്നത് ഒരു ക്യാമറ മാത്രം. പണം വളരെ കുറവ് മാത്രമേ ചിലവാക്കൂ എന്ന് മുന്‍കൂട്ടിയേ തിരുമാനിച്ചിരുന്നതിനാല്‍ 1000+ രൂപമാത്രമാണ് കൈയ്യില്‍ കരുതിയത്.

മാവേലി എക്സ്പ്രസ്

അങ്ങനെ സ്വപ്നം കണ്ട യാത്രയുടെ ദിവസമെത്തി. ജൂണ്‍ 8 ന് രാത്രി അങ്ങനെ തിരുവനന്തപുരം-മംഗലാപുരം മാവേലി എക്പ്രസില്‍ തൃശ്ശൂരില്‍ നിന്ന് കയറി. വീക്കെന്റ് ആയതുകൊണ്ടാണെന്ന് തോന്നുന്നു കാല് നിലത്ത് കുത്താന്‍ വകുപ്പില്ലാത്ത തിരക്ക്. കോഴിക്കോട് എത്തുന്നതുവരെ ആ നില്‍പ്പ് നില്‍ക്കേണ്ടിവന്നു. പിന്നെ മുകളിലെ ബര്‍ത്തില്‍ കയറി സുഖമായി ഒരു ഉറക്കം.രാവിലെ എഴുനേറ്റപ്പോഴേക്കും കേരളത്തിന്റെ അതിര്‍ത്തി കടന്നിരുന്നു.രാവിലെ എട്ടരയോടെ മംഗലാപുരം എത്തി.

കൊല്ലൂരിലേക്ക് എത്താന്‍ പ്രധാനമായും രണ്ട് വഴിയാണ് ഉള്ളത്. ഒന്ന് മംഗലാപുരത്തിറങ്ങി ബസ്സ് പിടിയ്ക്കുക. 135 കിലോമീറ്റര്‍ ഏതാണ്ട് 4 മണിക്കൂര്‍ യാത്രയുണ്ട് ഇവിടെനിന്ന്. പിന്നെയുള്ള ഒരു മാര്‍ഗ്ഗം ബൈന്ദൂരു എന്ന റൈയില്‍വേ സ്റ്റേഷനാണ്. കൊല്ലൂരില്‍ നിന്ന് ഏതാണ്ട് 27  കിലോമീറ്റര്‍ അകലെയാണ് ഇത് സ്ഥിതിചെയ്യുന്നത്. ആളുകള്‍ അധികമുണ്ടെങ്കില്‍ ഈ വഴിയാണ് സാമ്പത്തികമായി ലാഭം. മംഗലാപുരം ഇറങ്ങി ലോക്കല്‍ ട്രയില്‍ കയറി ബൈന്ദൂരു എത്താം.

കൊല്ലൂരിലേക്കുള്ള ബസ്സ് (യാത്രാ മദ്ധ്യേ)

റെയില്‍വേ സ്റ്റേഷനില്‍ നിന്ന് തന്നെയുള്ള ബസ്സില്‍ കയറി
മൂകാംബികയിലേക്കുള്ള യാത്ര തുടങ്ങി. മലയാളികള്‍ തന്നെയാണ് ബസ്സ്
സര്‍വ്വീസിന് പിന്നിലും. പുറത്ത് നിന്ന് എത്തുന്നവര്‍ക്ക് സാധാരണ
യാത്രാക്കൂലി 100 രൂ പകരം 130ചാര്‍ജ്ജ് ചെയ്യുമെന്ന് മാത്രം.തിരിച്ച് വരുമ്പോള്‍ കര്‍ണ്ണാടക ബസ്സില്‍ കയറിയപ്പോഴാണ് ഈ പകല്‍ക്കൊള്ള എനിക്ക് പിടികിട്ടിയത്.

കൊല്ലൂര്‍ മൂകാംബിക ബസ്സ് സ്റ്റാന്റ്

ഉച്ചയ്ക്ക് പന്ത്രണ്ടരയോടെ കൊല്ലൂര്‍ എത്തി. ഒരു മഴയോടെ ആ നഗരം എന്നെ സ്വാഗതം ചെയ്തു. അത്ര അപരിചത്വം തോന്നാത്ത സ്ഥലം. കുടജാദ്രിയായിരുന്നു പ്രഥമലക്ഷ്യമെന്നതിനാല്‍ മൂകാംബികാ ദര്‍ശ്ശനം തിരിച്ച് വരുമ്പോഴത്തേക്ക് മാറ്റി. കുടജാദ്രിയുലേക്കുള്ള ബസ്സ് 2 മണിക്കാണെന്നതിനാല്‍ കൊല്ലൂരിലെ ഊടുവഴികളിലൂടെ കുറേ നടന്നു. ദൂരെ മേഘങ്ങള്‍ തഴുകി നില്‍ക്കുന്ന മലനിരകള്‍ ഇവിടെന്നിന്ന് തന്നെ കാണാനാകും.

 

കൊല്ലൂര്‍ നഗരം

സൗപര്‍ണ്ണികയുടെ തീരത്ത് സ്ഥിതിചെയ്യുന്ന മൂകാംബികാ ക്ഷേത്രത്തിന് നൂറ്റണ്ടുകളുടെ പഴക്കമുണ്ട്. ഇവിടുത്തെ ശിവലിംഗപ്രതിഷ്ഠ പരശുരാമൻ സ്ഥാപിച്ചാതണെന്ന് വിശ്വസിക്കുന്നു. ക്ഷേത്രോൽപ്പത്തിയെക്കുറിച്ചു പല സങ്കൽപ്പങ്ങളും ഐതിഹ്യങ്ങളും
നിലവിലുണ്ട്‌.
കോല മഹർഷി ഇവിടെ തപസ്സനുഷ്ടിച്ചിരുന്ന അവസരത്തിൽ മറ്റൊരു അസുരനും ശിവ
പ്രീതിക്കായി ഇതേ പ്രദേശത്തിൽ തപസ്സുചെയ്തു വന്നിരുന്നു. അസുരതപസ്സിൽ
സന്തുഷ്ടനയി മഹാദേവൻ പ്രത്യക്ഷപ്പെട്ടപ്പോൾ വരം ചോദിക്കാനാകാതെ
അസുരനെ പാർവതി ദേവി മൂകനാക്കി. ഇതിൽ കോപിഷ്ടനയ മൂകാസുരൻ ദേവി ഭക്തനായ കോല
മഹർഷിയെ ഉപദ്രവിക്കാനാരംഭിച്ചു. ഒടുവിൽ ദേവി മൂകാസുരനെ വധിക്കുകയും കോല
മഹർഷിയുടെ അഭ്യർത്ഥന പ്രകാരം മൂകാംബിക ദേവിയായി അവിടെ കുടികൊള്ളുകയും
ചെയ്തു എന്നാണു സങ്കൽപം. ആദിശങ്കരൻ ഈ
പ്രദേശത്തു അനേക ദിനങ്ങൾ തപസ്സു ചെയ്തതിൽ ദേവി പ്രത്യക്ഷപ്പെടുകയും അന്നു
ദേവി ദർശനം കൊടുത്ത രൂപത്തിൽ സ്വയംഭൂവിനു പുറകിൽ ദേവി വിഗ്രഹം അദ്ദേഹം
പ്രതിഷ്ഠ നടത്തി എന്നും വിശ്വസിക്കപ്പെടുന്നു. (കടപ്പാട്: വിക്കി)

കൃത്യം രണ്ടുമണിക്ക് തന്നെ കുടജാദ്രിയിലേക്ക് ബസ്സ് പുറപ്പെട്ടു. അരമണിക്കൂറോളമുള്ള യാത്രയ്ക്ക് ശേഷം കാനനമദ്ധ്യേയുള്ള കരന്‍കട്ടെ എന്ന സ്ഥലത്തെത്തി.

ഇനിയെങ്ങോട്ട് എന്ന ചോദ്യവുമായി നില്‍ക്കുമ്പോഴാണ് ഒരു കൂട്ടം കുട്ടികളെ കണ്ടത്. എന്റെ അപരിചിതത്വം കണ്ടപ്പോഴേ അതിലെ ഒരു കുട്ടി കൈകാട്ടി വിളിച്ചു. കന്നടയില്‍ എന്തോ പറയുന്നുണ്ട്. എനിക്കൊന്നും മനസ്സിലാകുന്നില്ല. കൊല്ലൂര്‍ ഗവണ്‍മെന്റ് സ്കൂളിലെ അഞ്ചാം ക്ലാസ്സില്‍ പഠിക്കുന്നവരാണെന്ന് മനസ്സിലായി. പിന്നെയും എന്തൊക്കെയോ ചോദിച്ചു. കാവേരി, ഉമ, വീരേന്ദ്രന്‍.. തുടങ്ങി അവരുടെ പേരുകള്‍. ക്യാമറയും പിടിച്ച് നടന്ന എനിക്ക് അവരുടെ ഒപ്പമെത്താന്‍ പാടുപെടേണ്ടിവന്നു.സ്കൂള്‍ ഹോസ്റ്റലില്‍ താമസ്സിക്കുന്ന ഇവര്‍ ആഴ്ചാവസാനമായതോടെ വീട്ടിലേക്ക് വരുന്നതാണ്.

കുടജാദ്രിയിലേക്ക് സ്വാഗതം ചെയ്തുകൊണ്ടുനില്‍ക്കുന്ന ഓന്ത്

കുടജാദ്രി കയറ്റം (കുട്ടികളൊടൊന്നിച്ച്)

കുട്ടികളോടൊത്തുള്ള യാത്ര രസമായിരുന്നു. കുടജാദ്രിയില്‍ പോയാല്‍ മൊബൈലില്‍ റേഞ്ച് കിട്ടുമെന്നും അവിടെ താമസിക്കാനും ഭക്ഷണം കിട്ടുമെന്നുമൊക്കെയാണ് പറയുന്നതെന്ന് എനിക്ക് മനസ്സിലായി. വായടികളായ കൂട്ടുകാരുമൊന്നിച്ച് എന്റെ സ്കൂളിലേക്ക് വിലങ്ങന്‍ കുന്നിന്റെ കയറ്റം കയറുന്ന എന്റെ ബാല്യം എനിക്കോര്‍മ്മവന്നു. മുകളിലേക്ക് കയറും തോറും കാടിനെ സാന്ദ്രത കൂടി വന്നു. വഴി ചെളിയും മറ്റുമായി നല്ല കുഴമ്പ് പരുവത്തിലാണ്. ഇടയ്ക്കിടയ്ക്ക് ഓരോ അട്ടകളും കാലില്‍ കയറുന്നുണ്ട്. ഇതൊക്കെ നിസാരഭാവത്തില്‍ തട്ടിക്കളയുന്ന കുട്ടികളുടേതു പോലെ ഞാനും അനുകരിച്ചു. ചില കുട്ടികള്‍ ചെരിപ്പുപോലുമിട്ടിട്ടില്ല. സ്ഥിരമായി ഈ വഴി സഞ്ചരിക്കുന്ന ഇവര്‍ക്ക് ഇതൊന്നും വലിയ കാര്യമായിരിക്കില്ല.

ഒന്നരമണിക്കൂറോളമുള്ള
വീട്ടിലേക്കുള്ള ഈ കാല്‍നടയാത്രയില്‍ കൊറിയ്ക്കാനായി ഇവര്‍ കുറേ പലഹാരങ്ങള്‍ വാങ്ങിയിരുന്നു. മുറുക്കും അതുപോലുള്ള പേരറിയാത്ത കുറേ പലഹാരങ്ങള്‍. എനിക്കും അതൊക്കെ രുചിനോക്കാന്‍ കിട്ടി. തിരിച്ച് എന്തെങ്കിലും പങ്കുവയ്ക്കാന്‍ ഞാനൊന്നും വാങ്ങിയിരുന്നില്ല. എന്തെങ്കിലുമൊക്കെ ബാഗില്‍ കരുതാമായിരുന്നു. മലകയറ്റവും പലഹാരം കൊറിയ്ക്കലും വാ തോരാതെയുള്ള സംസാരവുമൊക്കെയായി അരമണിക്കൂറോളം അങ്ങനെ പോയി.

പലഹാരങ്ങളൊക്കെ
തീര്‍ന്നപ്പോള്‍ കുട്ടികള്‍ വഴിയരികിലെ കുറ്റിച്ചെടികളില്‍ നിന്ന്
പലതരത്തിലുള്ള പഴങ്ങളൊക്കെ പൊട്ടിച്ച് കൊണ്ടുവന്നത് തന്നു. എന്നെ പോലെ ഒരു
അതിഥിക്ക് ഇതില്‍ കൂടുതലൊന്നും ഇവിടെ കിട്ടാനില്ല.ചവര്‍പ്പും പുളിപ്പുമായി
കാട്ടുപഴങ്ങളുടെ പലതരം സ്വാദുകള്‍..

(ബത്തദിന്‍
എന്നും കോലിക്കായ് എന്നുമൊക്കെ പറഞ്ഞ കായ്കളെ പറ്റിയുള്ള വിവരങ്ങള്‍ എവിടെയും നോക്കിയിട്ട്
കണ്ടത്താന്‍ പറ്റിയില്ല. കണ്ടുപരിചയമുള്ളവര്‍ ഒന്ന് പറയുമല്ലോ.)

കുടജാദ്രിയിലേക്കുള്ള കാനനപാത

Chocolate Pansy | ചോക്ലേറ്റ് ശലഭം

കയറ്റവും ചെളിപിടിച്ച മണ്‍പാതയുടെ അവസ്ഥയും കൂടിക്കൂടിവരുകയാണ്. അട്ടയുടെ ആക്രമണം കൂടിയതുകാരണവും
ഇടയ്ക്ക് പറന്ന് വരുന്ന പൂമ്പാറ്റകള്‍ക്ക് പിന്നാലെ പോകുന്ന കാരണവും എന്റെ നടത്തിന്റെ സ്പീഡ്
കുറഞ്ഞു.  മൂകാംബിക റിസര്‍വ് ഫോറസ്റ്റിലെ ഒരു ശലഭോദ്യാനത്തിന്റെ ബോര്‍ഡ്
വരുന്ന വഴി കാണാന്‍ സാധിച്ചു. നമ്മുടെ നാട്ടിന്‍പുറങ്ങളില്‍ കാണാത്ത പലയിനം
ശലഭങ്ങളെ കുടജാദ്രിയിലേക്കുള്ള യാത്രയില്‍ കണ്ടെങ്കിലും ഫോട്ടോ
എടുക്കാനുള്ള സാഹചര്യമുണ്ടായില്ല.

ഇടയിലുള്ള സമതലപ്രദേശം

അട്ടകളെ കൊണ്ട് കാല് പൊതിഞ്ഞു. ഇങ്ങനെയുള്ള സാഹചര്യത്തില്‍ നേരത്തെ പെട്ടിട്ടില്ലാത്തത് കൊണ്ട് വഴിയരികിലെ ഒരു പാറയില്‍ ഇരുന്നു. നടത്തം നിര്‍ത്തിയമാത്രയില്‍ കൂടുതല്‍ അട്ടകള്‍ കയറി തുടങ്ങി. അട്ടയ്ക്കെതിരെ പ്രയോഗിക്കാന്‍ എടുത്ത് വച്ച് ഉപ്പിന്റെ പൊതി ബാഗില്‍ എത്ര നോക്കിയിട്ടും കാണാനില്ല. അവസാനം തീപ്പെട്ടി കത്തിച്ച്  വച്ചാണ് ഇവരുടെ പിടി വിടിയിച്ചത്. എന്റെ വയറില്‍ വരെ അട്ടയെത്തി. എത്രയും വേഗത്തില്‍ പാന്റ് മാറി മുണ്ട് ചുറ്റി. മുന്നിലൂടെ നടന്നുപോയര്‍ ഷര്ട്ട് പോലും ഇടാതെ നടക്കുന്നതിന്റെ കാര്യം അപ്പോഴാണ് മനസ്സിലായത്. നിലക്കാത്ത രക്തപ്രവാഹവുമായുള്ള കാലുമായി അങ്ങനെ വീണ്ടും നടന്നുതുടങ്ങി.

കൂടെയുണ്ടായിരുന്ന കുട്ടികള്‍ വീട്ടിലേക്ക് പോയിട്ടുണ്ടാവണം. അവരോട് ഒരു ബൈ പോലും പറയാന്‍ പറ്റിയില്ല.

 

പുട്ടും കടലേം

മലമുകളിലേക്കുള്ള യാത്രാമധ്യേ ഒരു ചായക്കടയുണ്ട്. ചന്ദ്രനില്‍ പോയാലും
അവിടെ മലയാളിയുടെ ഒരു ചായക്കടയുണ്ടാവുമെന്ന് പറയുന്നത് പോലെ.
തങ്കപ്പേട്ടന്റെ ചായക്കട. നല്ല രസികന്‍ പുട്ടും കടലേം സ്ട്രോങ് ചായേം
കിട്ടും.

തങ്കപ്പന്‍ ചേട്ടനും കൊച്ചുമകളും

കാട്ടില്‍ വന്ന് പോകുന്നവര്‍ക്ക് വഴിമധ്യേ ഭക്ഷണം കിട്ടാവുന്ന ഏക
സ്ഥലം ഇത് മാത്രമാണ്. പത്തു മുപ്പത്തഞ്ച് കൊല്ലം മുമ്പ് കര്‍ണ്ണാടക
ഫോറസ്റ്റ് ഡിപാര്‍ട്ട്മെന്റ് തങ്കപ്പേട്ടന്റെ അച്ഛന്റെ കാലത്ത് അനുവദിച്ച
സ്ഥലത്താണ് ചായക്കട. അട്ടയ്ക്കെതിരെ പ്രയോഗിക്കാനുള്ള സ്പെഷല്‍ കിഴിയും ഇവിടെനിന്ന് കിട്ടും. കൂടാതെ കാട്ടുതേന്‍ തുടങ്ങിയ സാധനങ്ങളും ഇവിടെ കിട്ടും

തങ്കപ്പേട്ടന്റെ ചായക്കട

കാട്ടിലെ വഴികാട്ടികള്‍

ഇവിടെ എല്ലാ വീടുകളിലും നായ്ക്കളുണ്ട്. പുലിശല്യമുള്ളതിനാലാവണം ഇവയെ വളര്‍ത്തുന്നത്. തങ്കപ്പേട്ടന്റെ ഹോട്ടലിനോട് ചുറ്റിപ്പറ്റി നാലോളം നായ്ക്കളുണ്ട്. കുടജാദ്രിയിലേക്ക് കയറുന്നവരെ ഇവരെ ചിലപ്പോള്‍ അനുഗമിക്കാറുണ്ട്. പുറത്ത് നിന്ന് വരുന്നവരോട് വളരെ ഇണങ്ങുന്ന സ്വഭാവമുള്ളവയാണ്. മറ്റു നായ്ക്കള്‍ ഇവരുടെ അതിര്‍ത്തിയില്‍ കയറിയാല്‍ ഇവരുടെ ശരിക്കുള്ള  മുഖം കാണാം.

മുരളിയേട്ടനും സംഘവും

ചായക്കടയില്‍ നിന്ന് എനിക്ക് കൂട്ടായി കോഴിക്കോടുന്നിന്നുള്ള ഒരു സംഘത്തെ കിട്ടി. ഹിന്ദുസ്ഥാന്‍ കളരിയുമായി ബന്ധപ്പെട്ട മുരളിയേട്ടനും സംഘവും. അവര്‍ സ്ഥിരമായി ഇടയ്ക്കിടയ്ക്ക് കുടജാദ്രി കയറുന്നവരാണ്.സംസാരിച്ചതില്‍ നിന്ന് എനിക്ക് പറ്റിയവരാണെന്ന് തോന്നിയതിനാല്‍ ഇനിയുള്ള യാത്ര ഇവരുടെ കൂടെയാക്കാമെന്ന് വച്ചു.

Sound_of_Forest_(Mookambika_wildlife_sanctuary).ogg

By Manojk (Own work) [CC-BY-SA-3.0], via Wikimedia Commons

കയറ്റങ്ങള്‍

യാത്രയില്‍ നില്‍ക്കുന്നത് അട്ടകള്‍ കൂടുതല്‍ കയറുന്നതിന് കാരണമാകും. അതുകൊണ്ട് നിര്‍ത്തായെയുള്ള കയറ്റമായിരുന്നു. ഇടയ്ക്ക് പെയുന്ന മഴയില്‍ കുതിര്‍ന്ന മണ്ണ് കൂടുതല്‍ വെല്ലുവിളിച്ചുകൊണ്ടിരിന്നു.

കയറും തോറും സുന്ദരമായ ദൂരകാഴ്ചകള്‍ കണ്ടുതുടങ്ങി. സുന്ദരമായ പ്രകൃതിയുടെ ഈ തപോവനഭൂമിയുടെ കാഴ്ചകള്‍ എത്ര കണ്ടാലും മതിവരില്ല. കൂടുതല്‍ കയറാന്‍ മോഹിപ്പിക്കുന്നതാണ് ഈ വഴിയ്ക്കുള്ള ട്രക്കിങ്ങ്. ജീപ്പില്‍ കുടജാദ്രിയില്‍ വന്നപോകുന്ന ടൂര്‍റിസ്റ്റ് തീര്‍ഥാടകര്‍ക്കൊന്നും ഈ സുഖം അവകാശപ്പെടാനില്ല.

സഹ്യന്റെ ചേതോഹരമായ വനത്തിലൂടെ പൂക്കളുടെ സൗരഭ്യവും പക്ഷികളുടെ സ്വരരാഗങ്ങളും കേട്ട് ഇടയ്ക്ക് മിന്നിമറയുന്ന കാട്ടുപോത്തുപോലുള്ള വന്യജീവികളെ വഴിയില്‍ പ്രതിക്ഷിച്ച് മലഞ്ചെരുവിലൂടെ ആകാശകാഴ്ചകളും  കണ്ട് കോടമഞ്ഞിന്റെ തണുപ്പിലേക്ക് നടന്നുപോകുന്നതിന്റെ സുഖം അനുഭവിക്കുക തന്നെ വേണം.

 

 

 

 

 

 

 

 

വഴിയില്‍ നിന്ന് ശേഖരിച്ച കാട്ടുപോത്തിന്റെ കാല്പാട്. ഞങ്ങള്‍ വരുന്നതിന്റെ തൊട്ടുമുമ്പുവരെ അതവിടെയുണ്ടായിരുന്നു.

കുടജാദ്രിയിലെ ചായക്കട.

അവിടത്തെ ക്ഷേത്രത്തിലെ പൂജാരിയുടെ വീട് താമസസ്ഥമുണ്ടോയെന്ന് തിരക്കാന്‍ ആദ്യം അവിടെയാണ് പോയത്. മഴകാരണം ചോര്‍ന്നൊലിക്കുന്ന വീട്ടില്‍ സ്ഥമുണ്ടാവില്ലെന്ന് കുടുംബനാഥ പറഞ്ഞു.

 

കുടജാദ്രിയിലെ ഭദ്രകാളീ ക്ഷേത്രം

ചായക്കടയുടെ അടുത്തുള്ള ഒരു കുടുസുമുറീറിയില്‍ താമസം പറഞ്ഞുവച്ചു. ഒരാള്‍ക്ക് 100 രൂപയോളം വരുമെന്ന് പറഞ്ഞു. മഴകൊള്ളാതെ കയറിയിരിക്കാന്‍ ഒരിടം എന്നതില്‍ കവിഞ്ഞ് ഇവിടെ സുഖസൗകര്യങ്ങളൊന്നുമില്ല. കര്‍ണ്നാടക പൊതുമരാമത്ത് വകുപ്പിന്റെ ഒരു കോട്ടേഴ്സ് ഉണ്ട്. നേരത്തെ അധികാരികള്‍ വഴി ബുക്ക് ചെയ്ത് വന്നാലെ അത് ഉപയോഗിക്കാന്‍ പറ്റു. കെട്ടിടം കണ്ടിട്ട് നല്ല സൗകര്യങ്ങളുള്ലതാനെന്ന് തോന്നി.

ക്ഷേത്രത്തിന്റെ ഉടമസ്ഥന്‍

കാലഭൈരവന്റെ ക്ഷേത്രവും തുരുമ്പെടുക്കാത്ത ഇരുമ്പ് തൂണും

ഇരുമ്പ് തൂണിന്റെ ക്ലോസപ്പ്. ഇതുപൊലൊന്ന് ഡല്‍ഹിയിലും ഉണ്ടെന്ന് കേട്ടിട്ടുണ്ട്.

കുടജാദ്രിയിലെ വൈകുന്നേരം. ജീപ്പില്‍ തിരിച്ചു പോകാന്‍ നില്‍ക്കുന്ന ഒരു സംഘം.

പോസ്റ്റിന്റെ നീളം കുറേ കൂടിപ്പോകുന്നതിനാല്‍ കുടജാദ്രിയിലെ വിശേഷങ്ങളും ചിത്രങ്ങളും രണ്ടാമതൊരു ഭാഗമായി എഴുതുന്നതാണ് നല്ലതെന്ന് തോന്നുന്നു. എഴുത്ത് അത്ര സുഖകരമല്ലാത്ത ഏര്‍പ്പാട് ആയതുകൊണ്ട് ചിത്രങ്ങളും അടിക്കുറുപ്പുകളും മാത്രമേ എന്നില്‍ നിന്ന് പ്രതീക്ഷിക്കേണ്ടതുള്ളൂ. ഐതിഹ്യങ്ങളെക്കുറിച്ചും വിശ്വാസങ്ങളെക്കുറിച്ചും കുടുതല്‍ മനസ്സിലാക്കേണ്ടിയിരിക്കുന്നു.

രാത്രിയിലെ മെഴുകുതിരി വെളിച്ചതില്‍.. വീട്ടില്‍ നിന്ന് പൊതിഞ്ഞുകൊണ്ടുവന്ന ചപ്പാത്തിയും ചിപ്സും ബ്രഡും ജാമും ശരിക്കും ഉപകാരപ്പെട്ടു.

ഒരു രാത്രി കുടജാദ്രിയില്‍ തങ്ങണമെന്നത് ആഗ്രഹമായിരുന്നു. കോടമഞ്ഞിന്റെ തണുപ്പില്‍ മൂടിപ്പുതച്ച് സുഖമായി ഉറങ്ങി.

 

രണ്ടാം ദിവസത്തെ കാഴ്ചകള്‍ / കുടജാദ്രിയിലെ ശങ്കരപീഠവും ചിത്രമൂലയും ഗണപതിഗുഹയുമെല്ലാം അടുത്ത പോസ്റ്റില്‍.. 

105 വര്‍ഷത്തിധികം ചരിത്രം പറയാനുള്ള ഈ സര്‍ക്കാര്‍ വിദ്യാലയത്തിലെ പൂര്‍വ്വ വിദ്യാര്‍ത്ഥികള്‍ ഒത്തുചേരുന്നു.. ഇന്നലകളെ തിരിച്ചറിഞ്ഞ് സ്കൂളിന്റെ നല്ലൊരു ഭാവിയ്ക്കായി കൈകോര്‍ക്കാന്‍.. ഗുരു പാരമ്പര്യത്തെ നെഞ്ചേറ്റുന്ന ശിഷ്യ പരമ്പരയുടെ അകമ്പടിയോടെ മണ്‍മറഞ്ഞ് പോയവരുടെ സ്മൃതിമണ്ഡഭങ്ങളില്‍ നിന്നാരംഭിക്കുന്ന നാട്ടിടവഴികളിലൂടെയുള്ള ഓര്‍മ്മപ്രദക്ഷിണമായി ദീപശിഖാപ്രയാണം.. മുന്‍കാല അധ്യാപകരെ ആദരിക്കലും മണ്‍മറഞ്ഞുപോയവരുടെ അനുസ്മരണവും.. പൂര്‍വ്വിക സംഗമം, ഗുരുവന്ദനം, 80 വയസ്സ് കഴിഞ്ഞ പൂര്‍വ്വ വിദ്യാര്‍ഥികളെ ആദരിക്കല്‍.. വിദ്യാര്‍ത്ഥികളുടെ വിവിധ കലാപരിപാടികള്‍.. ഈ വിദ്യാലയത്തെ സ്നേഹിക്കുന്ന, ഇവിടെ പഠിച്ചതില്‍ അഭിമാനം കൊള്ളുന്ന, എല്ലാ പൂര്‍വ്വ വിദ്യാര്‍ത്ഥികളേയും ഏപ്രില്‍ 20-21 നടക്കുന്ന പരിപാടികളിലേക്ക് സംഘാടകസമിതി സ്വാഗതം ചെയ്യുന്നു..

കുടിയ്കാന്‍ പച്ചവെള്ളം

ചാരിയിരിയ്ക്കാന്‍ ഒരു തലയിണ

ആനന്ദമേ ആനന്ദം.. 

വിക്കിഗ്രന്ഥശാലയില്‍ എന്ത് ചെയ്യാനാകും. എങ്ങനെ സഹായിക്കാനാകും എന്ന് ചിന്തിച്ച് നില്ക്കുന്നവര്‍ക്ക് ഈ പോസ്റ്റ് സഹായിക്കും എന്ന് കരുതുന്നു.

സാധാരണ ഉപയോഗിക്കുന്ന പിഡിഎഫ് ഫോര്‍മാറ്റിന് പകരം ദേജാവൂ എന്ന സ്വതന്ത്ര ഫോര്‍മാറ്റാണ് സ്കാന്‍ ചെയ്ത പുസ്തകത്തിന് ഉപയോഗിക്കുന്നത്. ഇത് എങ്ങനെ ഉണ്ടാക്കാം/പിഡിഎഫിനെ രൂപമാറ്റം നടത്തിയെടുക്കാം എന്ന് ഇവിടെ [S:Help:DjVu_files] നിന്നും മനസ്സിലാക്കാം.

ഒരോ പുസ്തകത്തിന്റേയും സൂചുകാ (ഇന്റക്സ്) പേജിലാണ് ഡിജിറ്റൈസേഷന്റെ അവസ്ഥ മനസ്സിലാക്കാന്‍ കഴിയുക.

ദൂതവാക്യം ഗദ്യം എന്ന പുസ്തകത്തിന്റെ സ്ക്രീന്‍ഷോട്ടുകള്‍ ശ്രദ്ധിക്കുക.

സൂചികാ താള്‍ (ദൂതവാക്യം ഗദ്യം)

ചുവന്ന വൃത്തത്തില്‍ കാണിച്ചിരിക്കുന്ന താളുകള്‍ എന്ന വിഭാഗത്തില്‍ ഓരോ താളുകളുടേയും അവസ്ഥ കാണാം.ഓരോ നിറങ്ങളും ഓരോ അവസ്ഥയെ സൂചിപ്പിക്കുന്നു.

തെറ്റുതിരുത്തൽ വായന നടന്നിട്ടില്ലാത്തവ

തെറ്റുതിരുത്തൽ വായന കഴിഞ്ഞവ

സാധുകരിച്ചവ (2 പ്രാവശ്യം തെറ്റുതിരുത്തല്‍ വായന കഴിഞ്ഞവ)

എഴുത്ത് ഇല്ലാത്തവ 

പ്രശ്നമുള്ളവ

ഇതില്‍ നിന്നും പ്രൂഫ് റീഡ് ചെയ്യാന്‍ താല്പര്യമുള്ളവര്‍ക്ക് റോസ് നിറത്തിലുള്ള പേജുകളിലേയ്ക്ക് പോകാം. ടൈപ്പ് ചെയ്യേണ്ടവര്‍ക്ക് ചിവന്ന ലിങ്കുകളില്‍ ക്ലിക്ക് ചെയ്ത് അതത് താളുകള്‍ സൃഷ്ടിക്കാം.

 

ഒരു താള്‍ തുറന്നാല്‍ കാണുന്നതിന്റെ മാതൃകയാണ് താഴെ.

ഒരു താളിന്റെ ഘടന

വലത് ഭാഗത്ത് കറുത്ത വൃത്തത്തില്‍ കാണുന്നതാണ് സ്കാന്‍ ചെയ്ത പേജിന്റെ ചിത്രം. ഇടത് ഭാഗത്തായി ടൈപ്പ് ചെയ്യാനുള്ല ഒരു സ്ഥലം കാണാം. സാധാരണ വിക്കിയുടെ പണിയിടം പോലെ തന്നെ. മഞ്ഞ ചതുരത്തില്‍ ഉപയോഗിക്കാവുന്ന ഫോര്‍മാറ്റിങ് ടൂളുകളും കാണാം. ഗ്രന്ഥശാലയില്‍ ഇത് വല്ലപ്പോഴുമേ ആവശ്യം വരാറുള്ളൂ.

വലതുഭാഗത്തെ ചിത്രത്തില്‍ കാണുന്ന അക്ഷരങ്ങള്‍ ഇടത് ഭാഗത്ത്  ടൈപ്പ് ചെയ്യുക മാത്രമാണ് ജോലി. പേജ് സൃഷിക്കാന്‍ നേരത്ത് ഇംഗ്ലീഷ് അക്ഷരങ്ങള്‍ കാണുന്നുണ്ടെങ്കില്‍ അതെല്ലാം ഡെലിറ്റ് ചെയ്ത് കളയുക. വിക്കിയിലെ OCR സംവിധാനം പ്രവര്‍ത്തിച്ച് കിട്ടുന്ന അക്ഷരങ്ങളാണിതെല്ലാം. മലയാലത്തിന് ഇത് ഉപകാരമായിട്ടില്ല.

ഇനി സേവ് ചെയ്യുന്നതിന് മുമ്പായി താളിന്റെ തല്സ്ഥിതി എന്നതിലെ കളര്‍ ബട്ടണുകള്‍ തിരെഞ്ഞെടുക്കണം.(നേരത്തെ പറഞ്ഞ കളറുകള്‍ തന്നെ) ആ റേഡിയോ ബട്ടണ്‍ ഞെക്കുമ്പോല്‍ ചുരുക്കം   എന്ന കള്ളിയില്‍ അതിനനുയോജ്യമായ വാചകം വന്നിട്ടുണ്ടെന്ന് ഉറപ്പുവരുത്തു താള്‍ സേവ് ചെയ്യക എന്നത് ക്ലിക്ക് ചെയ്യുക.

ഇത്രേ ഉള്ളൂ കാര്യം. വളരെ എളുപ്പത്തില്‍ എല്ലാവര്‍ക്കും ചെയ്യാവുന്ന കാര്യമാണ്. മലയാളം ടൈപ്പിങ്ങ് അറിയാമെങ്കില്‍ ചിലവിടാന്‍ കുറച്ച് സമയമുണ്ടെങ്കില്‍ ആര്‍ക്കും ചെയ്യാവുന്ന ഒരു കാര്യമാണ്. നമ്മുടെ കഴിഞ്ഞ കാലത്തെ അമൂല്യ ഗ്രന്ഥങ്ങള്‍ സൂക്ഷിച്ച് ഡിജിറ്റല്‍ രൂപത്തില്‍ സൂക്ഷിച്ച് വയ്ക്കേണ്ടത് ഓരോരുത്തരൂടേയും കടമയാണ്. ഇത്തിരി സമയം കിട്ടിയാല്‍ ഇവിടെയെത്തി രണ്ട് പേജ് പ്രൂഫ് വായിക്കാനോ ഒരു പേജ് ടൈപ്പ് ചെയ്യാനോ അധികം ബുദ്ധിമുട്ട് ആര്‍ക്കും ഉണ്ടാവിലെന്ന് കരുതുന്നു. ഇതുപോലെ നൂറുകണക്കിന് ആളുകളുടെ ശ്രമഫലമായിട്ടാണ് വിക്കിഗ്രന്ഥശാല ഈ വിധം വളര്‍ന്നത്.

ഭാഷെയെ സ്നേഹിക്കുവെങ്കില്‍ നിങ്ങളും ഇതില്‍ പങ്കാളിയാണെന്ന് ഉറപ്പുവരുത്തുക. അഭിമാനിക്കുക.

ഓഫ് ലൈനായി ഇത് ചെയ്യാനാകുമോ ?

ഇതിനെ വിക്കിഗ്രന്ഥശാല പ്രോത്സാഹിപ്പിക്കുന്നില്ല. കാരണമെന്തെന്നാല്‍ ഓഫ്ലൈനായി ടൈപ്പ് ചെയ്ത് വിക്കിയില്‍ ചേര്‍ക്കാന്‍ വര്മ്പോഴേക്കും വേറെ ആരെങ്കിലും അത് ചെയ്യാന്‍ സാധ്യതയുണ്ട്. ഡ്യൂപ്ലിക്കേഷന്‍ നടന്നേക്കാം . എന്നിരുന്നാലും ഞാന്‍ ഈ താള്‍ ടൈപ്പ് ചെയ്യുന്നു എന്ന് പ്രസ്തുത താളിലോ അല്ലെങ്കില്‍ അതിന്റെ സംവാദം താളിലോ കുറീപ്പായി ഇട്ട് ഓഫ്ലൈനായി ടൈപ്പ് ചെയ്യാവുന്നതാണ്.  ഏറ്റവും മുകളില്‍ ചിത്രം എന്നതില് ക്ലിക്ക് ചെയ്താല്‍ അതിന്റെ ചിത്രരൂപം ഡൗണ്‍ലോഡ് ചെയ്തെടുക്കാവുന്നതാണ്. ഓഫ്ലൈനായി ടൈപ്പ് ചെയ്ത ശേഷം എത്രയും വേഗത്തില്‍ അത് വിക്കിയിലോട്ട് പുതുക്കുക.

പകര്‍പ്പാവകാശം കഴിഞ്ഞ പുസ്തങ്ങള്‍ കയ്യിലുണ്ട്. 

പകര്‍പ്പാവകാശം കഴിഞ്ഞ പുസ്തങ്ങളുടെ സ്കന്‍ ചെയ്തോ/ഫോട്ടോ എടുത്തോ  സംഭാവന ചെയ്യാനാകുമെങ്കില്‍ http://groups.google.com/group/mlwikilibrarians എന്ന ഗൂഗിള്‍ ഗ്രൂപ്പുമായി ബന്ധപ്പെടുക. സ്കാന്‍ ചെയ്യുകയാണെങ്കില്‍ 300dpi യില്‍ സ്കാന്‍ ചെയ്യുന്നത് ഉചിതം. ഭാവിയിലെ OCR പരീക്ഷണങ്ങള്‍ക്ക് സഹായിച്ചേക്കും. ഗ്രന്ഥശാലയില്‍ വായിക്കാനാകുന്ന ക്ലാരിറ്റിയിലുള്ള സ്കാനുകള്‍ ആയാലും മതിയാകും.  വിക്കി ഗ്രന്ഥശാലയിലോ വിക്കിമീഡീയ കോമണ്‍സിലോ ഇത് അപ്ലോഡ് ചെയ്യാവുന്നതാണ്.

ടൈപ്പ് ചെയ്യാനുള്ള പുസ്തകങ്ങളുടെ പട്ടിക എവിടെ കിട്ടും ?

djvu ഫോര്‍മാറ്റില്‍  സ്കാന്‍ ചെയ്ത് ടൈപ്പിങ്ങിന് റെഡിയായി നില്ക്കുന്ന പുസ്തകങ്ങളുടെ പട്ടിക http://ml.wikisource.org/wiki/Special:IndexPages
വിക്കിഗ്രന്ഥശാലയിലെ വിവിധപദ്ധതികളെകുറിച്ചുള്ള വിവരങ്ങള്‍ വിക്കിഗ്രന്ഥശാല:വിക്കിപദ്ധതി

ദേജാവൂ രീതിയില്‍ ഡിജിറ്റൈസ് ചെയ്ത ചില പുസ്തകങ്ങള്‍

• ചക്രവാകസന്ദേശം
• അധ്യാത്മവിചാരം പാന
• കുന്ദലത
• കൊളംബ് യാത്രാവിവരണം
• പ്രാചീനമലയാളം_2 

സംശയങ്ങളുണ്ടെങ്കില്‍ വിക്കിഗ്രന്ഥശാലയില്‍ സംവാദം താളുകളിലോ വിക്കിഗ്രന്ഥശാലയുടെ ഗൂഗില്‍ ഗ്രൂപ്പിലോ ചോദിക്കുക.

ഒരു നല്ല വിക്കിഗ്രന്ഥശാല അനുഭവം ആശംസിച്ചുകൊണ്ട്, സസ്നേഹം –മനോജ്‌ .കെ 01:30, 1 ഒക്ടോബര്‍  2011 (UTC)

ഈ പോസ്റ്റ്  ക്രിയേറ്റീവ് കോമൺസ് ആട്രിബ്യൂഷൻ/ഷെയർ-എലൈക്ക് അനുമതിപത്ര (കടപ്പാട്, സമാനമായ അനുമതിപത്രം, എന്നിവ നൽകുക)  പ്രകാരം പ്രസിദ്ധീകരിച്ചിരിക്കുന്നു.

വെറുമൊരു വിജ്ഞാനകോശം എന്നതിനേക്കാൾ ഇതൊരു വികാരമാണ്, അതിലുപരി സംസ്കാരവും..

ഓൺലൈൻ മലയാളികൾക്ക് ഈ ജൂൺ ഒരല്പം ആഹ്ലാദം തരുന്ന വേളയാണ്. കാരണമെന്തെന്നോ!! മലയാളം വിക്കിപ്രവർത്തകരുടെ പ്രവർത്തനസംഗമത്തിന് ഈ ജൂൺ 11ന് കണ്ണൂർ വേദിയാവുകയാണ്.

വിക്കിപീഡിയ മലയാളത്തിലുമുണ്ടെന്നത് ഇന്റർനെറ്റുമായി കമ്പ്യുട്ടറിനു മുൻപിൽ സദാസമയം തപസ്സിരിക്കുന്നവർക്കുപോലും പുതിയൊരറിവായിരിക്കും. പോട്ടെ.. കമ്പ്യൂട്ടറിൽ ഒരു സാധാരണക്കാരന് മലയാളം ടൈപ്പ് ചെയ്യാൻ കഴിയും എന്നറിയുന്നവർ എത്രയുണ്ട്? ഇന്ന് ലോകത്തെ തന്നെ ഏറ്റവും മികച്ച വിക്കിപീഡിയകളിൽ ഒന്നായി മലയാളം വിക്കിപീഡിയ മാറിയിരിക്കുന്നു. വിജ്ഞാനം അതത് ഭാഷയിൽ വേണമെന്നത് ഓരോ ഭാഷയുടേയും അവകാശമാണ്. വികസനത്തിനു അത്യാവശ്യവുമാണ്. ഇനിയുള്ള നാളുകളിൽ ഒരു ഭാഷ മൃതമാകാതെയിരിക്കണമെങ്കിൽ ആ ഭാഷ ഡിജിറ്റൽ ലോകത്ത് വ്യക്തമായ മുഖമുദ്ര പതിപ്പിക്കുക തന്നെ വേണം. ഇതിന് ഏറ്റവും മികച്ച കളമൊരുക്കുകയാണ് മലയാളം വിക്കിപീഡിയ. വിവരങ്ങൾ സ്വതന്ത്രമാക്കുക, അത് എല്ലാവരുമായി പങ്ക് വയ്ക്കുക എന്നൊക്കെയാണ് വിക്കിപീഡിയ ഉൾപ്പെടുന്ന വിക്കിമീഡിയ ഫൗണ്ടേഷന്റെ വിക്കിസംരംഭങ്ങളുടെ പ്രവർത്തനലക്ഷ്യമെങ്കിൽ അതോടൊപ്പം ശുഷ്കമായിക്കൊണ്ടിരിക്കുന്ന നമ്മുടെ ഭാഷയുടെ ജീവൻ നിലനിർത്തുകയും, ഓൺലൈനിൽ മലയാളത്തിന്റെ സാന്നിദ്ധ്യം സജീവമാക്കി നിർത്തുകയും ചെയ്യുക എന്നത് കൂടിയാണ് മലയാളം വിക്കിസംരംഭങ്ങളുടെ ലക്ഷ്യവും പ്രസക്തിയും.

നമുക്കോരോത്തർക്കും ഇന്ന് ലഭിച്ചിരിക്കുന്ന അല്ലെങ്കിൽ ലഭിച്ചുകൊണ്ടിരിക്കുന്ന അറിവുകൾ, പലരിൽ നിന്ന്. പല സ്ഥലങ്ങളിൽ നിന്ന്, പലപ്പോഴായി പകർന്ന് കിട്ടിയിട്ടുള്ളതാണ്. അത് മറ്റുള്ളവർക്ക് കൂടി പകർന്നുനൽകാൻ, സൂക്ഷിച്ചു വയ്ക്കാൻ ഒരു സാമൂഹിക വ്യവസ്ഥിതിയിൽ നമുക്കോരോത്തർക്കും കടമയുണ്ട്. രേഖപ്പെടുത്താത്തതു മൂലം നഷ്ടമായിപ്പോയ നിരവധി അറിവുകളുണ്ട്. നമുക്ക് ലഭിച്ച അറിവുകൾ വിക്കിപീഡിയയിൽ കൂടിയും മറ്റ് വിക്കിസംരംഭങ്ങളിൽ കൂടിയും പങ്ക് വയ്ക്കുന്നതിലൂടെ നാം ഭാവി തലമുറയ്ക്കായി ഒരു സേവനമാണ് ചെയ്യുന്നത്. സൗജന്യമായി വിജ്ഞാനം പകർന്ന് നൽകുന്നതിലൂടെ ലഭിക്കുന്ന ആത്മസംതൃപ്തിയാണ് വിക്കിപീഡിയർക്ക് ഈ പൊതുസേവനത്തിലൂടെ ലഭിക്കുന്നത്. അതോടൊപ്പം അറിവ് പങ്ക് വയ്ക്കുന്നതിലൂടെ അത് വർദ്ധിക്കുന്നു എന്ന പഴഞ്ചൊല്ല് നിത്യജീവിതത്തിൽ പ്രാവർത്തികമാകുന്നതും കാണാനാകും ഓർക്കുക ഇതുപോലെ പല സുമനസ്സുകൾ വിചാരിച്ചതിന്റെ ഫലമാണ് നാമിന്ന് ആർജ്ജിച്ചിരിക്കുന്ന അറിവൊക്കെയും…എല്ലാവരും ഈ മുന്നേറ്റത്തിൽ പങ്കാളിയാവുക.

അപ്പോൾ ഇപ്പോ തന്നെ കണ്ണൂരേക്കുള്ള വണ്ടി പിടിക്കുവല്ലേ???….

കടപ്പാട്: അഖിലിനല്ലാതെ മറ്റാർക്ക്  
കോപ്പിയടി ഇവിടെ നിന്നു് 

• Prayer

• Welcome speech – Mrs. Sunitha C

• Inauguration – Dr. M N Agnisarman Namboodiri

• Vote of Thanks – Mr. Manoj K

• Session 1 – Introduction to FOSS

• Tea Break

• Session 2 – FOSS in daily life

• Session 3 – Contributing to FOSS

According to the part of FOSS activity in the campus we are conducting a one day camp on swathandra malayalam computing .  more info here.

വിലങ്ങന്‍ കുന്നില്‍ കണ്ണാന്തളി വീണ്ടും പൂത്തപ്പോള്‍….

പണ്ട് കുന്നിന്‍ ചെരുവുകളില്‍ സമൃദ്ധമായി ഉണ്ടായിരുന്ന ഈ പൂവ് ഇപ്പോള്‍ നാമാവശേഷമായി . 


എം ടി യുടെ കഥകളില്‍ വായിച്ചറിഞ്ഞ ഈ ചെടി ഞാന്‍ കണ്ടെത്തിയത്  അവിചാരിതമായാണ് . കുറച്ചു പേരോട് അന്വേഷിച്ചതുകൊണ്ടാണ് ഇതു കണ്ണാന്തളി ആണെന്ന് മനസിലാക്കാന്‍ കഴിഞ്ഞത് . പുതു തലമുറയ്ക്ക് അത്രയ്ക്ക് അന്യമാണ് ഇതുപോലുള്ള നാടന്‍ പൂക്കള്‍.. കുന്നുകള്‍ ഇടിച്ചു ഇന്നു പാടം നികത്തുന്നു . വികസനമെന്ന പേരില്‍ നടക്കുന്ന ഈ പ്രവര്‍ത്തിക്കു മനുഷ്യന്‍ നല്‍കേണ്ടി വരുന്ന വില വളരെ വലുതാണ് ..
 ഇതുമൂലം നമ്മുടെ സ്വന്തം നിറങ്ങളും ഗന്ധങ്ങളും വിസ്മയങ്ങളുമാണ് നമുക്ക് നഷ്ടപെട്ടുകൊണ്ടിരിക്കുനത് . .

മഹേഷ്‌ മോഹന്‍ M U – University Institute of technology ,തിരുവനന്തപുരം
അനീഷ്‌  A – Mohandas Collage of engineering and technology ,തിരുവനന്തപുരം
രാരു R . V – University Institute of technology ,തിരുവനന്തപുരം
ഗണേഷ് കൃഷ്ണന്‍ V – AWH Engg collage , കോഴിക്കോട്
മനോജ്‌. കെ – Vidya academy of science and technology , തൃശൂര്‍

ചിത്രത്തില്‍ രാരു ,ഞാന്‍ , സ്റ്റാള്‍ മാന്‍ ,മഹേഷ്‌ മോഹന്‍ , അനീഷ്‌ .

ഇതു ഫ്രീഡംടോസ്റെര്‍ . ആവശ്യകാര്‍ക്ക് സ്വതന്ത്ര സോഫ്റ്റ്‌വെയര്‍ os കള്‍ burn ചെയ്തു എടുക്കാനുള്ള ഉപകരണം. ഏഷ്യയിലെ മുന്നാമത്തെ ഉപകരണം ആണ് ZYX WARE Technologiesനിര്‍മിച്ച ഇതില്‍ 72 ഓളം  operating systems ഉം സ്വതന്ത്ര സിനിമകളും മറ്റും ലഭ്യമാണ് . wifi  ഉപയോഗിച്ചും Ethernet  കേബിള്‍ വച്ചും നമ്മുടെ ലാപ്ടോപിനെ  പുതുകാനുള്ള സംവിധാനവും ഉണ്ട് .

ഫോട്ടോകള്‍ എല്ലാം എടുത്തവര്‍ക്ക് അവകാശപെട്ടത്‌ .ക്യാമ്പില്‍ ഫോട്ടോസ് എല്ലാരും പങ്കുവച്ചപ്പോള്‍ കിട്ടിയതാണ് മിക്കതും . ആരുടെ ഒക്കെ ആണെന്ന് അറിയില്ല!




അവസാന ദിവസത്തെ പരീക്ഷയും എഴുതി തല പെരുത്ത്‌ വട്ടായി നില്‍ക്കുമ്പോള്‍ ആണ് എനിക്ക് ഇങ്ങനെ ഒരു അസുലഭമായ ഒരു അവസരം ലഭിച്ചത് . ശരിക്കും ഒരു നല്ല ഒരു അനുഭവമായിരുന്നു ആ ക്യാമ്പ് .
സ്വതന്ത്ര മലയാളം കമ്പ്യൂട്ടിങ്ങ് ന്റെ പരിപാടികളില്‍ വച്ച് പരിചയപെട്ട ജയ്സെന്‍ നെടുമ്പാലയുമായുള്ള ചാറ്റിങ് ആണ് എന്നെ ഈ ക്യാമ്പില്‍ എത്തിച്ചത് !

                          Jaisen: ഉം.

                          ഞാന്‍: ഇനി മൂന്നു ദിവസം മൊത്തം കാട്ടിലാണോ ?

                          Jaisen: ആരാ? താങ്കളാണോ?

                          ഞാന്‍: അതെ !

7:47                   ഞാന്‍:  കാര്യമായിട്ടാണോ ? എന്റെ പരീക്ഷ ഇന്നു കഴിഞ്ഞു. 5 ദിവസം ഒഴിവാണ് .

           

                       പിന്നെ പരാതി പറഞ്ഞേക്കരുതു്.

                     Jaisen: ഒകെ. അപ്പോ അതില് കേറിക്കോളൂ.

അന്നു രാത്രി തന്നെ മനു ബാലകൃഷ്ണന്‍ എന്ന സുഹൃത്തിനൊപ്പം തലശേരിക്കു തീവണ്ടി കയറി . ഇത്രേം നേരം ഉറകം തുങ്ങികൊണ്ട് കമ്പ്യൂട്ടറില്‍ കളിച്ചു കൊണ്ടിരിക്കുനവന്‍ ഒരു നിമിഷം ,പെട്ടെന്ന് ഞാന്‍ കണ്ണൂര്‍ക്ക് പോവാണ് എന്നത് , വീട്ടുകാരെ ബോധ്യപെടുത്താന്‍ ഇത്തിരി കഷ്ടപ്പെട്ടു
ബാക്കിയുള്ളത് സമയം കിട്ടുനതിനനുസരിച്ചു അപ്ഡേറ്റ് ചെയ്യാം !

View all

ചിത്രങ്ങള്‍ : യശ്വന്ത് കൃഷ്ണന്‍

പുലിക്കളി (വിക്കിപീഡിയയില്‍ നിന്ന് ) 

അരനൂറ്റാണ്ടിലേറെ പഴക്കമുള്ളതാണ്‌ തൃശൂരിന്റെ പുലിക്കളി. കൊല്ലവും തിരുവനന്തപുരവുമാണ്‌ പുലിക്കളിയുടെ മറ്റ്‌ രണ്ട്‌ സ്ഥലങ്ങള്‍. തലമുറകളായി തുടര്‍ന്നുപോരുന്ന ഇതിന്‌ പൂരത്തിനും ഏറെത്താഴയല്ലാത്ത സ്ഥാനമുണ്ട്‌. നാലാമോണം വൈകിട്ടാണ്‌ പുലിക്കളി. വേഷം കെട്ടല്‍ തലേന്ന്‌ രാത്രിതന്നെ തുടങ്ങാറുണ്ട്‌. ശരീരമാകെ വടിച്ച്‌ മഞ്ഞയും കറപ്പും ചായം പൂശി വാഹനങ്ങളില്‍ കൃത്രിമമായി നിര്‍മ്മിച്ച വനത്തില്‍ നിന്ന്‌ ചാടിയിറങ്ങുന്ന നൂറുകണക്കിന്‌ പുലികള്‍ നടുവിലാര്‍ ഗണപതിക്ക്‌ മുമ്പില്‍ നാളീകേരമുടച്ചാണ്‌ കളി തുടങ്ങുന്നത്‌.

തൃശ്ശൂരിലെ പുലിക്കളികള്‍ക്ക് മറ്റൂ സ്ഥലങ്ങളില്‍ കാണുന്നതില്‍ നിന്ന് വ്യത്യസ്തത ഉണ്ട്. ഇവിടെ പുലികളുടെ മേല്‍ ഉപയോഗിക്കുന്ന ചായം ഇനാമല്‍ പെയിന്റ് ആണ്. ഇവ മണ്ണെണ്ണയില്‍ നന്നായി കൂട്ടിച്ചേര്‍ത്താണ് ഉപയോഗിക്കുന്നത്. കാലത്തിന്റെ മാറ്റം പുലികളിലെ വേഷങ്ങളിലും മാറിയിട്ടുണ്ട്. ചിലര്‍ ശരീരത്തില്‍ ചിത്രങ്ങള്‍ വരക്കാറുണ്ട് . വിവിധനിറത്തിലാണ് പുലികള്‍ , പച്ച, മഞ്ഞ്, കറുപ്പ്, സില്‍ വര്‍, ചുവപ്പ്, നീല, പിങ്ക് , വയലറ്റ് എന്നുവേണ്ട മിക്ക നിറത്തിലും കാണാം. കുടവയറുള്ള പുലിക്കളിക്കാരെയാണ് ഇവിടെ മിക്കവാറും പ്രധാനിയായി കണക്കാക്കുന്നത്. ഇവര്‍ അരമണി ധരിക്കാറുണ്ട്. ഇത് കുലുക്കിയാണ് മിക്കവാറും നൃത്തം ചെയ്യാറ്. പരിപാടി കഴിഞ്ഞാല്‍ ചായം കഴുകി കളയുന്നത് മണ്ണെണ്ണയുടെ സഹായത്തോടെ ആണ്.

ആ ഭടന്മാര്‍ പുലിനഖമോതിരം കൊണ്ടുപോയി വിറ്റ് അരി മുതലായവ എല്ലാം വാങ്ങി ഭക്ഷണം കഴിക്കുകയും ഇപ്രകാരം ഔദാര്യമുള്ള ഈ ബ്രഹ്മചാരി ഏതില്ലത്തെയാണെന്നും അദ്ദേഹത്തിന്റെ സ്ഥിതി ഏതു പ്രകാരമാണെന്നും മറ്റും അന്വേഷിച്ചറിയുകയും ചെയ്തതിന്റെശേഷം അവര്‍ വേഗത്തില്‍ വീണ്ടും ആ ബ്രഹ്മചാരിയുടെ അടുക്കല്‍ച്ചെന്ന് വന്ദിച്ച്”ഇനി അടിയങ്ങള്‍ എന്തു വേണമെന്നു കല്പിക്കണം. കല്പന ചെയ്‌വാന്‍ അടിയങ്ങള്‍ സന്നദ്ധരാണ്. ഇന്നു മുതല്‍ അവിടുന്ന് അടിയങ്ങളുടെ തമ്പുരാനും അടിയങ്ങള്‍ അവിടുത്തെ ആജ്ഞാകരന്മാരുമാണ്. ഇനി അടിയങ്ങള്‍ മറ്റൊരാളെ ആശ്രയിച്ച് ഉപജീവിക്കണമെന്നു വിചാരിക്കുന്നില്ല”എന്നു പറഞ്ഞു. ഇതു കേട്ടു ബ്രഹ്മചാരി”നിങ്ങള്‍ അങ്ങനെ നിശ്ചയിച്ചുവെങ്കില്‍ ഞാനും അപ്രകാരംതന്നെ സമ്മതിച്ചിരിക്കുന്നു. നിങ്ങള്‍ക്കു ഭക്ഷണത്തിനു തരുന്നതിനെന്നല്ല, എനിക്ക് അഹോവൃത്തി കഴിക്കുന്നതിനുപോലും എന്രെ കൈവശവും തറവാട്ടിലും യാതൊന്നുമില്ല. എനിക്ക് വേണ്ടതുകൂടി നിങ്ങളുണ്ടാക്കിത്തരേണ്ടതായിട്ടാണിരിക്കുന്നത്. അതിനാല്‍ നിങ്ങള്‍ ആദ്യമായി വേണ്ടത് ഉച്ചയ്ക്കു നിങ്ങളെ എന്റെ അടുക്കലേക്കു പറഞ്ഞയച്ചവരുടെ ഇല്ലങ്ങളില്‍ക്കേറി കൊള്ളയടിച്ചു സര്‍വസ്വവും അപഹരിക്കുകയാണ്. ഇതു കഴിഞ്ഞിട്ടു വേണ്ടതു പിന്നെ ഞാന്‍ പറയാം”എന്നു പറഞ്ഞു. ഉടന്‍ ആ ഭടന്മാര്‍ “കല്പന പോലെ” എന്നു പറഞ്ഞ് ആ ബ്രഹ്മചാരിയെ വീണ്ടും വന്ദിച്ചുകൊണ്ട് അവിടെനിന്നു പോയി. ഓരോ നമ്പൂതിരിമാരുടെ ഇല്ലങ്ങളില്‍ കയറി കൊള്ളയിടുവാന്‍ തുടങ്ങി. ആ ലഹളയില്‍ അവര്‍ ചില ഇല്ലങ്ങളിലെ സര്‍വസ്വവും അപഹരിച്ചു. എന്നു മാത്രമല്ല,എല്ലാവരെയും നിഗ്രഹിക്കുകയും ചെയ്തു.

പുളിക്കല്‍ച്ചെമ്പകശ്ശേരിയിലെ ഉണ്ണി ഒരു ദിവസം അക്കാലത്ത് ഈ ദേശങ്ങളുടെ അധിപതിയായിരുന്ന തെക്കുംകൂര്‍ രാജാവിന്റെ അടുക്കല്‍ച്ചെന്ന്, തനിക്കു താമസിക്കുന്നതിനു സ്വന്തമായി ഒരു സ്ഥലമില്ലെന്നും വില കൊടുത്തു വാങ്ങാന്‍ തനിക്കു സ്വത്തില്ലെന്നും താനൊരു ദരിദ്രനാണെന്നും ഇല്ലത്തു താനും തന്റെ മാതാവുമല്ലാതെ വേറെ ആരുമില്ലെന്നും അതിനാല്‍ ഒരു പുരയിടം ദാനമായിട്ടു തരണമെന്ന് അറിയിച്ചു. രാജാവ് ഇതുകേട്ട് “ഉണ്ണിക്ക് ഒരു ദിവസംകൊണ്ട് വെട്ടിയെടുക്കാവുന്നിടത്തോളം വിസ്താരത്തില്‍ ഒരു പുരയിടം നമ്മുടെ രാജ്യത്തിനകത്ത് എവിടെയെങ്കിലും വെട്ടിവളച്ചെടുത്തുകൊള്ളുന്നതിന് നാം അനുവദിച്ചിരിക്കുന്നു”എന്നു പറഞ്ഞു. ഉടനെ ഉണ്ണി “എന്നാല്‍ അപ്രകാരം ഒരു പ്രമാണംകൂടി തരണം. അല്ലാഞ്ഞാല്‍ എനിക്കൊരുറപ്പില്ലല്ലോ” എന്നറിയിച്ചു. രാജാവ് ഇതുകേട്ട് ഉടനെ തന്റെ മന്ത്രിയായ പുതിയിടത്തില്‍ ഉണ്യാതിരിയെ വരുത്തി മേല്‍പറഞ്ഞ പ്രകാരം അനുവദിച്ചതായി ഒരു നീട്ടെഴുതിക്കൊണ്ടു വരുവാന്‍ ആജ്ഞാപിച്ചു. ബുദ്ധിമാനായ മന്ത്രി ഇതു കേട്ടു രാജാവിനോടു സ്വകാര്യമായിട്ട് “ഇതില്‍ ​എന്തോ ചതിയുണ്ടെന്നാണ് തോന്നുന്നത്. ഈ ഉണ്ണിക്ക് ഇപ്രകാരം ഒരു പുരയിടം കൊടുക്കാനനുവദിച്ചാല്‍ വാമനമൂര്‍ത്തിക്കു മൂന്നടി ഭൂമി കൊടുത്ത മഹാബലിക്കു പറ്റിയതുപോലെ, പറ്റിയേക്കും. ഈ ഉണ്ണി ഒട്ടും കുറഞ്ഞവനല്ലെന്ന് അദ്ദേഹത്തിന്റെ മുഖലക്ഷണങ്ങള്‍കൊണ്ടുതന്നെ സ്പഷ്ടമാകുന്നുണ്ട്” എന്നറിയിച്ചു. രാജാവ് മന്ത്രിയുടെ ഉപദേശത്തെ അത്ര സാരമുള്ളതായി ഗണിച്ചില്ല. ഉടനെ മന്ത്രി നീട്ടെഴുതിക്കൊണ്ടുവരികയും രാജാവ് ഒപ്പും മുദ്രയുംവെച്ചു നീട്ട് ഉണ്ണിക്കു കൊടുത്തയയ്ക്കുകയും ചെയ്തു. അതിന്റെ പിറ്റേദിവസം രാവിലെ ആ ബ്രഹ്മചാരി ഒരു ഉടവാളുമായി പുറപ്പെട്ട് അക്കാലത്തു കുമാരനല്ലൂര്‍ പടിഞ്ഞാറ്റുംഭാഗമെന്നു പറഞ്ഞുവന്നിരുന്ന പ്രദേശത്തിനു ചുറ്റും ആ വാളുകളുകൊണ്ട് ഓരോന്ന് വെട്ടിക്കൊണ്ട് ഒരു പ്രദക്ഷിണമായിട്ടു വന്നു. ഒരു ദിവസം കൊണ്ടു വെട്ടിയെടുക്കാവുന്ന സ്ഥലം എടുത്തുകൊള്ളാനാണല്ലോ തെക്കുംകൂര്‍രാജാവ് പ്രമാണം കൊടുത്തിരിക്കുന്നത്. അതിനാല്‍ മേല്‍പ്പറഞ്ഞ പ്രകാരം വെട്ടിയെടുത്ത ഊര്(ദേശം) ആകയാല്‍ ആ ദേശത്തിന് ‘ഉടവാളൂര്’എന്ന പേരിടുകയും ചെയ്തു. ഉടവാളൂര് എന്നുള്ളത് കാലക്രമേണ ‘കുടമാളൂര്’എന്നായിത്തീര്‍ന്നു. ഇപ്പോഴും ആ പ്രദേശത്തിനു കുടമാളൂര്‍ എന്നുതന്നെ പേര്‍ വിളിച്ചു വരുന്നു. പിന്നെ അവിടെ ഒരു ഭവനം പണിയിക്കുകയും ആ പ്രദേശത്തിനു ചുറ്റും ഒരു കോട്ടകെട്ടിക്കുകയും ചെയ്ത് ആ ഉണ്ണി തന്റെ മാതാവോടുകൂടി സ്ഥിരതാമസം അവിടെ ആക്കുകയും ചെയ്തു. ഭടന്മാര്‍ ഓരോ സ്ഥലങ്ങളില്‍ക്കേറി കൊള്ളചെയ്തു കൊണ്ടുവന്ന അളവറ്റ ധനംകൊണ്ട് അദ്ദേഹത്തിനു സമ്പാദ്യവും ധാരാളമായി. അങ്ങനെ ആ ദേശത്തിന്റെ ആധിപത്യത്തോടും രാജപദവിയോടുംകൂടി ആ ഉണ്ണി സൈന്യസമേതം അവിടെ താമസിച്ചുതുടങ്ങിയ കാലം മുതല്‍ അദ്ദേഹത്തെ എല്ലാവരും പുളിക്കല്‍ച്ചെമ്പകശ്ശേരിയിലെ കൊച്ചുതമ്പുരാന്‍ എന്നു വിളിച്ചുതുടങ്ങി. അനന്തരം അദ്ദേഹത്തിന്റെ സമാവര്‍ത്തനം കഴിയുകയും ഇല്ലപ്പേരില്‍’പുളിക്കല്‍’ എന്നുണ്ടായിരുന്നത് ലോപിച്ചുപോവുകയും അദ്ദേഹത്തെ എല്ലാവരും’ചെമ്പകശ്ശേരിത്തമ്പുരാന്‍’എന്നും ‘ചെമ്പകശ്ശേരിരാജാവ്’എന്നും പറഞ്ഞുതുടങ്ങുകയും ചെയ്തു. ഇങ്ങനെ ചെമ്പകശ്ശേരിനമ്പൂരി ചെമ്പകശ്ശേരി രാജാവായിത്തീര്‍ന്നു.

അനന്തരം ആ ഭടന്മാര്‍ വേമ്പനാട്ടുകായലിന്റെ പടിഞ്ഞാറെക്കര ‘വേമ്പനാട്ടു’രാജാവിന്റെ അധീനത്തിലിരുന്ന അമ്പലപ്പുഴനാട്ടുമ്പുറം, ആ രാജാവിനെ ജയിച്ചു കൈവശപ്പെടുത്തുകയും ചെമ്പകശ്ശേരിരാജാവിന്റെ സ്ഥിരതാമസവും രാജധാനിയും അവിടെയാക്കുകയും ചെയ്തു. അതിനാല്‍ ആ പ്രദേശത്തിനു ‘ചെമ്പകശ്ശേരി രാജ്യം’ എന്നു നാമം സിദ്ധിച്ചു.

ചെമ്പകശ്ശേരിരാജാവായിത്തീര്‍ന്ന ആ നമ്പൂരി വിവാഹം കഴിച്ചു കുടി വെച്ചതു കുടമാളൂര്‍ മഠത്തില്‍ത്തന്നെയാണ് (ചെമ്പകശ്ശേരിരാജാവിന്റെ ഭവനത്തിനു ‘മഠം’ എന്നാണു പറഞ്ഞുവന്നിരുന്നത്) ‌

പുളിക്കല്‍ച്ചെമ്പകശ്ശേരിനമ്പൂരി കുമാരനല്ലൂര്‍ ക്ഷേത്രത്തില്‍ ഒരു ഊരാണ്‍മക്കാര നായിരുന്നു. അദ്ദേഹം തന്റെ ഭടന്മാരെക്കൊണ്ട് കൊള്ളയും ഹിംസയും ചെയ്യിച്ച ഇല്ലങ്ങളിലെ നമ്പൂരിമാരും ആ ക്ഷേത്രത്തില്‍ ഊരാണ്‍മക്കാരനായിരുന്നു. ഊരാണ്‍മക്കാരായ നമ്പൂരിമാരെ അദ്ദേഹം ഇപ്രകാരം ദ്രോഹിക്കുക നിമിത്തം ശേഷമുള്ള ഊരാളരായ നമ്പൂരിമാര്‍കൂടി ഇദ്ദേഹത്തിന്റെ ഊരാണ്‍മസ്ഥാനം വേണ്ടെന്നു വയ്ക്കുകയും അദ്ദേഹത്തെ മേലാല്‍ ക്ഷേത്രത്തില്‍ കടത്തിക്കൂടാ എന്നു നിശ്ചയിക്കുകയും ചെയ്തു. എന്നുമാത്രവുമല്ല, പുളിക്കല്‍ച്ചെമ്പകശ്ശേരി നമ്പൂരിക്കു കുമാരനല്ലൂര്‍ക്ഷേത്രത്തിന്റെ വടക്കെനടയില്‍ മതില്‍പുറത്ത് മതിലിനോടു ചേര്‍ന്ന് ഒരു മഠമുണ്ടായിരുന്നത് ശേഷമുള്ള നമ്പൂരിമാര്‍ തീവയ്പിച്ചു ഭസ്മമാക്കിക്കളയുകയും ചെയ്തു. ആ മഠമിരുന്ന പുരയിടത്തിന് ഇന്നും ‘പുളിക്കല്‍മഠത്തില്‍ പുരയിടം’ എന്നാണു പേര് പറഞ്ഞുവരുന്നത്. ചെമ്പകശ്ശേരിത്തമ്പുരാന്‍ ബ്രഹ്മചാരിയായിരുന്ന കാലത്തു കുമാരനല്ലൂര്‍ ക്ഷേത്രത്തിലെ ഊരാണ്‍മക്കാരായ നമ്പൂരിമാരെ ദ്രോഹിക്കുകയാല്‍ കുമാരനല്ലൂര്‍ ഭഗവതിയുടെ അനിഷ്ടംനിമിത്തം കാലാന്തരത്തില്‍ അദ്ദേഹത്തിനു പലവിധത്തിലുള്ള അനര്‍ത്ഥങ്ങളുണ്ടായിത്തുടങ്ങി. അനര്‍ത്ഥഹേതു അനിഷ്ടമാണെന്നും അതിനു കുമാരനല്ലൂര്‍ നടയില്‍ വിളിച്ചുചൊല്ലിപ്രായശ്ചിത്തം ചെയ്യുകയും ഒരാനയെ നടയ്ക്കിരുത്തുകയും ചെയ്താലല്ലാതെ നിവൃത്തിയുണ്ടാതല്ലെന്നും പ്രശ്നക്കാര്‍ വിധിക്കുകയാല്‍ തമ്പുരാന്‍ അപ്രകാരം ചെയ്യുന്നതിനായി കുമാരനല്ലൂര്‍ ചെന്നുഎങ്കിലും അദ്ദേഹം മതില്‍ക്കകത്തു കടക്കുന്നതിന് ഊരാണ്‍മക്കാരായ നമ്പൂരിമാര്‍ അനുവദിച്ചില്ല. ഒടുക്കം ചെമ്പകശ്ശേരിത്തമ്പുരാന്‍ മതില്‍ക്കു പുറത്തുനിന്നു പ്രായശ്ചിത്തം ചെയ്യുകയും നടയ്ക്കിരുത്താനായി കൊണ്ടുചെന്നിരുന്ന ആനയെ ഒരു പൊന്നുന്തലേക്കെട്ട് കെട്ടിച്ചു മതില്‍ക്കകത്തേക്ക് അഴിച്ചുവിടുകയും ചെയ്തിട്ടു കുടമാളൂര്‍ക്ക് പോവുകയും ചെയ്തു. ആ തലേക്കെട്ട് ഇന്നും കുമാരനല്ലൂര്‍ ഭണ്ഡാര ത്തിലിരിക്കുന്നുണ്ട്. വിഷുവിന് കണിവയ്ക്കാനും ഉത്സവകാലത്തും അത് പുറത്തെടുത്ത് ഉപയോഗിക്കാറുണ്ട്. അതില്‍ ‘ചെമ്പകശ്ശേരിവക’ എന്നു പേരു വെട്ടിയിട്ടുമുണ്ട്.

ഇപ്രകാരം ആദ്യം അമ്പലപ്പുഴ രാജാവായിത്തീര്‍ന്ന മഹാന്റെ സീമന്തപുത്രനായിരുന്നു അമ്പലപ്പുഴെ’പൂരാടംപിറന്ന തമ്പുരാന്‍’ എന്നു പ്രസിദ്ധനും സര്‍വജ്ഞനുമായിരുന്ന ഗംഭീരമാനസന്‍. അങ്ങനെ നാലോ അഞ്ചോ തലമുറ കഴിഞ്ഞപ്പോഴേക്കും അമ്പഴപ്പുഴരാജ്യം തിരുവിതാംകൂറിലേക്കായി. ഒടുക്കം ആ വംശത്തില്‍ ഒരു തമ്പുരാട്ടി മാത്രം ശേഷിക്കുകയും ആ തമ്പുരാട്ടി പത്തുപതിനഞ്ചു കൊല്ലംമുമ്പേ കുടമാളൂര്‍ മഠത്തില്‍വെച്ച് തീപ്പെട്ടുപോവുകയും ചെയ്തു. ഇപ്പോള്‍ അവിടെയുള്ളവര്‍’വേലിയാംകോല്‍’ എന്നൊരു നമ്പൂരിയുടെ ഇല്ലത്തുനിന്ന് ഇവിടെ ദത്തുകേറിയവരും അവരുടെ സന്താനങ്ങളുമാണ്. അമ്പലപ്പുഴരാജാവിന്റെ സ്ഥാനം ഇപ്പോള്‍ വഹിച്ചുപോരുന്നത്(ക്ഷേത്രകാര്യങ്ങള്‍ക്കു മാത്രം) തിരുവിതാംകൂര്‍ മഹാരാജാവുതിരുമനസ്സിലെ പ്രതിനിധിയായിട്ടു കുടമാളൂര്‍ തെക്കേടത്തു ഭടതിരിപ്പാടവര്‍കളാണ്.

• 1ഇപ്പോള്‍ തിരുവിതാംകൂര്‍ രാജ്യവും ഏറ്റുമാനൂര്‍ താലൂക്കും ഇല്ല.

കടപ്പാട് : ടൈപ്പിംഗ്‌ ബാക്കിയായി കിടന്നപ്പോള്‍ അത് പൂര്‍ത്തികരിച്ച എന്റെ അനിയന്‍ അര്‍ജുന്  
**********************************************************************************************
വളരെ രകരമായ , മലയാളിക്ക് അഭിമാനിക്കാന്‍ വക നല്‍കുന്ന ഈ ഗ്രന്ഥം വിക്കിഗ്രന്ഥശാലയില്‍ എത്തിക്കാന്‍ കഴിഞ്ഞാല്‍ അത് ഉപയോഗപ്രദമാകും. ഇതു ടൈപ്പ് ചെയ്തു കയറ്റുക എന്നത് വളരെ ശ്രമകരമായ കാര്യം ആണ് .ആയതിനാല്‍ ഇതിന്റെ ഡിജിറ്റല്‍ കോപ്പി കയ്യില്‍ ഉള്ളവര്‍ അല്ലെങ്കില്‍ സംഘടിപ്പിച്ചു തരാന്‍ കഴിയുന്നവര്‍ ആരെങ്കിലും ഉണ്ടെങ്കില്‍ ഈയുള്ളവന് അല്ലെങ്കില്‍ ഏതെങ്കിലും വിക്കിഗ്രന്ഥശാല പ്രവര്‍ത്തകര്‍ക്ക് മെയില്‍ ചെയ്തു തന്നാല്‍ അത് എത്രയും പെട്ടെന്ന് അത് വിക്കിഗ്രധശാലയില്‍( യുണികോഡ് ഫോര്‍മാറ്റിലേക്ക്  മാറ്റം വരുത്തി) സൌജന്യമായി ചേര്‍ക്കാന്‍ സാധിക്കും.
This Post is under cc by-sa

“നിങ്ങള്‍ ഇപ്പോള്‍ നെറ്റ് സ്കേപില്‍ ആണ് .ഈ സൈറ്റിന്റെ മുഴുവന്‍ വിഭവങ്ങളും ലഭിക്കാന്‍  ദയവായി IE6  ഉപയോഗിക്കുക .” ഈ സന്ദേശം ആണ് ലോഗിന്‍ ചെയ്താല്‍ ആദ്യം ലഭിക്കുക .


സര്‍ക്കാര്‍ മുന്‍കൈ എടുത്തു തന്നെ സ്വതന്ത്ര സോഫ്റ്റ്‌വെയര്‍ പ്രചരിപ്പിച്ചു കൊണ്ടിരിക്കുമ്പോള്‍ ,നാട്ടിലെ എല്ലാ സ്കൂളുകളിലും   it@സ്കൂള്‍ നടപ്പാക്കി കൊണ്ടിരിക്കുമ്പോള്‍ , സര്‍ക്കാരിന്റെ ഒരു വകുപ്പ് (അതും വിദ്യാര്‍ത്ഥികള്‍ക്ക് നല്‍കാനുള്ള ഒരു ഗ്രാന്റ് ) ഓണ്‍ലൈന്‍ ആയി നടപ്പാകുമ്പോള്‍ ഇതു പോലുള്ള ഒരു കാര്യം ശ്രദ്ധിക്കേണ്ടതാണ് .  
എന്തുകൊണ്ടാണ് ഈ IE6  ഉപയോഗിക്കാന്‍ പറയുന്നത് എന്നു എനിക്ക് മനസിലാവുന്നില്ല . IE6 ഉപയോഗിച്ചാല്‍  സെക്യൂരിറ്റി ക്ക് ഭീഷണിയാണെന്ന് മൈക്രോസോഫ്റ്റ്‌ തന്നെ സമതിച്ച സാഹചരത്തില്‍ നമ്മുടെ സര്‍ക്കാര്‍ എന്തിനാണാവോ ബാങ്കിംഗ് തുടങ്ങിയ സാമ്പത്തിക കാര്യങ്ങള്‍ കൈകാര്യം ചെയ്യുന്ന ഈ സൈറ്റ് IE6  ഉപയോഗിക്കാന്‍ നിര്‍ബന്ധിക്കുനത് ?


സ്വതന്ത്ര സോഫ്റ്റ്‌വെയര്‍ വാദികളെ പ്രതിഷേധിക്കുവിന്‍ , പ്രതികരിക്കുവിന്‍ ..


[എന്റെയില്‍ വിന്‍ഡോസ്‌  ഇല്ലാത്തതിനാല്‍, അടുത്തുള്ള  കഫെയില്‍ പോയി IE6 ഡൌണ്‍ലോഡ് ചെയ്തു ഇന്‍സ്റ്റോള്‍ ചെയ്തു കാര്യം സാധിച്ചു.   സ്കൂളുകള്‍മൊത്തം ലിനക്സ്‌വല്‍ക്കരിച്ചതിനാല്‍ അവരെങ്ങനെ ആവൊ ഇതൊക്കെ ചെയ്യുന്നത് ?]

ഇത്‌ ഭൂമി ഒരേയൊരു ജീവകലാവേദി 
ജലവായുവിദാനമിണങ്ങിയ മലര്‍വാടി


ചിരമെത്ര പരസ്‌പര ബന്ധിതമാണെല്ലാം 
ഇതില്‍  നാമിഴ ചേര്‍ന്നവര്‍ താള തരംഗങ്ങള്‍


അവിരാമ ഭംഗുര മീലയമൊഴുകുമ്പോള്‍ 
അതിലാരുമപശ്രുതിച്ചേര്‍ക്കരുതെ നാളെ 
                                    (ഇത്‌ ഭൂമി)
കാടും മലമേടും കിളിജാലമാകെയുണര്‍ന്നൊരു കാവും 
നീരും കുളിര്‍കാറ്റും വേറെങ്ങുണ്ടോ 
പൂവും തളിരിലയും കനിയാര്‍ന്നു താഴ്‌ങ്ന്നുലമൊരു ക്കൊമ്പും 
മഞ്ഞും ഇളവെയിലും വേറെങ്ങുണ്ടോ 
ഈ ജന്മം നമ്മള്‍ക്കായി തന്നൊരുക്കിയോരമ്മക്കായ്‌ 
പകരം നാം എന്താണൊ നല്‍കുന്നു  (2) 
താഴെ നിന്നീ കാതല്‍ കമ്പില്‍ കൊത്തുന്നു 
മേലെ നമ്മല്‍ വാഴും നേരൊന്നോര്‍ക്കാതെ (2)
                                           (ഇത്‌ ഭൂമി)
മണ്ണില്‍ തെളി വിണ്ണില്‍ കരിമൂടിയാകെ നിറഞൊരു കാലം
ജീവന്‍ വിറയോലും ഒരു കെടുകാലം
കുന്നും പുഴമണലും ചെറുനാണയതിന്നു വിറ്റു തുലയ്ക്കും 
നെഞ്ചില്‍  കനിവില്ലാത്തൊരു കളിയല്ലോ 


ചെറുനേരം കഴിയാനായി വീണു കിട്ടിയ വരമിതുനാം
പോകുമ്പോള്‍ കൈമാറി പോവേണം (2)
കുഞ്ഞിക്കലായ് ഇന്നീ മുറ്റത്തോടുന്നോര്‍ 
കുഞ്ഞുങ്ങള്‍ക്കായ് നാമീ ലോകം നല്കെണ്ടേ  (2)
                                             (ഇത്‌ ഭൂമി)

ഇതുപോലെ മറ്റു  പഞ്ചായത്തു കള്‍ക്കും ഉണ്ട് അവരുടെതായ വികസന മാതൃകകള്‍



ഇതോടൊപ്പം തന്നെ ശ്രദ്ധിക്കപെട്ട രണ്ടു കാര്യങ്ങള്‍ ആണ് ഹരിത ഗീതവും ഗ്രീന്‍ ടിപ്പുമായി വരുന്ന കുഞ്ഞിയും അപ്പുവും ടിന്‍റുവും

പ്രകൃതിയെ മനസിലാക്കുവാനും, പ്രകൃതി വിഭവങ്ങള്‍ പാഴാക്കാതെ ഉപയോഗിക്കുവാനുമുള്ള സന്ദേശങ്ങളാണ് ടിന്‍റുവും കുഞ്ഞിയും അപ്പുവും കൂടി പ്രേക്ഷകര്‍ക്ക് നല്‍കുന്നത്.


ഗ്രീന്‍ കേരള എക്സ്പ്രസിന്‍റെ ഈണമായ ‘ഹരിത ഗീതം’
റഫീക്ക് അഹമ്മദ് രചന നിര്‍വഹിച്ച ഹരിത ഗീതത്തിന് സംഗീതം നല്‍കിയിരിക്കുന്നത് ഡോ. ശ്രീവത്സന്‍ ജെ മേനോനാണ്.ഇതു ഭൂമി ഒരേയൊരു ജീവകലാവേദി‘… എന്ന് തുടങ്ങുന്ന മനോഹരമായ ഈ ഗാനം പ്രകൃതിയുടെ പച്ചപ്പും നന്മയും വിളിച്ചോതുന്നതോടൊപ്പം, ഭൂമിയോട് മനുഷ്യന്‍റെ അവഗണന അരുതെന്നും ഓര്‍മ്മിപ്പിക്കുന്നു. പ്രദീപ് സോമസുന്ദരം, അമല്‍ ആന്‍റണി, മീര രാം മോഹന്‍ എന്നിവരുടെ സ്വരമാധുരി ഹരിത ഗീതത്തെ വ്യത്യസ്തമാക്കുന്നു. വില്ല്യമാണ് ഓര്‍ക്കസ്ട്രേഷന്‍. യോജിച്ച ദൃശ്യാവിഷ്ക്കരണം നല്‍കി പ്രേക്ഷക മനസ്സില്‍ ഹരിത ഗീതത്തിനെ കുടിയിരുത്തിയതിന് പിന്നില്‍ പ്രവര്‍ത്തിച്ചത് രമേഷ് വിക്രമനാണ്. രാജീവ് വിജയാണ് ഛായാഗ്രഹണം നിര്‍വഹിച്ചിരിക്കുന്നത്.

 

 കേരള ഭൌതിക ഭൂപടത്തിന്റെ ഒരു നേര്‍കാഴ്ച യായി ഈ വേറിട്ട റിയാലിറ്റി ഷോ . പല നാടുകളും ജീവിത രീതികളും അവിടുതത്തെ വികസന മാതൃകകളും എല്ലാം കൊണ്ടും സമ്പന്നമായി ഈ പരിപാടി .അധികാര വികേന്ദ്രികരണത്തിന്റെ കരണത്തിന് ഇതുപോലുള്ള ഒരു ഉദാഹരണം നല്കാന്‍ ഇനി യില്ല . ഗ്രാമീണന്റെ സ്വന്തം വാഹനമായ സൈക്കിളിലൂടെ ചുറ്റിനടന്ന് ഓരോ ഗ്രാമങ്ങളിലേയും വിശേഷങ്ങള്‍ നമ്മോടു പങ്കുവെക്കുന്ന പുതുമയര്‍ന്ന ഒന്നുകൂടിയാണ് ഗ്രീന്‍ കേരള എക്‌സ്​പ്രസ്. രണ്ടു ഘട്ടമായി നടന്ന ഈ പരിപാടിയില്‍ ആദ്യ ഘട്ടത്തില്‍ 140 ഗ്രാമപഞ്ചായത്തുകളും 10 മുനിസിപ്പാലികളും 2 കോര്പ്പറേഷനുകളുമാണ് പങ്കെടുത്തത്.അതില്‍ നിന്ന്  പാലക്കാട് ജില്ലയില് നിന്ന് കണ്ണാടി, എലപ്പുളളി, അകത്തേത്തറ, ആലപ്പുഴയില് നിന്ന് പാലമേല്, ചെറിയനാട്, കഞ്ഞിക്കുഴി, തൃശ്ശൂര് ജില്ലയില് നിന്ന് കൊരട്ടി, അടാട്ട്, വയനാട് ജില്ലയില് നിന്ന് മീനങ്ങാടി, മാനന്തവാടി, മലപ്പുറത്തു നിന്ന് നിലമ്പൂര്, കോഴിക്കോട് നിന്ന് കൊടിയത്തൂര് തിരുവനന്തപുരത്ത് നിന്ന് ആര്യനാട്, കുന്നത്തുകാല്, കൊല്ലത്ത് നിന്ന് ശൂരനാട് വടക്ക് എന്നീ പഞ്ചായത്തുകളാണ് രണ്ടാം ഘട്ടത്തിലേക്ക് തെരഞ്ഞെടുക്കപ്പെട്ടിരിക്കുന്നത്.  ഡോ. കെ.പി. കണ്ണന്, ഡോ. വിനീത മേനോന്, ഡോ. ആര്.വി.ജി.മേനോന്, പ്രൊഫ. എം.കെ. പ്രസാദ്, ആര്. ഹേലി, നിര്മ്മല സാനു ജോര്ജ് എന്നീ മുഖ്യ ജൂറികളടക്കം വിവിധ മേഖലകളിലെ 41 ഓളം പ്രമുഖരാണ് വിധി നിര്ണയം നടത്തിയത്.ഒരു കോടി രൂപ സമ്മാനം പ്രക്യാപിച്ച  ഈ സംരഭം ഇന്നു കൊടിയിരങ്ങുകയാണ് .

വ്യത്യസ്ടമായ ഒരു കാഴ്ചാനുഭവം സമ്മാനിച്ച സംസ്ഥാന തദ്ദേശസ്വയംഭരണവകുപ്പിനും സി~ഡിറ്റിനും ശുചിത്വമിഷനും ദൂരദര്‍ശന്റെ മലയാളം ചാനലിനും ബന്ധപെട്ട എല്ലാവര്ക്കും നന്ദി . 

ഹരിത ഗീതം [ എന്തായാലും കാണു ...]

അവസന റൌണ്ടില്‍ എത്തിയ പഞ്ചായത്തുകളെ കുറിച്ച്.
ഗ്രീന്‍ കേരള എക്സ്പ്രസ്സ്‌ ന്റെ യു ട്യൂബ് ചാനല്‍.

സംഗമത്തില്‍ പുറത്തിറക്കിയ മലയാളം വിക്കിപീഡിയയിലെ തിരഞ്ഞെടുത്ത 500 ലേഖനങ്ങളുടെ സി.ഡി പുറംചട്ട. ഇന്ത്യന്‍ വിക്കികളില്‍ ഇത്തരത്തിലുള്ള ഒരു സം‌രംഭം ആദ്യമായാണ്‌.

മലയാളം വിക്കിപീഡിയ സി.ഡിക്കു വേണ്ട ലേഖനങ്ങളുടെ തെരഞ്ഞെടുപ്പ് തികച്ചും സുതാര്യമായ രീതിയിലാണ്‌ നടത്തിയത്. മലയാളം വിക്കിപീഡിയയിലും, മലയാളം വിക്കിപീഡിയയുടെ മെയിലിങ്ങ് ലിസ്റ്റിലും ഇതേക്കുറിച്ചുള്ള അറിയിപ്പുകള്‍ ഞങ്ങള്‍ പ്രസിദ്ധീകരിച്ചിരുന്നു. ഒരു കൂട്ടം പ്രവര്‍ത്തകര്‍ അവരുടെ സൗകര്യവും സാഹചര്യവും സമയവും കണക്കിലെടുത്ത് വിക്കിപീഡിയയുടെ നയങ്ങള്‍ക്കനുസരിച്ച് സന്നദ്ധപ്രവര്‍ത്തനത്തിലുടെ രൂപപ്പെടുത്തുന്ന വിജ്ഞാനകോശമായതിനാല്‍, ഒരു വിഭാഗത്തിലുള്ള ലേഖനം വന്നതിനു ശേഷമേ അടുത്ത വിഭാഗത്തിലുള്ള ലേഖനം വരാവൂ എന്നോ, ഒരു ലേഖനം വന്നതു കൊണ്ട് അതേ വിഭാഗത്തിലുള്ള എല്ലാ ലേഖനവും വരണമെന്നോ ഞങ്ങള്‍ക്ക് നിഷ്കര്‍ഷിക്കുവാന്‍ സാദ്ധ്യമല്ല. അതുപോലെ തുടങ്ങിയ ഒരു ലേഖനം സമയബന്ധിതമായി പുര്‍ത്തിയാക്കിയിരിക്കണം എന്ന് ആരേയും നിര്‍ബന്ധിക്കാനുമാവില്ല. ഇതൊക്കെ കൊണ്ടുതന്നെ ‌ സി.ഡി ക്കു വേണ്ട ലേഖനങ്ങള്‍ തെരഞ്ഞെടുക്കല്‍ വെല്ലുവിളികള്‍ നിറഞ്ഞതായിരുന്നു. സി.ഡി. യില്‍ ഉള്‍പ്പെടുത്തിയ ലേഖനങ്ങള്‍ പ്രതിനിധ്യസ്വഭാവമുള്ളതോ അവശ്യവിഷയങ്ങള്‍ ഉള്‍ക്കൊള്ളുന്നവയോ ആണെന്ന് മലയാളം വിക്കിപീഡിയ പ്രവര്‍ത്തകര്‍ അവകാശപ്പെടുന്നില്ല. എന്നാല്‍ ഇക്കാര്യത്തില്‍ ഏതെങ്കിലും രീതിയിലുള്ള പക്ഷപാതം വരാതിരിക്കാന്‍ ഞങ്ങള്‍ ശ്രദ്ധിച്ചിട്ടുണ്ട്.

• മലയാളത്തില്‍ സ്വതന്ത്രമായ വിജ്ഞാനശേഖരം മലയാളം വിക്കിപീഡിയയല്ലാതെ വേറെയില്ല.
• മലയാളം വിക്കിപീഡിയയെപ്പറ്റി ഓഫ്‌ലൈന്‍ ആയി പരാമര്‍ശിക്കുന്നതിന്‌ ഈ സി.ഡി.യല്ലാതെ വേറെ എളുപ്പവഴിയില്ല (മികച്ച ലേഖനം കിട്ടുമെന്നതുകൊണ്ടും, അത് ഓഫ്‌ലൈന്‍ ആയി പ്രദര്‍ശിപ്പിക്കാനുള്ള സൗകര്യമുള്ളതുകൊണ്ടും)
• മലയാളം വിക്കിപീഡിയയുടെ സി.ഡി., ഇമേജ് ആയി ഡൗണ്‍ലോഡ് ചെയ്യാവുന്ന രീതിയില്‍ നല്‍കിയിരിക്കുന്നതിനാല്‍; ഇതിലുള്ള 500 ലേഖനങ്ങളില്‍ നിന്നും പിന്നെയൊരു തിരഞ്ഞെടുപ്പ് നടത്തി പ്രസിദ്ധീകരിക്കാനാകില്ല.

• ഈ വിജ്ഞാനകോശ സി.ഡി.യുടെ പിന്നില്‍ പ്രവര്‍ത്തിച്ചവരോ വിക്കിപീഡിയയോ ഇവിടെ കിട്ടുന്ന വിവരങ്ങളുടെ യാതൊരു ഗുണമേന്മാ ഉത്തരവാദിത്തവും വഹിക്കുന്നതല്ല. ഈ സി.ഡി.യിലെ വിവരങ്ങള്‍ താങ്കള്‍ക്ക് ഉപയോഗപ്പെടുന്നുണ്ടെങ്കില്‍ നല്ലത്, ഇല്ലെങ്കില്‍ അതിനു് ആരും ഉത്തരവാദികളല്ല. മറ്റ് വിജ്ഞാനകോശങ്ങളും ഇതേപോലുള്ള നിരാകരണങ്ങള്‍ നല്‍കുന്നുണ്ടെന്നു് ശ്രദ്ധിക്കുക.

• വിജ്ഞാനകോശ ലേഖനങ്ങള്‍ തിരഞ്ഞെടുക്കാനും, വിശ്വാസയോഗ്യങ്ങളായ സ്രോതസ്സുകളെ ആശ്രയിക്കാനും ഞങ്ങള്‍ ശ്രദ്ധിച്ചിട്ടുണ്ട്. വിക്കിപീഡിയയില്‍ അത് തിരുത്തുന്നവരുടെ സജീവമായ സമൂഹം വിവിധമാര്‍ഗ്ഗങ്ങള്‍ ഉപയോഗിച്ച് പുതിയതോ മാറ്റംവന്നതോ ആയ ഉള്ളടക്കത്തെ സാധ്യമായത്രയും പരിശോധിച്ചിട്ടുണ്ട്. എന്നിരുന്നാലും, വിക്കിപീഡിയയോ ഈ സി.ഡി.യിലെ ലേഖനങ്ങളോ ഒരു ഏകീകൃത സഹവര്‍ത്തിത സംശോധനത്തിനു പാത്രമായിട്ടില്ല; തെറ്റുകളെ അഭിമുഖീകരിക്കുന്ന വായനക്കാര്‍ തന്നെ അവ തിരുത്തുകയോ ലളിതമായി സംശോധനം ചെയ്യുകയോ ആണ് ചെയ്തിട്ടുണ്ടാവുക, അപ്രകാരം ചെയ്യണം എന്നതിന് അവര്‍ക്ക് നിയമപരമായി യാതൊരു ബാദ്ധ്യതയുമില്ല, അതുകൊണ്ട് ഈ സി.ഡി.യില്‍ ലഭ്യമായ വിവരങ്ങളൊന്നും പ്രത്യേക ഉപയോഗത്തിനു യോഗ്യമെന്നോ, മറ്റെന്തിനെങ്കിലുമോ ഉള്ള യാതൊരു ഗുണമേന്മ ഉത്തരവാദിത്തവും ഉള്‍ക്കൊള്ളുന്നില്ല.
• ഈ സി.ഡി.യിലെ കൃത്യമല്ലാത്തതോ തെറ്റോ ആയ വിവരങ്ങള്‍, താങ്കള്‍ ഉപയോഗിക്കുന്നതു മൂലമുണ്ടായേക്കാവുന്ന കഷ്ടനഷ്ടങ്ങള്‍ക്ക് ഇതിനാവശ്യമായ സേവനങ്ങള്‍ ചെയ്തുതന്നവരോ, സാമ്പത്തികബാദ്ധ്യത വഹിക്കുന്നവരോ, വിക്കിപീഡിയയിലെ കാര്യനിര്‍വാഹകരോ, ലേഖനങ്ങളില്‍ തിരുത്തലുകള്‍ നടത്തിയവരോ, സി.ഡി.യിലെ ലേഖനങ്ങള്‍ തിരഞ്ഞെടുത്തവരോ, വിക്കിപീഡിയയുമായോ ഈ സി.ഡി.യുമായോ ബന്ധപ്പെട്ട ആരെങ്കിലുമോ ബാദ്ധ്യസ്ഥരല്ല.

ആദ്യം ഇവിടെ നിന്ന് ഈ ഫോണ്ട് ഡൌണ്‍ലോഡ് ചെയ്യുക .

എന്നിട്ട് ആ ഫോണ്ട് നിങ്ങളുടെ സിസ്റ്റത്തില്‍ ഇന്‍സ്റ്റോള്‍ ചെയ്യുക.
[ലിനുക്സില്‍ ഇന്‍സ്റ്റോള്‍ ചെയ്യാന്‍ ഇവിടെ നോക്കു .
വിന്‍ഡോസില്‍ ഇന്‍സ്റ്റോള്‍ ചെയ്യാന്‍ ഇവിടെ നോക്കു .
മാക്ക് os ല്‍ ഇന്‍സ്റ്റോള്‍ ചെയ്യാന്‍ ഇവിടെ നോക്കു .]


അതിനു ശേഷം ടെക്സ്റ്റ്‌ എഴുതാനുള്ള അപ്ലിക്കേഷനില്‍ ഇന്‍സ്റ്റോള്‍ ചെയ്ത ഫോണ്ട് (അല്ലെങ്കില്‍ മീര[ആ ഫോണ്ട് ആണ് ഞാന്‍ modify ചെയ്തത് ]) തിരഞ്ഞെടുക്കുക .

എന്നിട്ട് രൂപയുടെ ചിഹ്നം ടൈപ്പ് ചെയ്യാനായി ‘ $ ‘ ഞെക്കുക !


വന്നില്ലേ !

ഇത്രയെ ഉള്ളു കാര്യം !

ഈ രീതില്‍ ഉള്ള ഫോണ്ട് കോഡ് പോയിന്റ്‌ പിന്തുടരാന്‍ ഞാന്‍ ആഹ്വാനം ചെയ്യുന്നു !


ബുലോക  മാധ്യമ-ബ്ലോഗര്‍ പടുക്കളെ , ആവേശം കൊള്‍വിന്‍ , കമ്പ്യൂട്ടറിന്റെ  ഡിപ്ലോമ  ഒന്നും ഇല്ലാത്ത ഒരുത്തന്‍ രൂപയെ കമ്പ്യൂട്ടറില്‍ എഴുതാന്‍ പുതിയ ഒരു വഴി കണ്ടു പിടിച്ചിരിക്കുന്നു !

അകെ മാറ്റിയത് ആ ചുവന്ന വട്ടത്തിലുള്ള ~ chara മാത്രം !

നമ്മള്‍ ഇപ്പോ മലയാളത്തില്‍ അനുഭവിച്ചു വരുന്ന അസ്കി പ്രശ്നം തന്നെയാണ് ഇതും വിളിച്ചു വരുത്താന്‍ പോകുന്നത് ! രൂപയുടെ ചിഹ്നം കാണണമെങ്കില്‍ ഈ പ്രതേക ഫോണ്ട് ഉപയോഗിക്കണം ! കുടാതെ ഈ ഫോണ്ടില്‍ ~ ചിഹ്നം ,ഒരേ സമയം രുപക്കൊപ്പം  ഉപയോഗിക്കാനും പറ്റില്ല .കമ്പ്യൂട്ടറിനെ സംബന്ധിച്ചിടത്തോളം മാറ്റിയ chara യുടെ വാല്യൂ ഇപ്പോഴും~ തന്നെ .ഈ മാറ്റം ,വെറും പ്രിന്റ്‌ എടുക്കുനവ്ര്‍ക്ക് വേണ്ടി മാത്രം ഉപകരപെടും !

ഒന്ന് കുടി വിശധികരിച്ചാല്‍, രൂപയുടെ ചിഹ്നം വച്ച് കമ്പ്യൂട്ടറില്‍ സെര്‍ച്ച്‌ ചെയ്താല്‍ കിട്ടുന്നത്  ‘ ~ ‘ റിസള്‍ട്ട്‌ ആവും !
[സംശയം ഉള്ളവര്‍ ഈ ഫോണ്ട് വച്ച് രൂപയുടെ ചിഹ്നം ടൈപ്പ് ചെയ്തു,അത് കോപ്പി പേസ്റ്റ് ചെയ്തു ,ഗൂഗിളില്‍ സെര്‍ച്ച്‌ ചെയ്തു നോക്കു]

ഈ കാര്യത്തെ പ്രൊമോട്ട് ചെയ്ത പത്രങ്ങളും ബ്ലോഗര്‍മാരും കാര്യങ്ങളുടെ കിടപ്പ് ആദ്യം മനസിലാക്കണമായിരുന്നു. കാള പെറ്റു എന്ന് കേട്ടപോഴെക്കും കയറെടുക്കാന്‍ പോയ പോലെയായി കാര്യങ്ങള്‍
ഇനി അതുവരെ, രൂപയുടെ ചിഹ്നം ടൈപ്പ് ചെയ്യാന്‍ എന്ത് ചെയ്യും എന്നല്ലേ ?

ഇത്രയും കാലം ഇത് ഉണ്ടായിട്ടാണോ രൂപ ഉപയോഗിച്ചിരുന്നത് ?ഇത് അത് പോലെ തുടരുകയാണ് നല്ലത് ,അല്ലെങ്കില്‍ ഭാവിയില്‍ ഇത് തുടര്‍ പ്രശ്നങ്ങള്‍ സൃഷ്ടിക്കും .സര്‍ക്കാര്‍ ഇങ്ങനെ ഒരു ഉത്തരവ് പുറപെടുവിക്കും മുന്‍പ് ഇത് എവിടെ ,ഏതു കീ യുടെ സ്ഥാനത് വരും എന്ന് കുടി ഉത്തരവില്‍ പറയേണ്ടതായിരുന്നു. ഇതിപ്പോ ഞാന്‍ $ സിംബല്‍ മാറ്റി അതിന്റെ സ്ഥാനത് രൂപ വരച്ചു വച്ച് പുതിയ ഫോണ്ട് ഉണ്ടാക്കിയാല്‍ അത് എല്ലാരും സ്വീകരിക്കുമോ ?
ഇതാ, രൂപ ടൈപ്പ് ചെയ്യാന്‍  എന്റെ വക ഒരു രീതി . $ ഞെക്കിയാല്‍ രൂപയുടെ ചിഹ്നം വരും !!
 


രൂപയുടെ ചിഹ്നം യുണികോഡില്‍ ഉള്പെടുതും വരെ നമുക്ക് കാത്തിരിക്കാം !


[Foradian Technologies ഇറക്കിയ ആ ഫോണ്ടില്‍ ലാറ്റിന്‍ അക്ഷരങ്ങള്‍ മാത്രമാണുള്ളത് ! അറ്റ്ലീസ്റ്റ് അവര്‍ക്ക് ,ഒരു വിധം എല്ലാ ഇന്ത്യന്‍ ഭാഷകള്‍ ഉള്ള ഏതെങ്കിലും ഫോണ്ടില്‍ ഈ തട്ടിപ്പ് ചെയ്തു ഇറക്കാമായിരുന്നു ! ഒന്നുമില്ലേലും ഇതു ഇന്ത്യക്കാര്‍ ഉപയോഗികേണ്ട ഒന്നല്ലേ .:P ]

പാലക്കാടു്
ജൂലൈ 8, 2010

സമ്പൂര്‍ണ്ണകൃതികള്‍:  Click to ഡൌണ്‍ലോഡ് pdf

 ഇങ്ങനെ ഒരു കാര്യം ചെയ്യാന്‍ എന്നെ ഏല്‍പിച്ച സന്തോഷ്‌ ചേട്ടനും ഷിജുചേട്ടനും എന്റെ നന്ദി രേഖപെടുത്തുന്നു .

കുടാതെ ഈ ഗ്രന്ഥത്തിന്റെ പഴയ പകര്‍പ്പ് എത്തിച്ചു തന്ന പുറനാട്ടുകര ശ്രീരാമകൃഷണഗുരുകുല വിദ്യാമന്ദിരം
സ്കൂളിലെ ചിത്രകലാ അദ്ധ്യാപകനായ ഗിരീശന്‍ മാഷ്ക്കും പ്രൂഫ്‌ റീഡ് ചെയ്യാന്‍ എന്നോടൊപ്പം സഹകരിച്ച എന്റെ അനുജന്‍ അര്‍ജുനും എന്റെ കൃതഞ്ജത രേഖപെടുത്തുന്നു !
  
ഇതേ സംബന്ധിച്ച് ഷിജു അലക്സിന്റെ  ബ്ലോഗില്‍  വായിക്കു ..
 ******************************************************************************************
വിക്കിഗ്രന്ഥശാല യെ കുറിച്ച് ,
കഴിഞ്ഞകാലത്തെ അമൂല്യഗ്രന്ഥങ്ങളുടെ ശേഖരമാണിതു്. പകര്‍പ്പവകാശപരിധിയില്‍ വരാത്ത പ്രാചീന കൃതികള്‍, പകര്‍പ്പവകാശ കാലാവധി കഴിഞ്ഞ കൃതികള്‍, പകര്‍പ്പവകാശത്തിന്റെ അവകാശി പബ്ലിക്ക് ഡൊമൈനില്‍ ആക്കിയ കൃതികള്‍ എന്നിങ്ങനെ മൂന്നു തരം കൃതികള്‍ ആണു വിക്കിഗ്രന്ഥശാലയില്‍ ലഭ്യമാകുക.
എഴുത്തച്ഛന്‍ കൃതികള്‍
ചെറുശ്ശേരി കൃതികള്‍
കുഞ്ചന്‍ നമ്പ്യാര്‍ കൃതികള്‍
കുമാരനാശാന്‍ കൃതികള്‍
ഒ. ചന്തുമേനോന്റെ ഇന്ദുലേഖ  
ചങ്ങമ്പുഴ കൃഷ്ണപിള്ള കൃതികള്‍

#ശ്രീനാരായണഗുരുവിന്റെ കൃതികള്‍#

തുടങ്ങിയവ ഇപ്പോള്‍ വിക്കിഗ്രന്ഥശാല ല്‍ ലഭ്യമാണ്  .

കടപ്പാട് :  http://www.nammudemalayalam.com/ സി.എ. മേനോൻ

മഞ്ഞും വെയിലുമേൽക്കാതെ കണിമംഗലം ശാസ്താവ്

       
കണിമംഗലം ശാസ്താവിനെ കണികണ്ടുകൊണ്ടാണ് തൃശ്ശൂർ പൂരം മിഴിതുറക്കുന്നത്. വടക്കുന്നാഥന്റെ പൂരവിശേഷവുമായി ആദ്യം മതിൽക്കകത്തു പ്രവേശിക്കാനുള്ള അവകാശം ശാസ്താവിന് വിധിച്ചു നല്കിയിരിക്കുന്നു. വെയിൽ മൂക്കുന്നതിന് മുൻപ് ശാസ്താവ് വന്നുപോകും. ഈ പോക്കുവരവിനും പ്രത്യേകതകൾ ഏറെ.

കുടുതല്‍ ചിത്രങ്ങള്‍ക്ക് ഇവിടെ ക്ലിക്ക് ചെയ്യുക.!

 എങ്ങനെ സഹായിക്കാം

[SMC-Wiki സംരംഭത്തില്‍ നിന്ന്]

സ്വതന്ത്ര മലയാളം കമ്പ്യൂട്ടിങ്ങ് പൂര്‍ണ്ണമായും സന്നദ്ധപ്രവര്‍ത്തകരുടെ സഹായത്തോടെ പ്രവര്‍ത്തിക്കുന്ന കൂട്ടായ്മയാണു്. ഡിജിറ്റല്‍ യുഗത്തില്‍ നമ്മുടെ മാതൃഭാഷയെ അതിന്റെ തനിമ നിലനിര്‍ത്തിക്കൊണ്ടു് പരിപാലിയ്ക്കണമെന്നാഗ്രഹമുള്ള ആര്‍ക്കും ഇതില്‍ പങ്കാളിയാകാം.

• സ്വതന്ത്ര മലയാളം കമ്പ്യൂട്ടിങ്ങ് ഏറ്റെടുത്ത ജോലികളുടെ പട്ടിക – അതില്‍ നിങ്ങള്‍ക്കു് താത്പര്യമുള്ള ജോലികളില്‍ പങ്കു ചേരാം.

സ്വതന്ത്ര മലയാളം കമ്പ്യൂട്ടിങ്ങിന്റെ വിവിധ സംരംഭങ്ങളെ എങ്ങനെ സഹായിക്കാം എന്നു് താഴെപ്പറയുന്നു.

• 1 പ്രാദേശികവത്കരണം(Localization)
• 2 പരിശോധന(Testing)
• 3 സോഫ്റ്റ്‌വെയര്‍ വികസനം(Software Development)
• 4 സംഭരണികളുടെ പരിപാലനം(Repository Maintaining)
• 5 സഹായപുസ്തകങ്ങളെഴുതല്‍(Help Documentation )
• 6 പരിശീലനം(Training)
• 7 പ്രചരണം(Publicity)
• 8 എന്താണു് പ്രതിഫലം?

പ്രാദേശികവത്കരണം (Localization) എന്നറിയപ്പെടുന്ന സോഫ്റ്റുവെയര്‍ വികസനരീതിയുടെ ഈ ഒരു വിഭാഗത്തില്‍ പങ്കെടുക്കുന്നതിനു് സാങ്കേതിക ജ്ഞാനം അത്യാവശ്യമല്ല എന്നതാണു് പ്രത്യേകത. പ്രത്യേക രീതിയില്‍ ഒരു ഫയലില്‍ ഉള്ള ഇംഗ്ലീഷ് വാചകങ്ങള്‍ക്കു് അവയുടെ അര്‍ത്ഥം മനസ്സിലാക്കി അതിനെ മലയാളത്തിലാക്കി ആ ഫയലില്‍ തന്നെ എഴുതിയാല്‍ സംഗതി തീര്‍ന്നു.
ഓരോ സോഫ്റ്റുവെയര്‍ പ്രയോഗങ്ങളും അവ ഉപയോക്താക്കളോടു് ഇടപഴകാനുപയോഗിക്കുന്ന വാചകങ്ങളെ (സ്വതവേ ഇതു് ഇംഗ്ലീഷിലാണു്) ഒരു ഫയലില്‍ രേഖപ്പെടുത്തിയിരിക്കുന്നു. .po എന്ന എക്സ്റ്റന്‍ഷനോടു കൂടിയ ഈ ഫയലുകള്‍ ഒരോ ഭാഷയിലെയും നമ്മളെ പോലെയുള്ള കൂട്ടായമകള്‍ എടുത്തു് തര്‍ജ്ജമ ചെയ്തു് കൊടുക്കുന്നു.
ചെറിയൊരു ഉദാഹരണം: നോട്ടിലസ് എന്ന പ്രയോഗത്തിന്റെ po ഫയലിലെ ചില ഭാഗങ്ങളിതാ..

#: ../nautilus-folder-handler.desktop.in.in.h:1
msgid "Open Folder"
msgstr ""

#: ../nautilus-home.desktop.in.in.h:1
#: ../src/file-manager/fm-tree-view.c:1394
msgid "Home Folder"
msgstr ""

ഈ ഫയല്‍ നമ്മള്‍ താഴെ കൊടുത്തിരിക്കുന്ന പോലെ തര്‍ജ്ജമ ചെയ്താല്‍ കാര്യം തീര്‍ന്നു.

#: ../nautilus-folder-handler.desktop.in.in.h:1
msgid "Open Folder"
msgstr "അറ തുറക്കുക"

#: ../nautilus-home.desktop.in.in.h:1
#: ../src/file-manager/fm-tree-view.c:1394
msgid "Home Folder"
msgstr "ആസ്ഥാന അറ"

ഇനി പ്രാദേശികവത്കരണത്തിനു് സ്വതന്ത്ര മലയാളം കമ്പ്യൂട്ടിങ്ങ് അനുവര്‍ത്തിക്കുന്ന 10 നടപടി ക്രമങ്ങള്‍ പറയാം. നിങ്ങള്‍ക്കു് ഈ സംരംഭത്തില്‍ പങ്കെടുക്കണമെങ്കില്‍ ചെയ്യേണ്ടതു് ഇതാണു്.

1. • താഴെ പറയുന്നതിലേതെങ്കിലുമൊരെണ്ണം തിരഞ്ഞെടുക്കുക
   1. ഗ്നോം – http://l10n.gnome.org/languages/ml/gnome-2-24 എന്ന താളില്‍ പോയി GNOME desktop എന്ന വിഭാഗത്തില്‍ നിന്നു് നിങ്ങള്‍ക്കിഷ്ടപ്പെട്ട ഒരു പ്രയോഗത്തോടൊപ്പം കൊടുത്തിട്ടുള്ള ഡൌണ്‍ലോഡ് ചിഹ്നത്തില്‍ അമര്‍ത്തുക. അല്ലെങ്കില്‍,
   2. കെഡിഇ – http://l10n.kde.org/stats/gui/trunk-kde4/team/ml/kdebase എന്ന താളില്‍ നിന്നും നിങ്ങള്‍ക്കിഷ്ടപ്പെട്ട ഒരു പ്രയോഗം തിരഞ്ഞെടുത്തു് ക്ലിക്ക് ചെയ്യുക. അല്ലെങ്കില്‍,
   3. ഡെബിയന്‍ – http://www.debian.org/intl/l10n/po-debconf/ml എന്ന താളില്‍ പോയി നിങ്ങള്‍ക്കിഷ്ടപ്പെട്ട ഒരു പ്രയോഗം തിരഞ്ഞെടുത്തു് ക്ലിക്ക് ചെയ്യുക.
   • പ്രയോഗത്തിന്റെ പേരിനോടൊപ്പം എത്ര ശതമാനം പരിഭാഷ പൂര്‍ണ്ണമായിട്ടുണ്ടെന്നു് എഴുതിയിട്ടുണ്ടാവും. 100% ആണെങ്കില്‍ നമ്മള്‍ ചെയ്യേണ്ടതു് തെറ്റുകള്‍ തിരുത്താനുള്ള പരിശോധനയാണു്.അല്ലെങ്കില്‍ പരിഭാഷയും തിരുത്തലും നടത്തണം. .pot എന്ന ഫയലാണെങ്കില്‍ അതിനര്‍ത്ഥം ആരും പരിഭാഷ തുടങ്ങിയിട്ടില്ലെന്നാണു്. ഡൌണ്‍ലോഡ് ചെയ്ത ഫയലിന്റെ ഒരു പകര്‍പ്പെടുത്തു് .po എന്നു് മാറ്റി പരിഭാഷ തുടങ്ങാം.
2. ആ ഫയല്‍ നിങ്ങള്‍ പരിഭാഷപ്പെടുത്താന്‍ തീരുമാനിച്ചാല്‍ നമ്മുടെ മെയിലിങ്ങ് ലിസ്റ്റിലേക്കു് ഒരു കത്തിടുക. “ഞാന്‍ ഇതില്‍ കൈ വച്ചിട്ടുണ്ടു് വേറെയാരും തൊട്ടു പോകരുതു്” എന്നു് പറഞ്ഞു്. അബദ്ധത്തില്‍ വേറെയാരും അതേ ഫയല്‍ തന്നെ പരിഭാഷ ചെയ്യാതിരിക്കാന്‍ വേണ്ടിയുള്ള ഒരു മുന്‍കരുതലാണിതു്.
3. എന്നിട്ടു് ഒഴിവു് സമയങ്ങളില്‍ പരിഭാഷ ചെയ്യുക. നിങ്ങള്‍ക്കിഷ്ടമുള്ള എഴുത്തിടം (text editor) ഇതിനായി ഉപയോഗിയ്ക്കാം. നിങ്ങള്‍ക്കിഷ്ടമുള്ള നിവേശകരീതിയും (input method)… poedit, kbabel, gtranslator എന്നീ പ്രയോഗങ്ങളുമുപയോഗിയ്ക്കാം.
4. പരിഭാഷ ചെയ്യുമ്പോള്‍ പല ഇംഗ്ലീഷ് വാക്കുകളുടെയും മലയാളം വാക്കുകളെപറ്റി നിങ്ങള്‍ക്ക് സംശയം വരും. ചില സാങ്കേതിക പദങ്ങളുടെയും..http://fci.wikia.com/wiki/മലയാളം/ഗ്ലോസ്സറി എന്ന താളില്‍ ചില സാങ്കേതിക പദങ്ങളുടെ മലയാളം ഉണ്ടു്. കൂടാതെ ഈ English-മലയാളം നിഘണ്ടുവും ഉപയോഗിക്കാം. എന്നിട്ടും കിട്ടിയില്ലെങ്കില്‍ മടിച്ചു നില്ക്കാതെ ഈ മെയിലിങ്ങ് ലിസ്റ്റിലേയ്ക്കു് അവ ഏതൊക്കെയാണെന്നു് എഴുതി ഒരു കത്തിടുക.
5. പരിഭാഷ തുടങ്ങുന്നതിനു് മുമ്പ് http://fci.wikia.com/wiki/SMC എന്ന നമ്മുടെ വിക്കിയിലെ പ്രാദേശികവത്കരണ നടപടിക്രമങ്ങള്‍ (വഴികാട്ടി) എന്ന ലേഖനം, http://fci.wikia.com/wiki/GNOME/malayalam , http://fci.wikia.com/wiki/Po_file_editing എന്നിവ വായിക്കുന്നതു് നല്ലതായിരിക്കും.
6. പരിഭാഷ “ഓകെ” എന്നു തോന്നുകയാണെങ്കില് അതു് അറ്റാച്ച് ചെയ്ത് ഈ മെയിലിങ്ങ് ലിസ്റ്റിലേയ്ക്കു് ഒരു കത്തിടുക. ഇത്ര ദിവസങ്ങള്‍ക്കുള്ളില്‍ ഇതിന്റെ റിവ്യൂ കഴിയണം എന്നു് നിങ്ങള്‍ക്കു് പറയാം. 10 ദിവസത്തോളം (അല്ലെങ്കില്‍ നിങ്ങള്‍ക്കിഷ്ടമുള്ള) സമയം നിങ്ങള്‍ക്കു് അനുവദിക്കാം.. ഇതു് നമ്മളിലാരെങ്കിലും പരിശോധിയ്ക്കും. ഏതെങ്കിലും നല്ല മാറ്റങ്ങള്‍ നിര്‍ദ്ദേശിക്കുകയാണെങ്കില്‍ അവ ഉള്‍പ്പെടുത്തണം.
7. അതിനു് ശേഷം (അഥവാ ആരും അഭിപ്രായമൊന്നും പറഞ്ഞില്ലെങ്കിലും) നമ്മള്‍ ഇതു് തിരിച്ചു് അതു് എടുത്ത സ്ഥലത്തു് തന്നെ കൊണ്ടു പോയി വക്കുന്നു. എടുത്ത പോലെ തിരിച്ച് വയ്ക്കാന്‍ നിങ്ങള്‍ക്കു് ഡെബിയനില്‍ മാത്രമേ പറ്റൂ (താഴെ കൊടുത്തിരിയ്ക്കുന്ന കണ്ണിയില്‍ വിശദവിവരങ്ങള്‍ കൊടുത്തിരിയ്ക്കുന്നു). തിരിച്ചു് വയ്ക്കാന്‍ നമ്മുടെ ടീമിലെ അനി പീറ്റര്‍ക്കും (ഗ്നോം) മാക്സിന്‍ ബി ജോണിനും (കെഡിഇ) മാത്രമേ അനുവാദമുള്ളൂ. അവര്‍ ഇതു് നോക്കിക്കോളും.
8. ഇത്രയും ചെയ്തു് കഴിയുമ്പോള്‍ നിങ്ങള്‍ക്കു് അഭിമാനത്തോടെ പറഞ്ഞു നടക്കാം ഞാന്‍ ഒരു സ്വതന്ത്ര സോഫ്റ്റുവെയര്‍ വികസന പങ്കാളിയാണെന്ന് (Free Software Contributor). ഫയലില്‍ തര്‍ജ്ജമ ചെയ്തവരുടെ പേരുകള്‍ രേഖപ്പെടുത്തുന്ന ഇടത്തു് നിങ്ങളുടെ പേരു് ഗമയില്‍ വെണ്ടക്കാ അക്ഷരത്തില്‍ എഴുതാന്‍ മറക്കല്ലേ.. ആ ഫയലിനെ കോപ്പിറൈറ്റും നിങ്ങള്‍ മുന്‍ തര്‍ജ്ജമക്കാരോടൊപ്പം പങ്കിടുന്നു. കൂടാതെ ഒരു പ്രയോഗം പരിഭാഷ ചെയ്യുമ്പോള്‍ ആ പ്രയോഗത്തിന്റെ എല്ലാ സാധ്യതകളെ പറ്റിയും നിങ്ങള്‍ മനസ്സിലാക്കുന്നു.
9. അടുത്ത പടി വേറൊരു PO ഫയല്‍ എടുത്തു് നടപടിക്രമം 1 മുതല്‍ തുടങ്ങുകയാണു്.

20ന് വൈകീട്ട് 4ന് കേരള കലാമണ്ഡലം അവതരിപ്പിക്കുന്ന കേളികൊട്ടോടെയാണ് മേളയ്ക്ക് തുടക്കം. തുടര്‍ന്ന് 5ന് നടന്‍ നസറുദ്ദീന്‍ഷാ ഉദ്ഘാടനം ചെയ്യുമെന്ന് അക്കാദമി ചെയര്‍മാന്‍ ഇന്‍ ചാര്‍ജ് കെ.എം. രാഘവന്‍ നമ്പ്യാര്‍, സെക്രട്ടറി ഡോ.പ്രഭാകരന്‍ പഴശ്ശി, ഫെസ്റ്റിവല്‍ ഡയറക്ടര്‍ അഭിലാഷ് പിള്ള എന്നിവര്‍ പത്രസമ്മേളനത്തില്‍ അറിയിച്ചു. ഓപ്പണ്‍ എയര്‍ തീയേറ്റര്‍ മന്ത്രി എം.എ. ബേബിയും ഉദ്ഘാടനം ചെയ്യും.

പി. ബാലചന്ദ്രന്‍ നടന്‍ മുരളിയെ അനുസ്മരിക്കും. മന്ത്രി ജോസ് തെറ്റയില്‍ ഫെസ്റ്റിവല്‍ ബുള്ളറ്റിന്‍ പ്രകാശനം ചെയ്യും. ഗുജറാത്തിലെ ജഗാദിയ ഗ്രാമത്തിലെ സിദ്ധിഗോമാ ഗ്രൂപ്പിന്റെ നൃത്തസംഗീതരൂപവും അരങ്ങേറും. തുടര്‍ന്ന് ഹെര്‍മന്‍ വൗക്കിന്റെ ‘കെയിന്‍മ്യൂട്ട്‌നി കോര്‍ട്ട് മാര്‍ഷല്‍’ ഉദ്ഘാടന നാടകമായി അരങ്ങിലെത്തും. നസറുദ്ദീന്‍ഷാ സംവിധാനം ചെയ്ത ഈ നാടകം അവതരിപ്പിക്കുന്നത് മുംബൈ മോട്ട്‌ലി തീയേറ്ററാണ്.

21ന് മാര്‍ക്ക് ഫ്‌ളീഷ്മാന്‍ സംവിധാനം ചെയ്ത ദക്ഷിണാഫ്രിക്കന്‍ നാടകം എവരി ഇയര്‍ എവരി ഡേ ആം വോക്കിങ് മാഗ്‌നറ്റ് തീയറ്റര്‍ അവതരിപ്പിക്കും. 22ന് 6ന് ക്രിസ്റ്റഫര്‍ വെയര്‍ സംവിധാനം ചെയ്ത നര്‍മരസ പ്രധാനമായ ‘മാക്ക്‌ബെക്കി’യും 7.30ന് ശങ്കര്‍ വെങ്കിടേശ്വരന്‍ സംവിധാനം ചെയ്ത ‘സഹ്യന്റെ മകനും’ അരങ്ങേറും. യഥാക്രമം 23നും 24നും 7ന് കെനിയന്‍ സംസ്‌കാരത്തെ തൊട്ടറിഞ്ഞ സംവിധായകന്‍ കീത്ത്‌പേഴ്‌സന്റെ ഗിഥയും സൗദികിംയയും അവതരിപ്പിക്കും. ദി തീയേറ്റര്‍ കമ്പനിയാണ് രണ്ടു നാടകങ്ങളും ഒരുക്കിയിരിക്കുന്നത്. 25ന് 7ന് സുവീരന്‍ സംവിധാനം ചെയ്ത ‘ആയുസ്സിന്റെ പുസ്തകം’, 26ന് ഉര്‍ദ്ദു എഴുത്തുകാരന്‍ ഗുലാം അബ്ബാസിന്റെ ചെറുകഥയായ ധനികനെ ആസ്​പദമാക്കി രചിച്ച ‘ഹോട്ടല്‍ മോഹന്‍ജദാരോ’ എന്നിവ സ്റ്റേജിലെത്തും. പാകിസ്താന്‍ സംവിധായകന്‍ ഷാഹിദ്‌നദീമിന്റെതാണ് ‘മോഹന്‍ ജദാരോ. 27ന് എം.ജി. ജ്യോതിഷ് സംവിധാനം ചെയ്ത ‘സിദ്ധാര്‍ത്ഥ’ 28ന് സി.എസ്.ദീപന്‍ സംവിധാനം ചെയ്ത സൈ്പനല്‍കോഡ് ഷാഹിദ്‌നദീം സംവിധാനം ചെയ്ത ‘ബുര്‍ക്കാവാഗ്വന്‍സ’ എന്നിവ അരങ്ങേറും. സമാപനദിനമായ 29ന് 7ന് ഹെന്റിക്ക് ഇബ്‌സന്റെ നാടകത്തില്‍ നിന്നും പ്രചോദനമുള്‍ക്കൊണ്ട് രത്തന്‍ തിയ്യം സംവിധാനം ചെയ്ത ‘വെന്‍ വി ഡെഡ് എവേക്കന്‍’ സ്റ്റേജിലെത്തും.

മലയാള നാടകങ്ങളില്‍ നരസിംഹാവതാരം, അതെന്താ, കാരണവരുടെ അധികാരം, ദി സയലന്‍സ്, ബസ്തുകര, കാക്കരിശ്ശി, താഴ്‌വരയിലെ പാട്ട്, അതിര്‍ത്തികള്‍, ഭരതവാക്യം, കാറല്‍മാന്‍ ചരിതം (ചവിട്ടുനാടകം), ബാബുരാജ് -പാടുക പാട്ടുകാരാ, പന്തമേന്തിയ പെണ്ണുങ്ങള്‍, ചക്കീസ് ചങ്കരന്‍, പച്ച എന്നിവയാണുള്ളത്. 21 മുതല്‍ 29 വരെ രാവിലെ 11 മുതല്‍ 1 വരെ സെമിനാറും ഉണ്ടായിരിക്കും.

കടപ്പാട് : മാതൃഭൂമി

ഒരു ജനതയുടെ സങ്കടങ്ങളും സന്തോഷങ്ങളും പങ്കുവയ്ക്കാനായി,നാടിന്‍റെ ഹൃദയതുടിപ്പായി വീണ്ടും…

വിരേന്ദ്രകുമാറിന്‍റെ ഹൈമവതഭൂവില്‍ തീര്‍ത്തിട്ട് ഇതിന്‍റെ വായന തുടങ്ങണം.

അവസാന വാക്ക്‌…..
രാജ്യമാണ്‌ വലുത്‌ വ്യക്തിയല്ല
കേള്‍ക്കാനെങ്കില്‍ ഈ ഭാഷ വേണം…ബര്‍ണാഡ്‌ഷാ……

ഒരു നിമിഷം മുനുഷ്യ മനസ്സുകളെ മുല്‍മുനയില്‍ നിര്‍ത്തി ,
ബാക്കിവെച്ച പാഠഭാഗങ്ങള്‍ പൂര്‍ത്തിയാക്കി ..
ആ പാഠത്തിന്റെ അവസാനമായ്‌ മറിയൊരാ മഹാനായ
സാഹിത്യ ആചാര്യന്റെ ഔദ്യേഗിക കര്‍മ്മത്തിനിടക്കുള്ള
മരണത്തിന്‌ മുന്നില്‍ ശിരസ്സ്‌ നമിക്കുന്നു.
കാലമെറെ കടന്നു പോയാലും ജീവനുള്ള അക്ഷരങ്ങളായ്‌ അങ്ങും,
അക്ഷരങ്ങളെ മാറോടണച്ചുള്ള ആ മരണവും ,
അക്ഷരങ്ങളെ സ്നേഹിക്കും മനുഷ്യ മനസ്സുകളില്‍
ഒരിക്കലും മായാതെ ജീവിക്കും. അകാലത്തില്‍ പൊലിഞുപോയ
സാഹിത്യകേസരി എം.എന്‍.വിജയന്‍ മാഷിന്റെ
ആത്മാവിന്‌ സര്‍വ്വേശ്വരന്‍ ശാന്തിയും സാമാധാനവും പ്രധാനം ചെയ്യട്ടെ….
പ്രാര്‍ത്ഥനകളോടെ.

മരണത്തിന്റെ രണ്ടാം വര്‍ഷത്തില്‍ പലയിടങ്ങളിലും ഇന്ന് അദ്ദേഹത്തിന്റെ ഓര്‍മ്മകള്‍ പങ്ക് വെക്കപ്പെടും. പക്ഷെ അദ്ദേഹത്തിന്റെ ചിന്തകള്‍…..
അടച്ചിട്ട മുറികളിലിരുന്ന് അയവിറക്കേണ്ട ചിന്തകളായിരുന്നില്ലെന്ന് മലയാളികള്‍ തിരിച്ചറിയുന്നു…

**********************************************************************************

(എന്റെ ഡസ്ക് ടോപ്‌ )

എന്നില്‍ ഈ മാറ്റം മുന്‍പേ നടക്കേണ്ടതായിരുന്നു.it@school നടപ്പാക്കിയപ്പോള്‍ ഹൈസ്ക്കൂളിലെ ആദ്യ രണ്ട് ബാച്ച് വിന്‍റോസാണ് സിലബസില്‍ പഠിപ്പിച്ചിരുന്നത്.പക്ഷേ അതിനുശേഷം നിര്‍ബന്ധമാക്കിയ ഗ്നു ലിനക്സ് എന്നിക്കും ഉപകാരപ്രദമായിരുന്നു.അന്നുമുതല്‍ അങ്ങോട്ട് ഡ്യുവല്‍ OS ആയിട്ടാണ് കംമ്പ്യൂട്ടര്‍ ഓടിയത്.പിന്നെ +2 കഴിഞ്ഞ് Btech നായി വിദ്യയിലെത്തിയപ്പോഴാണ് സ്വതന്ത്രസോഫ്റ്റ് വേര്‍ പ്രസ്ഥാനത്തെയും പലതരം OS ഡിസ്റ്റ്രിബ്യൂഷന്‍സിനെകുറിച്ചും കൂടുതലറിയുന്നത്.
പിന്നെ പരതരം OS കള്‍ പരീക്ഷിച്ചു.ലൈബ്രറിയില്‍ ലിനക്സ് 4 YOU ന്‍റേയും മറ്റും cd ള്‍ സുലഭമായിരുന്നതിനാല്‍ വിഷമമുണ്ടായില്ല. FEDORA യും open suse ഉം ubuntu ഉം pupy linux ഉം mandriva യൂം debian ഉം എല്ലാം ഒരു കൌതുകത്തിന് റ്ണ്‍ ചെയ്തുനോക്കി. പിന്നീട് അത് പ്രതിധാനം ചെയ്യുന്ന പ്രസ്ഥാനത്തെയും ആശയത്തെയുമായി ചിന്ത. സ്വതന്ത്രമായി ഉപയോഗിക്കാനും ഉപയോഗക്രമത്തെ കുറിച്ച് പഠിക്കാനും മാറ്റം വരുത്താനും യാതൊരു തടസ്സങ്ങളുമില്ലാതെ എത്രപകര്‍പ്പുകളെടുത്ത് ഉപയോഗിക്കാനും സാധിക്കുന്ന സോഫ്റ്റ് വെയറുകളാണ് സ്വതന്ത്രസോഫ്റ്റ് വെയറുകള്‍.1985ല്‍ റിച്ചാര്‍ഡ് സ്റ്റാള്‍ മാന്‍ ആരംഭിച്ച ഫ്രീ സോഫ്റ്റ് വെയര്‍ ഫൌണ്ടേഷന്‍ ഇന്ന് ലോകം മുഴുവന്‍ പടര്‍ന്നു പന്തലിച്ചിരിക്കുന്നു.അതിന്‍റെ ലക്ഷ്യമായി നിര്‍മ്മിച്ച സ്വതന്ത്ര ഓപ്പറേറ്റിങ് സിസ്റ്റമാണ് ഗ്നുലിനക്സ്, കേരളത്തിലെ സ്ക്കൂളുകളില്‍ ഇപ്പോള്‍ ഉപയോഗിക്കുന്നതും ഈ os ആണ്.

ഇന്ത്യയെപോലെ ഒരു ദരിദ്രരാഷ്ട്രം സോഫ്റ്റ് വെയറിനായി കോടിക്കണക്കിന് രൂപ,വിന്‍റോസ് പോലുള്ള ബഹുരാഷ്ട്ര കുത്തകള്‍ ലൈസന്‍സ് ഫീ ആയി കൊടുക്കുന്നത് ബില്‍ഗേറ്റ്സിനെ പോലുള്ള കോടശ്വരന്‍മാരെ മാത്രമേ സ്ഷ്ടിക്കാന്‍ കഴിയു.പക്ഷേ സാങ്കേതികവിദ്യകള്‍ അറിയാനും അതിനുപിന്നിലെ പ്രവര്‍ത്തനങ്ങള്‍ അറിയാനും പൂര്‍ണ്ണസ്വാതന്ത്രം നല്കുന്ന ഇത്തരം സോഫ്റ്റ് വെയറുകള്‍, സാമ്പത്തികമായുള്ള ലാഭം മാത്രമല്ല അറിലേക്ക് വിരല്‍ ചൂണ്ടുന്ന പുതിയൊരു തലമുറയെ കൂടി ഇതുവഴി സൃഷ്ടിക്കപ്പെടുന്നു.ആഗോളസാമ്പത്തിക മാന്ദ്യത്തിന്‍റെ ഇക്കാലത്ത് ഇതിന്‍റെ പ്രസക്തി വര്‍ദ്ധിക്കുന്നു.സോഫ്റ്റ് വെയര്‍ മേഖലയില്‍ സ്വയം പര്യാപ്തത നേടുന്നതിനോടോപ്പം ഇന്ത്യയുടെ വികസിതരാഷ്ട്രമെന്ന സ്വപ്ന ത്തിന് ഒരു മുതല്‍ കൂട്ടാവുക കൂടിചെയ്യും.

സ്വതന്ത്രസോഫ്റ്റ്‌വെയര്‍ നല്‍കുന്ന സ്വാതന്ത്ര്യങ്ങള്‍ ഇതൊക്കെയാണ്.

* ഏതാവശ്യത്തിനും ഇഷ്ടപ്രകാരം ഉപയോഗിയ്ക്കുന്നതിനുള്ള സ്വാതന്ത്ര്യം
* സോഫ്റ്റ്‌വെയര്‍ എങ്ങനെ പ്രവര്‍ത്തിയ്ക്കുന്നു എന്ന് പഠിക്കാനുള്ള സ്വാതന്ത്ര്യം
* പ്രോഗ്രാമിന്റെ പകര്‍പ്പുകള്‍ പുനര്‍വിതരണം ചെയ്യാനുള്ള സ്വാതന്ത്ര്യം
* പ്രോഗ്രാമിനെ നവീകരിയ്ക്കാനും, നവീകരിച്ചവ പുറത്തിറക്കാനുമുള്ള സ്വാതന്ത്ര്യം. 

സോഫ്റ്റുവെയര്‍ എന്നതു് പകര്‍പ്പാവകാശ നിയമം വഴി സംരക്ഷിയ്ക്കപ്പെട്ടിട്ടുള്ള കലാസൃഷ്ടിയാണു്. ഓരോ സോഫ്റ്റുവെയറിലുമുള്ള പൂര്‍ണ്ണാവകാശം അതിന്റെ രചയിതാവിലധിഷ്ടിതമാണു്. സ്വതന്ത്ര അനുമതി പത്രങ്ങളിലൂടെ ഓരോ രചയിതാവിനുമുള്ള ഈ അവകാശം ഓരോ ഉപയോക്താക്കളിലും എത്തിച്ചേരുന്നു.സാധാരണ സ്വതന്ത്ര സോഫ്റ്റ്‌വെയര്‍ ഉപയോഗിക്കുന്ന ഒരു ലൈസെന്‍സ് ആണ് “ഗ്നു ജനറല്‍ പബ്ലിക്‌ ലൈസെന്‍സ്” ( GNU GPL ). ഇങ്ങനെയുള്ള സ്വതന്ത്ര ചിന്താ ധാര ഇന്ന് സോഫ്റ്റ് മേഖലയും കടന്ന് മറ്റുമേഖലയിലേക്കും വ്യാപിച്ചിരിക്കുന്നു.സ്വതന്ത്രവിജ്ഞാനകോശം,സിനിമ,സംഗീതം,പുസ്തകം,ഹാര്‍ഡ് വെയര്‍…തുടങ്ങി പലമേഖലകളിലും സ്വതന്ത്രപ്രസ്ഥാനത്തിന്‍റെ മുകുളങ്ങള്‍ കാണാം.

അറിവ് പങ്കുവയ്ക്കാനുള്ളതാണ്.അറിവിനെ കുത്തകയാക്കി,കമ്പോളവത്കരിക്കുന്നതിനെ ചെറുത്തു തോല്‍പ്പിക്കാന്‍ ഇതു പോലുള്ള പ്രസ്ഥാനങ്ങള്‍ക്ക് സാധിക്കും എന്ന് പ്രത്യാശിക്കാം.കൂട്ടായ്മകളിലൂടെ മാത്രമേ നമുക്കിത് സാധിക്കൂ.വികേന്ദ്രിതമായിക്കിടക്കുന്ന സ്വതന്ത്രമായ അറിവിനെ പരസ്പരമുള്ള ആശയവിനിമയത്തിലുടെ,നമ്മളിലേക്ക് വിജ്ഞാനത്തിന്‍റെ ഓരോ കണികകളായൊഴുകിയെത്തുന്നു.അങ്ങനെ പലയിടത്തായി ചിതറിക്കിടക്കുന്ന അവ കൂടിച്ചേരുമ്പോള്‍ അറിവിന്‍റെ നിറവാര്‍ന്ന അരുവികളായിമാറുന്നു.. ഈ അരുവികള്‍ നാളേയ്ക്കുള്ള സമുദ്രത്തിനായി സ്വതന്ത്രമായിരിക്കട്ടെ…..


***************************************************************************

സ്വന്തം രാഷ്ടീയനിലപാടുകളില്‍ അടിയറുച്ച് നില്ക്കുകയും മുന്നേറുന്ന ഒരു വ്യക്തിയുടെ കഥയായി ഗുല്‍മോഹര്‍. സ്വപ്നസാത്കാരത്തിനായുള്ള പോരാട്ടത്തിനിടയില്‍ പരാജയപ്പെടുന്നുവെങ്കിലും തോല്‍ക്കാനാകാത്ത പോരാളിയുടെ ഊര്‍ജ്ജം അയാളെ നയിക്കുന്നു.എഴുപതുകളിലെ നക്സല്‍ പ്രസ്ഥാനങ്ങളും അടിയന്തരാവസ്ഥയും ഓര്‍മ്മകളെ പുനരാനയിച്ചുകൊണ്ട് ചിത്രം വര്‍ത്തമാനത്തെ ആവിഷ്കരിക്കുന്നു.മണ്ണെണ്ണയൊഴിച്ച് സ്വയം ആത്മാഹൂതി നടത്തുന്ന നായകകഥാപാത്രം കത്തുന്ന വേനലില്‍ ജ്വലിച്ച് നില്ക്കുന്ന ഗുല്‍മോഹര്‍ പൂക്കളെ പോലെ ആവിഷ്കരിച്ചിരിക്കുന്നു.മധുരകരമായ ഗാനങ്ങളടങ്ങുന്ന ഈ ചിത്രം സംവിധാനം ചെയ്തിരിക്കുന്നത് ജയരാജാണ്

ഈ പോസ്റ്റ്‌ പൂര്‍ണമല്ല ….
പകല്‍ നക്ഷത്രങ്ങള്‍
ANOTHER PLANET,
DANCE LIKE A MAN,
JANMADINAM,
KAMA SUTRA A TALE OF LOVE,
KALI SALWAR,
IJJODU,
KANCHIVARAM,
A WEDNESDAY,
HARISCHANDRA’S FACTORY,
PHERA(THE RETUN),
POO

സിനിമകളുടെ വൈവിദ്യം കൊണ്ടും പ്രശസ്ത സംവിധായകരുടെ ഏറ്റവും പുതിയ പാക്കേജുകളുമെയെത്തിയ TIFF 09 സത്യത്തില്‍ ചലച്ചിത്രാസ്വാദകര്‍ക്ക് ഒരു വസന്തകാലമായി.ഭാഷയ്ക്കും കാലത്തിനും സംസ്കാരത്തിനും ഭൂഖണ്ഡങ്ങള്‍ ക്കും അതീതമായിട്ടുള്ള ഒന്നാണ് സിനിമ.ആഗസ്റ്റ് 21 മുതല്‍ 27 വരെ നീണ്ട് ഒരാഴ്ച്ചക്കാലം നിന്ന ചലച്ചിത്രോത്സവത്തില്‍ പലവിഭാഗങ്ങളിലായി 75 സിനിമകള്‍ കൈരളി,ശ്രീ എന്നീ 2 തീയ്യറ്ററുകളിലായാണ് പ്രദര്‍ശ്ശിപ്പിച്ചത്.

എന്നെ സംബന്ധിച്ചിടത്തോളം സിനിമ എന്നത് വളരെ ഇഷ്ടപെടുന്ന ഒന്നാണ്.ഉയര്‍ന്ന സംവേദനക്ഷമതയാണ് സിനിമയുടെ മുഖമുദ്ര.ഒരു പ്രേക്ഷകനായി കൂടുതല്‍ കൂടുതല്‍ അറിയാന്‍ കിടക്കുന്ന മറ്റൊരു മായിക ലോകം.സ്കൂളി പഠിക്കുമ്പോള്‍ ഒരു കൌതുകത്തോടെ യാണ് ചലച്ചിത്രമെന്ന ആവിഷ്കാരത്തെ എന്നും നോക്കിക്കണ്ടിരുന്നത്.പഠനപ്രവര്‍ത്തനങ്ങളായി തിരകഥകള്‍ തയ്യാറാക്കുമ്പോളും സിനിമകളുടെ ആസ്വാദനക്കുറിപ്പെഴുത്തുമ്പോളും അതിനെ കുറിച്ചറിയാനുള്ള ആകാംക്ഷ മനസ്സിലുണ്ടാവാറുണ്ട്. ചലച്ചിത്രമെന്ന ആധുനിക കലാരൂപം പഠനവിഷയങ്ങളായി,തിരകഥകളും നിരൂപണങ്ങളും ഡോക്യുമെന്‍ററികളും ഉള്‍പെടുത്തുന്നത് സ്വാഗതാര്‍ഹമായ കാര്യം തന്നെയാണ്.

ചലച്ചിത്രത്തിന്‍റെ സാങ്കേതികതയെ ആണ് ഞാന്‍ കൂടുതല്‍ ഇഷ്ടപെടുന്നത്.വിഷ്യല്‍ എഡിറ്റിങ്ങും സൌണ്ട് മിക്സിങും തുടങ്ങിയവ.സാഹിത്യസൃഷ്ടിയെന്ന നിലയില്‍ ആരാധനയാണ്.പ്ലസ്ടുവിന് ശ്രീരാമകൃഷ്ണസ്കൂള്‍,പുറണാട്ടുകരയില്‍ പഠിക്കുമ്പോഴാണ് ലിറ്ററ റി ഫോറത്തിന്‍റെ ഭാഗമായി ഒരു ഡോക്യുമെന്‍ററി നിര്‍മ്മിച്ചത്.അതില്‍ നിന്നും ലഭിച്ച അനുഭവങ്ങളാണ് സിനിമയെന്ന കലാരൂപത്തിന്‍റെ പിന്നണിയില്‍ നടക്കുന്ന കാര്യങ്ങളെ കുറിച്ച് അവബോധമുണ്ടാക്കിയത്.’അടാട്ട് -across ages-‘ എന്ന പേരിട്ട ആ ഡോക്യുമെന്‍ററി, ചലച്ചിത്രമെന്നരൂപം എങ്ങനെയുണ്ടാവുന്നുവെന്ന് മനസ്സിലാക്കാന്‍ സാധിച്ചു.വിഷയം തിരഞ്ഞെടുക്കല്‍ തൊട്ട് റിസര്‍ച്ച്,സ്ക്രിപ്,നറേഷന്‍,ഡബിങ്,ഷൂട്ടിങ്,എഡിറ്റിങ്,മിക്സിങ്,ടൈറ്റിലിങ് വരെയും ഷൂട്ടിങ്ങിന്‍റെ പ്ലാനിങ്ങും ലൈറ്റ് അറേഞ്ച്മെന്‍റ്സ് വരെയും ഞങ്ങള്‍ കടന്നു പോയി.ഇതിനെല്ലാം പ്രേരണയായി,ഈ സംരഭത്തിന് മുന്നിട്ടെറങ്ങിയ SRKG യിലെ ഇംഗ്ലിഷ് അദ്ധ്യാപകരായ സുനിതടീച്ചറും രാകേഷ് മാഷുമാണ്.വിദഗ്ദോപദേശം തരാനായി ഫേവര്‍ ഫ്രാന്‍സിസ് എന്ന സംവിധായകനേയും ലഭിച്ചു.പഠനകാലത്ത് നല്ലൊരു അനുഭവം ലഭിക്കാന്‍ കാരണക്കാരായ ഇവരെ നന്ദിയോടെ ഇവിടെ സ്മരിക്കട്ടെ.ഞങ്ങളില്‍ അന്ന് കൊളുത്തിയ തീപ്പൊരി ഇന്നും ജ്വലിക്കുന്നു..പുതിയ ഫ്രയിമുകള്‍ സ്വപ്നം കാണുന്നു..പക്ഷേ അത് ഇന്നും സ്വപ്നം മാത്രം.അതിനുശേഷം എത്തിപ്പെട്ട പ്രൊഫഷണല്‍ വിദ്യഭാസത്തിനിടിയലും എഡിറ്റിങും മറ്റും പഠിക്കാന്‍ ശ്രമിച്ചെങ്കിലും നടന്നില്ല..ഇപ്പോള്‍ ഒരുപാട് സ്വപ്നങ്ങള്‍ മാത്രം ബാക്കി..

വേറെ ഒരു പോസ്റ്റായി എഴുതണമെന്ന് വിചാരിച്ചതാണിതെല്ലാം.എഴുത്തിന്‍റെ സ്വാതന്ത്രമാണല്ലോ ബ്ലോഗ്.എഴുതാനും എഡിറ്റ്ചെയ്യാനും പബ്ളിഷ് ചെയ്യാനുമുള്ള സ്വാത്ന്ത്രം.ബ്ലോഗര്‍ക്ക് എന്തും എഴുതാം.വായനക്കാരന് വായിക്കണോ എന്നത് അയാളുടെ ഇഷ്ടം..

ഇനി TIFF 09 ലേക്ക്.
വേറെയും ചലച്ചിത്രോത്സവങ്ങള്‍ ടിഫിനുണ്ടെങ്കിലും പ്രാദേശിക ഭരണകൂടത്തിന്‍റെ നേത്യത്ത്വവും സിനിമകളുടെ വൈവിദ്യവും പ്രേക്ഷകരുടെ വന്‍ പങ്കാളിത്തവുമാണ് TIFF നെ വ്യത്യസ്തമാക്കുന്നത്.

പലവിഭാഗങ്ങളിലായാണ് ചലച്ചിത്രങ്ങള്‍ പ്രദര്‍ശ്ശിപ്പിച്ചത്.

അടുത്തിടെ അന്തരിച്ച ചലച്ചിത്രപ്രവര്‍ത്തകര്‍ക്കുള്ള പ്രണാമമായി HOMAGE വിഭാഗം,

• GERSHOME,
• BHOOTHAKANNADI,
• HOWRAH BRIDGE,
• MURAPPENNU.

വര്‍ത്തമാനകാലമലയാളസിനിമാ വിഭാഗത്തില്‍ ,

• ഗുല്‍മോഹര്‍,
• മധ്യവേനല്‍,
• പകല്‍ നക്ഷത്രങ്ങള്‍

നൊസ്റ്റാള്‍ജിയ വിഭാഗത്തില്‍,

• BHARGAVI NILAYAM,
• DO BIGHA ZAMIN,
• MUGHAL-E-AZAM,
• NAYARU PIDICHA PULIVAL.

RETROSPECTIVE വിഭാഗത്തില്‍ ,

• THE CEREMONY ,
• DEAR SUMMER SISTER,
• DEATH BY HANGING(KOSHIKEI),
• DIARY OF A SHINJUKU THIEF,
• THE COW,
• LEILA,
• THE PEAR TREE,
• SANTOORI,
• DAKHAL,
• PAAR(THE CROSSING),
• PADMA NADIR MAJHI,
• ABAR ARANYE,
• ANOTHER PLANET,
• THE WAY,
• CHILDREN:KOSOVO 2000

WOMEN GAZESവിഭാഗത്തില്‍

• DANCE LIKE A MAN,
• SALAAM MUMBAI,
• RUDAALI,
• JANMADINAM,
• KAMA SUTRA A TALE OF LOVE,
• FIRE ,
• KALI SALWAR,
• BANDH JHAROKEIN

COUNTRY FOCUS FRANCE വിഭാഗത്തില്‍,

• TWO LADIES,
• NOT HERE TO BE LOVED,
• THE LAST OF THE CRAZY PEOPLE,
• THOSE WHO REMAIN

INDIAN DIVERSITYവിഭാഗത്തില്‍ ,

• WELCOME TO SANJJANPUR,
• IJJODU,
• CHATURANGA,
• YARWNG,
• MAHASATTA,
• VALU,
• KANCHIVARAM,
• CHOWRASTA CROSSROADS OF LOVE,
• WHEN KIRAN MET KAREN,
• DHOLI TAARO DHOL WAAGE,
• CROSS CONNECTION,
• A WEDNESDAY,
• BINDIYA,
• DHAKEE,
• HARISCHANDRA’S FACTORY,
• MAN JAI( I FEEL LIFE),
• MY COUSIN’ VILLAGE,
• PHERA(THE RETUN),
• POO,
• SOB CHORITRO KAIPONIK,
• UGRAGAMI.

WORLD CINEMA NOW വിഭാഗത്തില്‍ ,

• HAVANA FILE,
• BASHU THE LITTLE STRANGER,
• HOME,
• ADHEN,
• THE MOURNING FOREST,
• OUT OF BOUNDS,
• SILENT LIGHT,
• STILL LIFE,
• CHAOS,
• SALT OF THE SEA,
• LDND GOLD WOMEN.

SALUTE TO THE MASTERS വിഭാഗത്തില്‍ ,

• CHINESE ROULETTE,
• AN AUTUMN AFTER NON,
• 11’09″01-SEPTEMBER 11 .

**************************************************************************

അവസാന ദിവസത്തെ സമാപന പരിപാടിയില്‍ മാത്രമേ എനിക്ക് പങ്കെടുക്കാന്‍ പറ്റിയുള്ളൂ.

ചിത്ര പ്രദര്‍ശനത്തില്‍ നിന്ന് ..

റീജിനല്‍ തിയറ്ററിനു മുന്‍പിലെ മാമാങ്ക കുതിരകള്‍ …

തൃശ്ശൂര്‍ ജില്ലയ്ക്ക് ഒരിക്കലും മറക്കാന്‍ കഴിയാത്ത മണ്‍മറഞ്ഞുപോയ വിശിഷ്ട വ്യക്തിത്വങ്ങളുടെ ഓര്‍മ്മയ്ക്ക് മുന്നിലാണ് ,തിരഞ്ഞെടുത്ത സമകാലീന സമൂഹ്യപ്രവര്‍ത്തകര്‍ ഇരുന്നൂറോളം അശോകമരത്തൈകള്‍ നട്ടത്.ഇത് നനച്ച് വളര്‍ത്തേണ്ട ചുമതല വിലങ്ങന്‍ട്രക്കേഴ്സ് ഏറ്റെടുത്തു.കര്‍ക്കിടകമാസത്തിലെ അമാവാസിദിനത്തിലാണ് പരിപാടി സംഘടിപ്പിച്ചത്.ഓര്‍മ്മകളുടെ മരംങ്ങളില്‍ ജീവിക്കുന്ന ആ പുണ്യാത്മാക്കള്‍ വിലങ്ങന്‍ കുന്നില്‍ അശോകമരമായി ഇനി ജീവിയ്ക്കും…

(സാറ ജോസഫ് ,തേറമ്പില്‍ രാമകൃഷ്ണന്‍ …….)

(സാറ ജോസഫ് ,അശോക തൈ നടുന്നു )

രാജ്യത്തിന് വേണ്ടി ജീവത്യാഗമനുഷ്ടിച്ച ജവാന്‍മാര്‍ക്ക് വേണ്ടിയാണ് അമര്‍ജവാന്‍ എന്നപേരില്‍,എല്ലാ പരിസ്ഥിതി പ്രവര്‍ത്തകര്‍ക്കും വേണ്ടി സുകുമാര്‍ അഴീക്കോട് മരം നട്ടു.കുഞ്ഞിക്കുട്ടന്‍ തമ്പുരാന്‍റെ ഓര്‍മ്മയ്ക്ക് വേണ്ടിയും അദ്ദേഹം അശേകത്തൈ നട്ടു..കമലാസുരയ്യയുടെ ഓര്‍മ്മയ്ക്കായ് സാറാജോസഫും,ഇ.എം.സിന്‍റെ ഓര്‍മ്മയ്ക്ക് വേണ്ടി സ്പീക്കര്‍ കെ. രാധാക്യഷ്ണനും,ഇക്കണ്ടവാര്യര്‍ക്ക് വേണ്ടി തേറമ്പില്‍ രാമക്യഷ്ണനും,സി അച്ചുതമേനോനുവേണ്ടി മന്ത്രി കെപി രാജേന്ദ്രനും ഭരതനുവേണ്ടി ജയരാജ് വാര്യരും അപ്പന്‍ തമ്പുരാനുവേണ്ടി മാടമ്പുകുഞ്ഞുക്കുട്ടനും,പൌലൊസ് മാര്‍ പൌലോസിനുവേണ്ടി മാര്‍ അപ്രേം,നവാബ് രാജേന്ദ്രനുവേണ്ടി ശ്രീധരന്‍ തേറമ്പില്‍ ,ഈച്ചരവാര്യര്‍ക്ക് വേണ്ടി കെജെ ടോണി തുടങ്ങി സമൂഹത്തിന്‍റെ നാനാതുറയിലുള്ളവര്‍ അശോകത്തെ നടാനെത്തി..

(വിലങ്ങന്‍ ട്രക്കെര്സ് കു‌ട്ടായിമ )

(വടുക്കുംബാട്ടു നാരായണന്‍ മാഷ് മരം നടുന്നു )

പൊതു സമ്മേളനം,സുകുമാര്‍ അഴിക്കോട്….

പൊതു സമ്മേളന തോടൊപ്പം പ്രകൃതി സംരക്ഷണ പ്രതിജ്ത്ന യും ഉണ്ടായി …

(വിലങ്ങന്‍ കുന്നു )

(വിലങ്ങന്‍ കുന്നു ,കവാടം )

പ്രഭാതത്തിലായതിനാല്‍ നഗ്നനേത്രം കൊണ്ട് ഈ സൂര്യഗ്രഹണം കാണാം എന്ന സവിശേഷതയും ഉണ്ട്.7 മണിക്ക് ശേഷം നേരിട്ട് ഗ്രഹണം വീക്ഷിക്കുന്നത് സുരക്ഷിതമല്ല.വെല്‍ഡിങ് ഗ്ലാസുകളോ X-FILM കളിലൂടെയോ തതുല്യമായ പ്രകാശതീവ്രതകുറയ്ക്കുന്ന പാളികളിലൂടെയോ നിരീക്ഷിക്കുന്നതാണ് കൂടുതല്‍ നല്ലത്.ബൈനോകുലറിലൂടെയോ ടെലിസ്കോപ്പിലൂടെയോ ഒരിക്കലും നേരിട്ട് ഗ്രഹണം വീക്ഷിക്കരുത്.

എന്താണ് ഗ്രഹണം?? ഇതുവഴി പോകൂ..

ഭൂമിക്കും സൂര്യനുമിടയില്‍ ചന്ദ്രന്‍വരുകയും,ചന്ദ്രന്‍ സൂര്യനെ മറച്ചുകൊണ്ട് ഒരു നിഴലായി ഭൂമിയില്‍ പ്രത്യക്ഷപ്പെടുന്നതുമാണ് സൂര്യഗ്രഹണം..

പ്രക്യതിയിലെ ഈ അപൂര്‍വ്വ നിമിഷത്തിനായി ലോകം മുഴുവന്‍ കാത്തുനില്ക്കുകയാണ്.ശാസ്ത്രഞ്ജന്‍മാര്‍ക്ക് ജിജ്ഞാസയും വിദ്യാര്‍ത്ഥികള്‍ അത്ഭുതവും സാധാരണക്കാര്‍ക്ക് കൌതുകവും ആകും ഈ ഗ്രഹണം.സൂര്യന്‍റെ ചുറ്റുമുള്ള കൊറോണയെ കുറിച്ച് പഠിക്കാനും സൂര്യന്‍റെ ഉപരിതലത്തെ അപേക്ഷിച്ച് കൊറോണയ്കുള്ള താപവ്യത്യാസം കണ്ടെത്താന്‍ ഈ ഗ്രഹണം സാധിക്കുമെന്ന് ശാസ്ത്രകാരര്‍മാര്‍ അഭിപ്രായപ്പെടുന്നു.

ഈ സൂര്യഗ്രഹണത്തെ കുറിച്ച് പഠിക്കാന്‍ നാസ യും ഇന്ത്യന്ന്‍ എയര്‍വേസും വിപുലമായ സജ്ജീകരണങ്ങളാണ് ഒരുക്കിയിട്ടുള്ളത്.ഇതിനെക്കുറിച്ച് പഠിക്കാനും ചിത്രങ്ങള്‍ പകര്‍ത്താനുമായി ,ശാസ്ത്രജ്ഞന്‍മാരടങ്ങിയ വിമാനം, ഗ്രണത്തിന്‍റെ പാതയിലൂടെ ,ഭൂമിയുടെ ഭ്രമണവേഗത്തില്‍ സഞ്ചരിച്ച് വിവരങ്ങള്‍ ശേഖരിക്കും.ഇതുവഴി 6 1/4 മണിക്കൂറോളം പൂര്‍ണ്ണസൂര്യഗ്രണം മനുഷ്യന് സാധ്യമാകും..

(അനിമേഷന്‍ കാണാന്‍ ചിത്രത്തില്‍ clik ചെയുക.)

എല്ലാവരും ആ പ്രഭാതത്തിനായി കാത്തിരിക്കുന്നു.മഴ ചതിച്ചില്ലെങ്കില്‍ വിലങ്ങന്‍ കുന്നിന്‍റെ മുകളിരുന്ന് സൂര്യഗ്രഹണം കാണാനാണ് പരിപാടി.കൂടെ ഇവിടുത്തെ കുട്ടി സഖാക്കളും വിലങ്ങന്‍ ട്രക്കേഴ്സ് പ്രവര്‍ത്തകരും ഉണ്ടാകും..ആരും ഈ ഗ്രഹണത്ത് വിട്ടുകളയരുത്,ഭാഗികമാണെങ്കില്‍ കൂടി.ഇതു കഴിഞ്ഞ അടുത്ത നൂറ്റാണ്ടിലേ ഇതുപോലൊന്ന് ഉള്ളൂ..

(ശാസ്ത്രസാഹിത്യ പരിഷത്തിന്‍റെ ത്യശ്ശൂര് മോഡല്‍ ഗേള്‍സില്‍ നടന്ന ക്ലാസില്‍ പങ്കെടുക്കാന്‍ സാധിച്ചു.ഈ പരിപാടിയ്ക്ക് എന്നെ ക്ഷണിച്ച് ജോസഫ് ചേട്ടന് നന്ദി.ആകാശകാഴ്ചകളെ കുറിച്ചുള്ള ഒരു മാന്ത്രികചെപ്പായിരുന്നു,എനിക്ക് ആ സെമിനാന്‍. അതിനുശേഷം കൂടുതലറിയാന്‍ ജോതിശാസ്തഗ്രന്ഥങ്ങളും ആകാശനിരീക്ഷണവും ഇന്‍റര്‍നെറ്റില്‍ ചിത്രങ്ങളും, പുതിയവിവരങ്ങള്‍ക്കായുള്ള തിരച്ചില്‍ തുടരുന്നു.)

പ്രിയ കഥാകാരിയെ ഒരുനോക്ക് കാണാന്‍ കാത്തുന്നിന ആയിരക്കണക്കിന് ആരാധകരില്‍ ഒരാളായി ഞാനും പോയിരുന്നു .1 മണിക്കൂറിയധികം ക്യൂ നിന്ന് മലയാളത്തിന്‍റെ നീലാംബരിക്ക് ആന്ത്യാഞ്ജലി അര്‍പ്പിക്കാന്‍ കാത്തുനിന്ന എനിക്ക് അവസാനമായി അവരെ കാണാന്‍ കഴിഞ്ഞില്ല..ആ ഭൌതികപേടകത്തില്‍ ഒന്ന് തൊട്ട് നെറുകില്‍ വയ്ക്കാന്‍ അവസരം കിട്ടിയത് മഹാഭാഗ്യമായി കരുതുന്നു..

മൊബയില്‍ ക്യാമറയില്‍ കിട്ടിയ ചില ചിത്രങ്ങള്‍ പോസ്റ്റ് ചെയ്യുന്നു..

രാവിലെ നേരത്തെ തന്നെ എഴുന്നേറ്റു.കാലിലെ നീര് കാരണം കാര്യങ്ങളെല്ലാം പതുക്കെയാണ്.അനിയനിട്ടുതന്ന കാപ്പിയും കുടിച്ച് 6 മണിയോടെ അമ്പലത്തിലേക്ക് പുറപ്പെട്ടു.സൂര്യന്‍ ഉദിച്ചുതുടങ്ങിയിരുന്നു.6.30 ആണ് പൂരം പുറപ്പാട്.ഇക്കൊല്ലം എന്‍റെ അനിയനും പൂരത്തിനൊപ്പം നടക്കാനുണ്ട്.നാടുനീളെ ആവേശം വിതറി,വീടുവീടാന്തരം പറയെടുത്ത് ,പോകുന്ന വീഥികളെല്ലാം രാജവീഥികളാക്കി ചൂരക്കോട്ടു കാവ് ഭഗവതി ശക്തന്‍റെ തട്ടകത്തിലേക്ക് എഴുന്നള്ളുന്നു.ഭഗവതിക്ക് അകമ്പടിയായി നൂറുകണക്കിന് തട്ടകവാസികളും അനുഗമിക്കും.ഒരു ഗ്രാമം മുഴുവന്‍ പൂരം ആഘോഷിക്കാന്‍ തൃശ്ശിവ പേരൂരിലേക്ക്.വടക്കുനാഥന്‍റെ മണ്ണില്‍ ശ്രീമൂലസ്ഥാനത്ത്,പടിഞ്ഞാറെ നടയിലാണ് ഞങ്ങളുടെ പൂരം.

രാവിലെ ഞാന്‍ എത്തിയപ്പോള്‍ ആനയെ കുളിപ്പിച്ച് കൊണ്ടുവരുന്നേ ഉണ്ടായിരുന്നുള്ളൂ.ഉടയാടകള്‍ അണിയിച്ച് ആനയെ സുന്ദരനാക്കി.നെറ്റിപ്പട്ടവും കമ്പക്കയറും മണികോണ്ടുള്ളമാലയും അതിനുപുറമേ പൂകൊണ്ടൊരു കനത്തില്‍ സ്പെഷല്‍ മാലയും.ഒരു കൂറ്റന്‍ തിടമ്പും എത്തിയിട്ടുണ്ട്.അതില്‍ ദേവീ വിഗ്രഹം ഘടിപ്പിച്ച് ആനപ്പുറത്ത് എഴുന്നള്ളിക്കും.പുറപ്പാടിനുള്ള സമയം ആയി.വളരെ വലിയൊരു ഭക്ത ജനക്കൂട്ടം തന്നെ ഭഗവതിയെ യാത്രയാക്കാന്‍ എത്തിയിട്ടുണ്ട്.

കുറച്ച്ചരിത്റംചൂരക്കോട്ടുകാവിനെ കൂടാതെ,തൃശ്ശൂരിന്‍റെ സമീപഗ്രാമങ്ങളില്‍ നിന്നായി 7 ചെറു പൂരങ്ങള്‍ കൂടിയുണ്ട്.എല്ലായിടത്തും ഇതു പോലുള്ള ചടങ്ങുകള്‍ ഇപ്പോള്‍ നടക്കുന്നുണ്ടാവും.കണിമംഗലം ശാസ്താവ്,അയ്യന്തോള്‍ കാര്‍ത്ത്യായനീദേവി,ചെമ്പൂക്കാവ് കാര്‍ത്ത്യായനീ ദേവി,ലാലൂര്‍ കാര്‍ത്ത്യായനീ ദേവീ,കാരമുക്ക് പൂക്കാട്ടിക്കര ഭഗവതി,കിഴക്കും പാട്ടുകര പനമുക്കംപിള്ളി ശാസ്താവ്.കുറ്റൂര്‍ നെയ്തലക്കാവ് ഭഗവതി,എന്നീ ശാസ്താ-ഭഗവതിമാരാണ് ചൂരക്കോട്ടുകാവ് ഭഗവതിയെ കൂടാതെയുള്ള മറ്റു ഘടകപൂരങ്ങള്‍.തിരുവമ്പാടിയും പാറമേക്കാവും ആണ് തൃശ്ശൂര്‍ പൂരത്തിന് നായകത്ത്വം വഹിക്കുന്നത്.പണ്ട് ഈ പൂരം ആറാട്ടുപുഴ പൂരത്തിന്‍റെ ഭാഗമായിരുന്നു.ഭൂമിയിലെ ദേവസംഗമം എന്നറിയപ്പെടുന്ന, മീന ത്തിലെ പൂരം നാളിലെ, ആറാട്ടുപുഴപൂരത്തിന് 109 ഭഗവതിമാര്‍ എത്താറുണ്ടായിരുന്നു എന്താണ് പറയുന്നത്.കനത്ത മഴയും പ്രകൃതിക്ഷോപത്തേയും തുടര്‍ന്ന് തൃശ്ശിവ പേരൂര്‍ ഭാഗത്തുനിന്നുള്ള ഭഗവതി മാര്‍ക്ക് വൈകി ചെന്നതിനാല്‍ ആറാട്ടുപുഴപൂരത്തിന് പങ്കെടുക്കാന്‍ കഴിഞ്ഞില്ല.അങ്ങനെ ഭഗവതിമാര്‍ മടങ്ങിപ്പോന്നപ്പോള്‍ അന്നത്തെ രാജാവായിരുന്ന,ശക്തന്‍ തമ്പുരാന്‍ ആറാട്ടുപുഴപൂരത്തിന്ന പങ്കെടുക്കാന്‍ കഴിയാതിരുന്ന ഭഗവതിമാര്‍ക്ക് സംഗമിക്കാന്‍ അടുത്ത മാസത്തെ, മേടത്തിലെ പൂരം നാളില്‍ വടക്കുനാഥന്‍റെ മണ്ണില്‍ അവസരമുണ്ടാക്കി.അതിനുവേണ്ടി അദ്ദേഹം ചിട്ടപ്പെടുത്തിയതാണ് ഇന്ന് കാണുന്ന തൃശ്ശൂര്‍ പൂരം.അതിനുശേഷം ഭഗവതിമാര്‍ ആറാട്ടുപുഴപൂരത്തിന് പോകേണ്ടെന്നും ഇവിടുത്തെ സംഗമത്തില്‍ പങ്കെടുത്താല്‍ മതിയെന്നും തിരുമാനിച്ചു.അങ്ങനെ തൃശ്ശൂര്‍ പൂരം പിറവികൊണ്ടു.

പൂരപ്പുറപ്പാട് തുടങ്ങി.അമ്പലം വലം വച്ച് യാത്രയായി.ഭഗവതി കടന്നുപോയിട്ടും എനിക്ക് ഒരടി നടക്കാന്‍ പറ്റുന്നില്ല.തലചുറ്റുന്നതുപോലെ.വേഗം ആല്‍ ത്തറയില്‍ കയറി ഇരുന്നു.10 മിനിറ്റോളം തല തരിച്ചപോലെയായി.അവിടെയുണ്ടായിരുന്ന രണ്ട് കുട്ടികള്‍ക്കെപ്പം എന്‍റെ വീട്ടിലേക്ക് നടന്നു.ഒരാളുടെ സഹായമില്ലാതെ നടക്കാന്‍ പറ്റില്ല.വീട്ടില്‍ ചെന്നതും ക്ഷീണം കാരണം പെട്ടെന്ന് ഉറങ്ങിപ്പോയി.അരമണിക്കൂറോളം ബോധം കെട്ട് ഒരു ഉറക്കം.പെട്ടെന്ന് ഞെട്ടിയെഴുന്നേറ്റു.അപ്പോഴാണ് എന്താ സംഭവിച്ചത് എന്ന് മനസ്സിലാവുന്നത്.തൃശ്ശൂര്‍ പൂരം കൈവിട്ടുപോയി.

ടീവി വച്ചു നോക്കിയപ്പോള്‍ കണിമംഗലം ശാസ്താവ് ശ്രീമൂലസ്ഥാനത്ത് എത്തിയിട്ടുണ്ട്.ചാരുകസേരയില്‍ അങ്ങനെ കിടന്ന് ടീവികാണുമ്പോള്‍ പുറത്തേക്ക് നോക്കി.എല്ലാവരും സകുടുംബം പുറപ്പെട്ട് പൂരത്തിന് പോകുന്നു.ഞാനും ആ നിമിഷത്തില്‍ ആവേശമായി.വേഗം കിട്ടിയ മുണ്ടും ചുറ്റി,ഞൊണ്ടിയ കാലില്‍ തൃശ്ശൂര്‍ക്ക് യാത്രയായി. പൂരം കൊടിയേറ്റി,ആറുദിവസം ആറാട്ടിനും പോയി,എന്നിട്ട് പൂരത്തിന് പോകാന്‍ പറ്റിയില്ല എന്നായാല്‍ ഏത് തൃശ്ശൂര്‍ക്കാരനാ സഹിക്കുക.
കിട്ടിയ ബസ്സില്‍ കയറി.റൌണ്ടില്‍ വലിയ തിരക്കാവാത്തതിനാല്‍ അതുവഴി ബസ്സ് വിടുന്നുണ്ട്. നടുവിലാലില്‍ ബസ്സ് ഇറങ്ങി.അധികം നടക്കാതെ കഴിഞ്ഞു.

അവിടെയുള്ള പനയുടെ ചുവട്ടില്‍ കുറച്ചുനേരം ഇരുന്നു.അതുകഴിഞ്ഞ് CMS ലെ തിരുവമ്പാടി ചമയ പ്രദര്‍ശ്ശനത്തിന് പോയി.കുറെ നെറ്റിപ്പട്ടവും മറ്റും എടുത്തു പോയിട്ടുണ്ടായിരുന്നു.അനിയന്‍റെ കയ്യില്‍ മൊബെയില്‍ പെട്ടതിനാല്‍ ചിത്രങ്ങളെടുക്കാന്‍ കഴിഞ്ഞില്ല.ഇനി അവനെ കണ്ടെത്തണം.മൊബയില്‍ കയ്യിലില്ലാത്തത് കൂടുതല്‍ അസ്വസ്തനാക്കി.കുറച്ച് കൂട്ടുകാര്‍ വരുന്നുണ്ട്.ആരുടെയും നമ്പര്‍ അറിയില്ല.എല്ലാം മൊബയിലിലാണ്.ഞാന്‍ ഇവിടെ എത്തിയകാര്യം അനിയനും അറിയില്ല.പൂരപ്പറമ്പിലേക്ക് വരുന്നില്ല എന്നാണ് അവന് വിളിച്ചുപറഞ്ഞത്.ആകെ കുഴപ്പമായി.ഇപ്പോള്‍ വിളിച്ചിട്ട് അവന്‍ എടുക്കുന്നുമില്ല.

ഞങ്ങളുടെ പൂരമെത്തി.8 കിലോമീറ്ററോളം പിന്നിട്ട്,നൂറുകണക്കിന് പൂരപ്രേമികളുമായി,നാദസ്വരത്തിന്‍റെയും ചെമ്പടമേളത്തിന്‍റെയും അകമ്പടിയോടെ,വഴിയിലെയെല്ലാം പറയെടുത്ത് ശക്തന്‍റെ തട്ടകത്തില്‍,തൃശ്ശൂര്‍ പൂരത്തിന് എത്തി.

നടുവിലാലില്‍ ഉള്ള ഗണപതി പ്രതിഷ്ടയില്‍ ദേവിയെ ഇറക്കിവച്ചു.ഒമ്പതരയ്ക്കാണ് പൂരം തുടങ്ങാനുള്ള സമയം.കമ്മറ്റിക്കാരെല്ലാം ആനയെയും മേളക്കാരെയും എത്തിക്കാനുള്ള തിരക്കിലാണ്.ദേവസ്വത്തില്‍ നിന്നും തരുന്ന ലിസ്റ്റില്‍ ഉള്ള ആനകളെ തപ്പി എത്തിക്കണം.വളരെ ശ്രമകരമായ പരിപാടിയാണിത്.പല സ്ഥലങ്ങളിലായി ഇങ്ങനെ കിടക്കുന്നി ആനകളെ കണ്ടുപിടിച്ചെത്തിക്കാ ഞാനും ഉത്സാഹിക്കാറുള്ളതാണ്.ഇത്തവണ അതിനും സാധിച്ചില്ല.14 ആനകളോടെ യുള്ള ചെറുപൂരങ്ങളിലെ ഏറ്റവും വലിയ പൂരമാണ് ഞങ്ങളുടേത്.

കുട്ടനെല്ലൂര്‍ K.K.R പത്മനാഭന്‍ എന്ന ആനയാണ് തിടമ്പേറ്റിയത്.
പാണ്ടിയുടെ രസ താളത്തില്‍ തട്ടകവാസികള്‍ തിമര്‍ത്താടി. അനിയനെ അതിനിടയില്‍ കണ്ടെത്തി.ഹിരണും വിഷ്ണുവും വന്നിട്ടുണ്ടായിരുന്നു.അവര്‍ ആദ്യ മായാണ് പൂരത്തിന് വരുന്നത്.അവരെയും കൂട്ടിയാണ് മേളത്തിനെത്തിയത്.അവര്‍ക്ക് വളരെ ഇഷ്ടപ്പെട്ടു.ആളുകളില്‍ ആവേശത്തിരയിളക്കുന്നതില്‍ പാണ്ടിമേളം വിജയ്ക്കുന്നു.മധ്യകേരളത്തില്‍ മാത്രമാണ് ഉത്സവത്തിന് പാണ്ടി പ്രചാരത്തിലുള്ളത്.ബാക്കി എല്ലായിടത്തും പഞ്ചാരിമേളം ആണ്.ഉണ്ടെങ്കിലും ഈ അസുരവാദ്യം ക്ഷേത്രത്തിനകത്ത് കൊട്ടാറില്ല.തൃശ്ശൂര്‍ പൂരം പോലുള്ള അപൂര്‍വ്വ പൂരങ്ങളില്‍ മാത്രമാണ് ക്ഷേത്രത്തിനകത്ത് കൊട്ടൂ.പ്രസിദ്ധമായ ഇലഞ്ഞിത്തറ മേളം ഇതാണ്.

പൂരം കഴിഞ്ഞു.ആവേശകരമായ കലാശക്കൊട്ട്.ശ്രീ മൂലസ്ഥാനത്തിലെ നടയിലൂടെ ചെമ്പടക്കൊട്ടിക്കയറി വടക്കുന്നാഥനെ വലം വച്ച്,തെക്കേഗോപുരം വഴി തെക്കോട്ടിറക്കം ഇറങ്ങുന്നു.ആവേശത്തോടെ ആപ്പുവിളിച്ച് തെക്കോട്ടിറങ്ങുന്നതോടെ ഞങ്ങളുടെ പൂരം അവസാനിക്കുന്നു.അതുകഴിഞ്ഞ് നേരെ പാറമേക്കാവില്‍ ഇറക്കി പൂജ.ഈ ചടങ്ങു കളെല്ലാം രാത്രിയും ആവര്‍ത്തിക്കും.

ഒരുവിധം എല്ലാ ചാനലിന്‍റെ യും മീഡിയ വാനുകള്‍ എത്തിയിട്ടുണ്ട്.ചാനല്‍ പ്രളയം തന്നെയാണ്.CNN അടക്കമുള്ള ലോക മാദ്ധ്യമങ്ങള്‍ ഈ മനോഹരകാഴ്ചകള്‍ റിപ്പോര്‍ട്ട് ചെയ്യാന്‍ ഈ തൃശ്ശിവ പേരൂരില്‍ എത്തിയിട്ടുണ്ട്.

ഭഗവതിയോട് വിട പറഞ്ഞ് ഞങ്ങള്‍ വീണ്ടും വടക്കുനാഥനുള്ളിലേക്ക് കയറി.ഒരു സുഹൃത്തിനെ കൂടി കയ്യില്‍ കിട്ടി,ശങ്കര്‍.

വടക്കുനാഥനുള്ളിലെ ഒരാല്‍ത്തറയില്‍ ഞാനും ഹിരണും വിഷ്ണുവും ശങ്കറും കുറെ നേരം ഇരുന്നു.പുതിയ ഇലഞ്ഞിമരവും കൂത്തമ്പവും വന്‍ ആല്‍മരങ്ങളും അങ്ങിങ്ങായുള്ള ദേവ പ്രതിഷ്ടകളും ഓടിനടക്കുന്ന ചാനല്‍പൂരക്കാരും കാക്കിപോലീസും വടക്കുന്നാഥനില്‍ അങ്ങനെ കാഴ്ചകണ്ടിങ്ങനെ വെറുതെ വിശ്രമിച്ചു.അടുത്ത പരിപാടിക്കുള്ള മുന്നൊരുക്കമായി.

അടുത്ത ലക്ഷ്യം മഠത്തില്‍ വരവാണ്.അന്നനട പരമേശ്വരന്‍മാരാരുടെ നേത്യത്ത്വത്തില്‍ കൊട്ടികയറുകയാണ്.കുറെ നേരം പഞ്ചവാദ്യത്തില്‍ ലയിച്ചിരുന്നു.അതുകഴിഞ്ഞ് അടുത്തു കണ്ടൊരു ഹോട്ടലില്‍ കയറി.ഉച്ചയായിട്ടും ഭക്ഷണശാലകളില്‍ തിരക്ക് കുറവാണ്.ഞാന്‍ ഒരു ലൈം ജൂസ് മാത്രമാണ് കുടിച്ചത്.
മറ്റൊരു സുഹൃത്തായ മനുവിനുവേണ്ടി കാത്തിരിയ്ക്കുകയാണ്.അവന്‍ വന്നാല്‍ പൂരം കാണാന്‍ വന്ന വരെ അവന്‍റെ കയ്യിലേല്‍പ്പിച്ച് അമ്മവീട്ടിലേക്ക് മടങ്ങണം.നല്ല ക്ഷീണമായി.കാലിന് സുഖമില്ലാത്ത തിനാല്‍ കൂട്ടുകാരുടെ തോളില്‍ താങ്ങി നടന്നാണ് ഇപ്രാവശ്യത്തെ പൂരം കണ്ടത്.അവരോട് എത്ര നന്ദി പറഞ്ഞാലും മതിയാവില്ല.ഇനി രാത്രി യെത്താം എന്നു പറഞ്ഞ് മടങ്ങി.മനു എത്തി.കക്ഷി പത്മശ്രീ മട്ടന്നൂരിന്‍റെ ശിഷ്യനാണ്.അത്യാവശ്യം ഒഴിവുള്ളപ്പോള്‍ കൊട്ടാനും പോകുന്നുണ്ട്.പൂരം കാണാന്‍ വന്ന ഈ ഭാവി എഞ്ചിനിയറിങ് സംഘത്തിന്‍റെ ചുമതല അവനെ ഏല്പിച്ചു.ഇത്തവണത്തെ ആറാട്ടുപുഴ-പെരുവനം പൂരത്തിന് ഞങ്ങളൊരുമിച്ചാണ് പോയത്.

ഓട്ടോ പിടിച്ച് ചെമ്പൂക്കാലിലെ അമ്മവീട്ടിലെത്തി.ഒരുപാട് ബന്ധുക്കള്‍ എത്തിയിട്ടുണ്ട്. കാലില്‍ നീരുമായി പൂരത്തിനിറങ്ങിയ എന്നെ കണ്ട് അവര്‍ക്ക് സഹതാപവും കൌതുകവും അതേ സമയം അല്പം പുച്ഛവും തോന്നി.രണ്ടു കൊല്ലം അടുപ്പിച്ച് പൂരം കണ്ടാല്‍ മതിയാവും എന്നാണ് അവരുടെ പക്ഷം.12 കൊല്ലമായി പൂരത്തിനുവരുന്ന എനിക്ക് അങ്ങനെ തോനീട്ടില്ല.തൃശ്ശൂര്‍ പൂരത്തിന്‍റെ ആവേശവും ദൃശ്യഭംഗിയും മധുരിമയും ചാരുതയും എവിടെ കാണാനാവും.ഒരു പ്രാവശ്യം പൂരം കണ്ടാല്‍ അടുത്തപ്രവശ്യം അവിടെത്തന്നെ എത്തിക്കുന്നൊരു കാന്തികമായൊരു സ്വഭാവവും പൂരത്തിനുണ്ട്.

മയക്കത്തിനു ശേഷം ഇലഞ്ഞിത്തറ മേളവും തെക്കോട്ടിറക്കവും കുടമാറ്റവുമെല്ലാം ടീവില്‍ കണ്ടു.നേരില്‍ കാണുന്നത്ര രസമായില്ല.കുടമാറ്റത്തില്‍ ഒന്നാം സ്ഥാനം തിരുവമ്പാടി അടിച്ചെടുത്തു.സ്പെഷല്‍ കുടകളും നിലക്കുടകളുമായുള്ള ,ഇങ്ങനെ യുള്ള മത്സരസ്വഭാവ മാണ് ഈ പൂരത്തെ ഇത്ര ജനകീയമാക്കിയത്.തൃശ്ശൂര്‍ പൂരത്തിന് നിര്‍മ്മിച്ച ഈ 600 ല്‍ പരം കുടകളാണ് ഈ കൊല്ലത്തെ സമീപ ക്ഷേത്രങ്ങളിലെ പൂരത്തിനുപയോഗിക്കുന്നത്.

8 മണിയോടെ വീണ്ടും പൂരത്തിന് തയ്യാറായി.എന്‍റെ കറക്കത്തിന്‍റെ രണ്ടാമത്തെ ഫേസ് ഇവിടെ തുടങ്ങി.മനു വന്ന് എന്നെ പിക്ക് ചെയ്തു.വടക്കെസ്റ്റാന്‍റില്‍ ഹിരണ്‍ കാത്തുനില്പുണ്ടായിരുന്നു.

ആദ്യം ഞങ്ങള്‍ CMS ല്‍ പോയി.ആനകളെ കാണലാണ് മുഖ്യം.രാവിലത്തേക്കാള്‍ തിരക്ക് രാത്രി ആണെന്ന് തോന്നിപ്പോകും.ആനയ്ക്കുള്ള ചോറ് തയ്യാറാക്കി വച്ചിട്ടുണ്ട്.ഒരു മല പോലെ അത് കൂട്ടിയിട്ടിരിക്കുന്നു.

അതുകഴിഞ്ഞ് ചെറുപൂരങ്ങള്‍ കാണാനായി ശ്രീമൂലസ്ഥാനത്തേക്ക്.ചൂരക്കോട്ടുകാവിന്‍റെ തുടങ്ങാന്‍ ഇനിയും സമയമുണ്ട്.മനുവും ഹിരണും കൂടി പാര്‍മേക്കാവിലേക്ക് പോയി.വയ്യെന്നു തോന്നിയപ്പോള്‍ മാരാര്‍റോഡില്‍ മനുവിന് പരിചയമുള്ള ഒരു അമ്പലമുണ്ട്.പഴയനടക്കാവ് കാര്‍ത്ത്യായനീ ക്ഷേത്രം .അവിടെ പോയി ഇരുന്നു.രാത്രി മഠത്തില്‍ വരവ് കാണണം.കുറെയധികം മേളക്കാരും ഇവിടെ തമ്പടിച്ചിട്ടുണ്ട്.കുറച്ചുകഴിഞ്ഞപ്പോള്‍ ഒരാന അവിടെ വന്നു.ഒരു ഇന്‍സ്റ്റ് കുളിയും പാസാക്കി,നെറ്റിപ്പട്ടം കെട്ടി ഒരുങ്ങി.അപ്പോഴാണ് മനസ്സിലായത് കുറ്റൂര്‍ നെയ്തലക്കാല് ഭഗവതി അവിടെയാണ് ഇറക്കിവച്ചിരുന്നത്.രാത്രി പൂരത്തിനായി ഭഗവതി അവിടെ നിന്നും എഴുന്നള്ളി.

രാത്രിയിലെ മഠത്തില്‍ വരവ് തുടങ്ങി.പഞ്ചവാദ്യം എത്രകേട്ടാലും മതിയാവില്ല.അത്ര മധുരിതമാണ്.രാത്രി ആയതിനാല്‍ ഒട്ടുമിക്ക കാഴ്ചക്കാരും മദ്യലഹരിയിലാണ്.തീവെട്ടി പിടിക്കുന്നവര്‍ അത് കൈകാര്യം ചെയ്യുന്നതു കണ്ടപ്പോള്‍ പേടിച്ചു.നാലു കാലില്‍ നിന്നാണ് ആള്‍ക്കൂട്ടത്തില്‍ ഈ അഭ്യാസം.

അടുത്ത ലക്ഷ്യം വെടിക്കെട്ടാണ്.CMS ലേക്ക് വീണ്ടും.ഒന്നര മണിക്കൂറോളം നീണ്ട കാത്തിരിപ്പ്.റൌണ്ടിലെല്ലാം ആളുകള്‍ മുന്‍കൂട്ടിത്തന്നെ സ്ഥലം പിടിച്ചിട്ടുണ്ട്.തൃശ്ശൂര്‍ പൂരമെന്നാല്‍ മണ്ണിലും വിണ്ണിലു മായാണ് പൂരം.ആദ്യം കത്തിച്ചത് തിരുവമ്പാടിയാണ്.സാവധാനം കത്തിത്തുടങ്ങി പിന്നീട് ഉഗ്രതാണ്ഡവന്യത്തമാടി.CMSന്‍റെ ചില്ല് എല്ലാം ഒന്നഴിയാതെ പൊട്ടി.കൂട്ടപൊരിച്ചില്‍ നന്നായി കണ്ടു.വെടിക്കെട്ടിലും താളം കണ്ടെത്തി അതി നുസരിച്ച് കൈകൊണ്ട് താളം പിടിക്കുന്നവരാണ് തൃശ്ശൂര്‍ക്കാര്‍.ആയിരം സൂര്യന്‍മാര്‍ കത്തിയെരുന്നത് 25 മീറ്റര്‍ ദൂരെനിന്ന് കണ്ടു.അതിന്‍റെ തള്ളല്‍ പ്രകമ്പനം ആള്‍ക്കൂട്ടത്തെ പിന്നോട്ടടിക്കുന്നില്ല.അതിനൊപ്പം കത്തിയമരാന്‍ വെമ്പുന്നതു പോലെ കൂടുതല്‍ അടുത്തേയ്ക്ക് നീങ്ങുന്നു.പാറമേക്കാവാണ് വെടിക്കെട്ടില്‍ മികച്ചുനിന്നത്.നിയന്ത്രണങ്ങളുള്ളതിനാല്‍ ശബ്ദം കുറച്ച് വര്‍ണ്ണത്തിനു പ്രാധാന്യം കൊടുത്തിട്ടുണ്ട്.

കാലിലെ നീര് വല്ലാതെ കൂടി.നടക്കാന്‍ വയ്യ.മനു വീടുവരെ കൊണ്ടാക്കിതന്നു.പിന്നെ നീണ്ട ഒരു ഉറക്കം.രാവിലെ 10 മണിയോടെ എഴുന്നേറ്റു.ടീവി പൂരം കണ്ടു.പകല്‍ പൂരത്തിന് ഞാന്‍ പോകാറില്ല.ശ്രീ മൂലസ്ഥാനത്ത് പാറമേക്കാവ് ഭഗവതിയും തിരുവമ്പാടി ഭഗവതിയും ഉപചാരം ചൊല്ലി പിരിയുന്നതോടെ തൃശ്ശൂര്‍പൂരത്തിന് സമാപനമാകും.വളരെ വികാരപരമായ ഒരു ചടങ്ങാണിത്.അടുത്ത പൂരത്തിന്‍റെ കാത്തിരിപ്പ് ഇവിടെ തുടങ്ങുന്നു…

ചിത്രങ്ങള്‍ പുറകെ വരുന്നുണ്ട്.പൂരവിശേഷങ്ങള്‍ ഇത്ര വൈകിയത് ക്ഷമിക്കുക.BSNL ബ്രോഡ് ബാന്‍റ് മോഡം പണിമുടക്കാണ് കാരണം.

നാളെ പൂരത്തിന് പോകാന്‍ തന്നെയാണ് തിരുമാനം.പൂരം കൊട്ടിമുറുകുമ്പോള്‍ ഏത് തൃശ്ശൂക്കാരനാണ് അടങ്ങിരിക്കാന്‍ പറ്റുക.പൂരനഗരിത്തിലെ പുരുഷാരത്തില്‍ ലയിക്കാന്‍ മനസ്സ് വെമ്പുകയാണ്.ശാരീരിക പ്രശ്നങ്ങള്‍ അതിനുമുന്‍പില്‍ ഒരു പ്രശ്നമല്ല.എന്തായാലും നാളെ പൂരപ്പറമ്പില്‍ വച്ച് കാണാം.
ചൂരക്കോട്ടു കാവിന്‍റെ എഴുന്നെള്ളിപ്പ് നാളെ രാവിലെ 9.30 ന് നടുവിലാലില്‍ നിന്നും തുടങ്ങുന്നു.14 ആനകളോടെ എഴുന്നള്ളുന്ന ഭഗവതി യുടെ മേളം കിഴക്കൂട്ട് അനിയന്‍ മാരാരാണ്.എല്ലാ പൂരസ്നേഹികളേയും ബ്ലോഗ് വായന ക്കാരേയും പൂര നഗരിയിലേക്ക് സ്വാഗതം ചെയ്യുന്നു..
പൂരം ദിനാംശംസകള്‍ നേരുന്നു…
visite:http://poorakazichakal.blogspot.com/

നാളെ പൂരത്തിന് പോകാന്‍ തന്നെയാണ് തിരുമാനം.പൂരം കൊട്ടിമുറുകുമ്പോള്‍ ഏത് തൃശ്ശൂക്കാരനാണ് അടങ്ങിരിക്കാന്‍ പറ്റുക.പൂരനഗരിത്തിലെ പുരുഷാരത്തില്‍ ലയിക്കാന്‍ മനസ്സ് വെമ്പുകയാണ്.ശാരീരിക പ്രശ്നങ്ങള്‍ അതിനുമുന്‍പില്‍ ഒരു പ്രശ്നമല്ല.എന്തായാലും നാളെ പൂരപ്പറമ്പില്‍ വച്ച് കാണാം.
ചൂരക്കോട്ടു കാവിന്‍റെ എഴുന്നെള്ളിപ്പ് നാളെ രാവിലെ 9.30 ന് നടുവിലാലില്‍ നിന്നും തുടങ്ങുന്നു.14 ആനകളോടെ എഴുന്നള്ളുന്ന ഭഗവതി യുടെ മേളം കിഴക്കൂട്ട് അനിയന്‍ മാരാരാണ്.എല്ലാ പൂരസ്നേഹികളേയും ബ്ലോഗ് വായന ക്കാരേയും പൂര നഗരിയിലേക്ക് സ്വാഗതം ചെയ്യുന്നു..
പൂരം ദിനാംശംസകള്‍ നേരുന്നു…

നിറയെ പാടങ്ങളും തോടുകളും ഉള്ള ഗ്രാമമാണ് ചൂരക്കാട്ടുകര.ഈ പാടത്തിനു നടുവിലൂടെ യാണ് ഗുരുവായൂര്‍ റെയില്‍ പാത കടന്നു പോകുന്നത്.ഈ പാടത്തിന്‍റെ ഓരത്താണ് ചൂരക്കോട്ടുകാവ് ഭഗവതീ ക്ഷേത്രം നില്ക്കുന്നത്.അതിന്‍റെ അടുത്തുള്ള കൊച്ചു കുളത്തിലാണ് ഭഗവതി ആറാട്ടിനിറങ്ങുന്നത്.

കൊടിയേറ്റത്തിന്‍റെ വിശേഷങ്ങള്‍ക്ക് ഇതിലേ… http://poorakazichakal.blogspot.com/2009/05/blog-post.html

From പൂരക്കാഴ്ചകള്‍

പൂരപ്പറയുടെ വിശേഷങ്ങള്‍ ഇവിടെ..http://poorakazichakal.blogspot.com/2009/04/blog-post_447.html

From പൂരക്കാഴ്ചകള്‍

എന്‍റെ മുറ്റത്തുവരച്ച കോലം.അരിപ്പൊടി കലക്കി, വെണ്ടയുടേയോ ചെമ്പരത്തിയുടേയോ ഇലകൊണ്ടാണ് ഇത് അണിയുക.

പറയും മുറത്തില്‍ നെല്ലും ഇലയില്‍ ഉണകലരിയും നാഴിയില്‍ നെല്ലും നിലവിളക്കും.

മേളക്കാര്‍ എത്തി. പകുതി പാണ്ടിയാണ് കൊട്ടുക.എട്ടുപേരടങ്ങുന്ന സംഘമാണ്.3 ഉരുട്ടുചെണ്ട,2 വീക്കന്‍ ചെണ്ട,ഓരോ ഇലത്താളവും കൊമ്പും കുറും കുഴലും.

ഭഗവതിയും എഴുന്നള്ളി.നെറ്റിപ്പട്ടം കെട്ടി,കഴുത്തില്‍ കമ്പകയറിട്ട് തലയില്‍ ദേവിയുടെ കോലവുമായി കൊച്ചിന്‍ ദേവസ്വം ബോര്‍ഡ് ഗോവിന്ദന്‍ കുട്ടി എന്ന ആന.

ഇനി പറ അടുത്ത കൊല്ലം.

ആനയെ വിട്ടില്ല.കുറേ ദൂരം കൂടി പിന്തുടര്‍ന്നു.ആനയുടെ 3-)¤ പാപ്പാനായി കമ്പനിയായി.ആനക്കോലും പിട്ടിച്ച് അങ്ങനെ ആനയുടെ 4 ആം പാപ്പാനായി കുറെ ദൂരം..

ആനപ്പുറം. ഈ കോലം പിടിച്ചിരിക്കുന്ന നമ്പൂരിയുടെ കാര്യം മഹാ കഷ്ടമാണ്.പറ കഴിയുന്നതു വരെ ജലപാനം ഇല്ല.

പറ കൊട്ടികഴിഞ്ഞാല്‍ ആനക്ക് തേങ്ങയും ശര്‍ക്കരയും കൊടുക്കുന്നത് എല്ലാ വീട്ടിലും പതിവാണ്.കൂടാതെ വീട്ടിലുള്ള തെങ്ങിന്‍ പട്ട,ചക്ക,മാങ്ങ,വൈക്കോല്‍ കിട്ടിയാല്‍ ആന അകത്താക്കും.

നമ്പീശനും ആനയും. ഭഗവതി എഴുന്നള്ളുമ്പോഴെല്ലാം കുത്തുവിളക്ക് പിടിച്ച് നമ്പീശനും ഒപ്പം ഉണ്ടാവും.

തെട്ടൂ..ആനയെ തൊടാനുള്ള കുരുന്നുകളുടെ ആവേശം..

കുറച്ച് വിശ്രമം..ചായ കുടിക്കാനായി ഒരു വീട്ടില്‍ നിന്നപ്പോള്‍.

ആനയും പാപ്പാനും..

ആനയുടെ ബ്രേക്ക്.ആനത്തോട്ടി കാലില്‍ വച്ചിരിക്കുന്നു.ഇനി ആന അനങ്ങില്ല.

കിട്ടിയ സമയം കൊണ്ട് ആന ഒന്നും രണ്ടും പാസാക്കി.

പാപ്പാന്‍ ഇഡ്ലി കഴിക്കുന്നത് കണ്ടപ്പോള്‍ ആനയ്ക്കും കൊതിയായി.അഞ്ചെട്ടെണ്ണം അവനും തട്ടി.

അനച്ചന്തം നോക്കിനില്ല്ക്കുന്ന കുട്ടികള്‍..

ഇനി പോകാം.

ഭക്തിയുടെ യും വിശ്വാസത്തിന്‍റെ നിറ പറ നിറയ്ക്കുന്ന് ഒരു മുത്തശ്ശി.

പിന്‍കുറിപ്പ്: കൃഷി കുറഞ്ഞുകൊണ്ടിരിക്കുന്ന ഇക്കാലത്ത് പറ വെയ്ക്കല്‍ വെറും ആചാരം മാത്രം.വച്ച പറയുടെ നെല്ല് തന്നെ വീണ്ടും ചെരിഞ്ഞ് റസീറ്റ് എഴുതുന്നു.സ്വന്തമായി ഒരു പറ പോലുമില്ലാത്ത വീടുകളുള്‍ ഉണ്ട്.എന്നാലും കൃഷിചെയ്യതുണ്ടാക്കിയ സ്വന്തം നെല്ല് തന്നെയാണ് എന്‍റെ വീട്ടിലും പറവയ്ക്കുന്നത്.പഴയ കാര്‍ഷിക സംസ്കാരത്തിന്‍റെ ഓര്‍മ്മയായി മാറുകയാണ് പറവയ്ക്കലും..

അഷ്ടപദി യുടെ മധുര ശബ്ദത്താല്‍ മുഖരിതമാണ് അന്തരീക്ഷം.മനോജ് പുറണാട്ടുകര എന്ന യുവകലാകാരനാണ് അവതരിപ്പിക്കുന്നത്.നന്ദകുമാര്‍ ഇരിഞ്ഞാലക്കുടയാണ് ഇടയ്ക്ക.

നല്ല കുളിര്‍ക്കാറ്റ് ഉണ്ടായിരുന്നു.മഴയുടെ ലക്ഷണം.വിഷു കഴിഞ്ഞ് കാര്യമായി പെയ്യതിട്ടില്ല.(എല്ലാം പൂരത്തിന്‍റെ അന്നേക്കാണോ ഭഗവാനേ..)

കതിന..എന്താ വലുപ്പം.

കുഴിമിന്നില്ലല്‍.(ഇതിന്‍റെ പല വലിപ്പത്തിലുള്ള കുഴികളാണ് സാധാരണ ഉപയോഗിക്കുക.ഇത് ചെറുത്.)

വെടിക്കെട്ടുകാര്‍.. മാനത്തേയ്ക്കുള്ള പൂരം ഒരുക്കുന്നു.കൊടിയേറ്റ സമയത്ത് ചെറിയ വെടിക്കെട്ട് പതിവുണ്ട്.

കൊടിമരം.കവുങ്ങിന്‍ തടി, ചെത്തിമിനുക്കിയതാണ് മരം.

ഇത് ബാലനാശാരി.കഴിഞ്ഞ 30 വര്‍ഷത്തിലേറെയായി ഇദ്ദേഹമാണ് കൊടിമരം ഉണ്ടാക്കുന്നത്.

ഇരിയാനേ..

പൂരം എഴുന്നള്ളിപ്പ് തുടങ്ങി.

മേളം തുടങ്ങി.അമ്പലത്തിനുള്ളില്‍ കൊട്ടി തുങ്ങുന്ന മേളമാണ് ചെമ്പട.

പുറത്തിറങ്ങി,ഇനി പാണ്ടി.

കൊമ്പ്.ഇതു കൂടാതെ കുറുംകുഴലും ഇലത്താളവും ഉണ്ടാവും.

ചെണ്ടക്കാര്‍..

കൊടിമരം കൊണ്ടുവന്നു.ഇടങ്ങഴിയില്‍ തലഭാഗം വച്ച് നിലവിളക്ക് വച്ചുവേണം കൊടിതോരണങ്ങള്‍ കെട്ടാന്‍..

ആലിലയും മാലിലയും ഭര്‍ഭപ്പുല്ലും ചേര്‍ത്ത് വഴപ്പോളകൊണ്ട് കെട്ടുന്നു.5 എണ്ണത്തില്‍ ഒരെണ്ണം ഞാനും കെട്ടി..

കൊടിക്കൂറ.തെക്കുഭാഗത്തേക്ക് തിരിച്ചാണ് കൊടിമരം സ്ഥാപിക്കുന്നത്.

തുടര്‍ന്നുള്ള പൂര വിശേഷങ്ങള്‍ ഈ ബോഗില്‍ വായിക്കാം…..

>

click the pic to see fullscreen

>

>

>

>

From പൂരക്കാഴ്ചകള്‍

on APRIL 29 th& 30 th.

prizes worth Rs.75000/-
for more details log on to http://www.tantrik09.com

മുഖ്യ ആകര്‍ഷണമായി മെക്കാനികല്‍ വിഭാഗത്തിന്‍റെ മോട്ടോര്‍ഷോ യും എയര്‍ഷോയും.

>

click the picture to see ful screen

Hummer,audi q7, bmw benz,tata nano…തുടങ്ങിയ കാറുകള്‍ എത്തുന്നു.
കൂടാതെModified cars,swifts lancer optra,vintage cars, bikes…..

ഇലക്ട്രിക്കല്‍,ഇലക്ട്രോണിക്സ്,സിവില്‍,കംപ്യൂട്ടര്‍ സയന്‍സ്,പ്രൊഡക്ഷന്‍,MCA തുടങ്ങിയ ഡിപ്പാര്‍ട്ട് മെന്‍റുകളുടെ സങ്കേതിക പ്രദര്‍ശനം.

മറ്റു പ്രധാന ആകര്‍ഷണങ്ങളായ പരിപാടികള്‍..
*GIFMANIA
*CIRCUIT HUNT
*DIGITAL DESIGNING
*RE ENGINEERING
*PAPER PRESENTATION
*GENERAL QUIZ
*MAD ART
*MOTOR SHOW
*AIR SHOW
*BEST MANAGER
*LAN GAMING
*ADZAP
*ERUCTHUS
*FUTURISTICS
*BOUNCE
*CADD DRAWING
*CYBER HUNT
*JUNKYARD
*CIRCUIT MASTER
*PROJECT EXHIBITION

Location map
<

>

click the picture to see ful screen

WELCOME TO ALL

പൂരപന്തലുകളുടെ പണിതുടങ്ങി.തൃശ്ശൂര്‍ നഗരം പൂര ലഹരിയിലേക്ക്.പാറമ്മേക്കാവിന്‍റെയും തിരുവമ്പാടിയുടെയും കെടിയേറ്റം നാളെ(27/4/09) രാലിലെ 11ന്.വൈകീട്ട് 7 മണിമുതല്‍ ഘടക പൂരങ്ങളുടെ ക്ഷേത്രങ്ങളിലും കൊടിയേയും..

From കണിക്കൊന്ന​ പൂത്തപ്പോൾ…..

“ഏതു ദൂസര സങ്കൽപ്പത്തിൽ വളർന്നാലും,
ഏതു യന്ത്രവൽകൃത ലോകത്തിൽ പുലർന്നാലും,
മനസ്സിലുണ്ടാകട്ടെ, ഗ്രാമത്തിൻവെളിച്ചവും മണവും മമതയും ഇത്തിരി കൊന്നപ്പൂവും…….”

From കണിക്കൊന്ന​ പൂത്തപ്പോൾ…..

From കണിക്കൊന്ന​ പൂത്തപ്പോൾ…..

From കണിക്കൊന്ന​ പൂത്തപ്പോൾ…..

From കണിക്കൊന്ന​ പൂത്തപ്പോൾ…..

From കണിക്കൊന്ന​ പൂത്തപ്പോൾ…..

From കണിക്കൊന്ന​ പൂത്തപ്പോൾ…..

ത്യശ്ശൂര്‍ ലളിത കലാ അക്കാദമി ആര്‍ട്ട് ഗാലറിയില്‍ നടന്ന ഫോട്ടോഗ്രാഫി ചിത്ര പ്രദര്‍ശ്ശനം പുതിയ ഒരു അനുഭവമായി.ചെറുപ്പക്കാരായ 7 ഫോട്ടോഗ്രാഫര്‍മാരുടെ കൂട്ടായ്മയാണ് ആവിഷ്ക്കാര്‍.അവരുടെ തിരെഞ്ഞെടുത്ത ചിത്രങ്ങളാണ് പ്രദര്‍ശ്ശനത്തിനുണ്ടായിരുന്നത്.പ്രക്യതിയിലെ വര്‍ണ്ണങ്ങളെ ക്യാമറയിലേക്ക് ഒപ്പിയെടുക്കുന്ന ഈ കല എന്നും എന്നെ ആകര്‍ഷിചിട്ടുള്ളതാണ്.പുതിയ സൌഹ്യതങ്ങള്‍ ക്കുള്ള വേദി കൂടിയായി ആവിഷ്കാര്‍.പല പ്രദര്‍ശനത്തിലും കണ്ടിട്ടുള്ള മനോഹരചിത്രങ്ങളുടെ സ്യഷ്ടാക്കളെ നേരിട്ടു കാണാന്‍ കഴിഞ്ഞു.ARAVINDAN MANALI,J.C.CHERPU,PRADIP KUNNAMBATH,RAJAN KUTTUR,UTARA HARIDAS,RAJESH NATTIKA,MUHAMMED SAFI.എന്നിവരടങ്ങുന്ന ആവിഷ്കാര്‍ സംഘത്തിന് ആശംസകള്‍. .ഉത്സവകാഴ്ച കളിലെ അപൂര്‍വ്വനിമിഷങ്ങള്‍ ക്യാമറയില്‍ പകര്‍ത്തിയ “ഉത്തര ഹരിദാസി”ന്‍റെ ചിത്രങ്ങള്‍ എനിക്ക് വളരെ ഇഷ്ടമായി.ചിത്രപ്രദര്‍ശ്ശനം കാണാന്‍ എന്നെ ക്ഷണിച്ച ഗിരീശന്‍ മാഷ്ക്ക് നന്ദി.
ആവിഷ്കറിനെ കുറിച്ച് കൂടുതൽ..http://www.aavishkarphotography.com

[14/03/09,2.35 AM]
@മനോജ്.
എന്‍റെ ആദ്യത്തെ sms കവിതയാണ്.വായിച്ച് അഭിപ്രായം അറിയിക്കുക…

പിന്‍കുറിപ്പ്:കറന്‍റ് പോയപ്പോള്‍നഷ്ടപ്പെട്ട ഉറക്കം തപ്പിയെടുക്കുന്നതിനിടയില്‍ കിട്ടിയതാണിത്..

എന്നെ സംബദ്ധിച്ചിടത്തോളം വളരെ ശ്രമകരമായിരുന്നു ഇത്.പൂര്‍ണ്ണമായും മൊബൈലില്‍(നോക്കിയ 3110c) ആണ് ടൈപ്പ് ചെയ്യത്ത്.AnjaliOldLipi ല്‍.
ദയവായി വായിച്ച് അഭിപ്രായം എഴുതുക.പുതിയ പ്രവര്‍ത്തനങ്ങള്‍ക്കുള്ള പ്രചോദനം ആകും അത്. ..

വിലങ്ങൻ കുന്ന്
വിലങ്ങൻ കുന്ന്,തൃശൂർ നഗരത്തിന്‍റെ വടക്കു പടിഞ്ഞാറായി ആറു കിലോമീറ്റർ ദൂരെ അടാട്ട് പഞ്ചായത്തില്‍ സ്ഥിതി ചെയ്യുന്നു.കുന്ദംകുളം-ഗുരുവായൂർ റോഡ് കുന്നിന്‍റെ കിഴക്കെ ചരിവിലൂടെ കടന്നു പോകുന്നു. 80 മീറ്ററോളം പോക്കമുള്ള ഈ കുന്ന് തൃശ്ശൂരിലെ പ്രധാന വിനോദ സംഞ്ചാര കേന്ദ്രം ആണ്.

തെക്ക്,വടക്ക്,കിഴക്ക്,പടിഞ്ഞാറ്, തെക്കുകിഴക്ക്, വടക്കുകിഴക്ക്,തെക്കുപടിഞ്ഞാറ്, വടക്കുപടിഞ്ഞാറ് ഇങ്ങനെ ഏത് കോണില്‍ നിന്ന് നോക്കിയാലും പ്രേക്ഷകന് മുന്നില്‍ ഈ കുന്ന് വിലങ്ങനെയാണ് കാണപ്പെടുന്നു.അതു തന്നെയായിരിക്കണം ഈ കുന്നിന് ‘വിലങ്ങൻ കുന്ന്’ എന്ന് പേര് ലഭിക്കാന്നുള്ള നിദാനം.

കിഴക്ക് ചൂരക്കാട്ടുകര പാടം,വടക്ക് ചിറ്റിലപ്പിള്ളി-പേരാമംഗലം പാടം, ,പടിഞ്ഞാറ് ചിറ്റിലപ്പിള്ളികണിയന്തറ പാടം,തെക്ക് പുറണാട്ടുകര ഇറുളയൻ പാടം, എന്നീ നെല്‍ വയലുകളോളം എത്തുന്നുണ്ട് കുന്നിന്‍റെ താഴ് വാര പ്രദേശങ്ങള്‍ അടിവാരത്തിലെ ഈ പാടങ്ങളില്‍ നിന്ന് കണക്കാക്കിയാല്‍ കുന്നിന്‍റെ ഉച്ചിയിലേക്ക് 100 മീറ്റര്‍ പൊക്കമുണ്ട്.ഇതില്‍ 30 മീറ്റര്‍ പൊക്കം വരെ ചെറിയ ചായ് വിലുള്ള സമതലങ്ങള്‍.അവിടുന്നങ്ങോട്ട് 60 ഡിഗ്രില്‍ ചെരിവ് ആരംഭിക്കുകയാണ്.ക്രമേണ ഇത് 75-80 ഡിഗ്രി വരെ കുത്തനെ കയറ്റമാണ്.കുന്നിന്‍റെ നെറുകയില്‍ 4 3/4 ഏക്ര വിസ്തീര്‍ണത്തിലുള്ള പരന്ന മൈതാനം.

8 കിലോമീറ്റര്‍ ചുറ്റളവില്‍ പൊങ്ങി നില്‍ക്കുന്ന ഈ കുന്നിന്‍റെ ഉപരിതല വിസ്തീര്‍ണം 500 ഏക്രയോളം വരും.പണ്ടുകാലത്ത് തുറസ്സായ ഭൂമിയായിരുന്ന ഇത് സമീപവാസികളുടെ ആടുമാടുകള്‍ക്കുള്ള മേച്ചില്‍ സ്ഥലമായിരുന്നു.ഔഷധസസ്യങ്ങളാല്‍ സമ്പന്നമാണ് ഇവിടം.
രണ്ടാം ലോക മഹായുദ്ധകാലത്ത് യുദ്ധ ആവശ്യത്തിനായി ഭൂപ്രക്യതിയുടെ പ്രത്യേകത കാര്ണം ഒരു നിരീക്ഷണനിലയവും മിലിറ്ററി ക്യാമ്പും ഉണ്ടായിരുന്നതായി ചരിത്രം പറയുന്നു. സഞ്ചാരയോഗ്യമാക്കുന്നതിനായി ഇവിടെ സ്ഥാപിക്കപ്പെട്ട റോഡ് ഇന്നും നിലനില്‍ക്കുന്നു.
വിലങ്ങന്‍ കുന്നിന്‍റെ മുകളില്‍നിന്നും ചുറ്റും നോക്കിയാല്‍ സഹ്യപര്‍വ്വതനിരകള്‍,പെരുമല,തയ്യൂര്‍ കോട്ട,പടിഞ്ഞാറ് അറബിക്കടല്‍,ത്യശ്ലൂര്‍ നഗരം,തുടങ്ങി അടുത്തും അകന്നതുമായ വിവിധ സ്ഥലങ്ങളും കാഴ്ച്ചകളും വ്യക്തമായി കാണാം.ദൂരകാഴ്ചക്ക് സൗകര്യമുള്ള ഇത്ര ഉയരമുള്ള ഒരു കുന്ന് ത്യശ്ലൂര് വേറെ ഇല്ല.വൈകുന്നേരത്തെ സൂര്യാസ്തമനം ഈ കുന്നിന്‍റെ മുകളില്‍നിന്ന് നോക്കുന്നത് ഹ്യദയകരമായ ഒരു കാഴ്ചയാണ്.

ചെറുതും വലുതുമായ അനധിക്യത കയേറ്റങ്ങള്‍ ഈ കുന്നിനെ കാര്‍ന്നു തിന്നു.തികച്ചും അനാഥമായി നശിച്ചുകൊണ്ടിരുന്ന ഈ പ്രദേശം അമല കാന്‍സര്‍ സെന്‍റെര്‍ എന്ന സ്വകാര്യ സ്ഥാപനം കൈക്കലാക്കി.പ്രതിരോധ പ്രധാന്യമുള്ള ഈ സ്ഥലം ഒരു സ്വകാര്യസ്ഥാപനം ഏറ്റെടുക്കാന്‍ തുനിഞ്ഞപ്പോള്‍,വിലങ്ങന്‍റ മനോഹാരിതയും സൌന്ദര്യവും സംരക്ഷിക്കാന്‍ ഒരു കൂട്ടം പ്രക്യതി സ്നേഹികള്‍രംഗത്തുവന്നു.നീണ്ട നിയമ യുദ്ധത്തിനുശേഷം ഈ കുന്നിന്‍റെ സംരക്ഷണം ജില്ലാ ടൂറിസം കൗണ്‍സില്‍ ഏറ്റെടുത്തു.പിന്നീട് അടാട്ട് പഞ്ചായത്തിന് കീഴിലായ പ്രദേശം ഇപ്പോള്‍ ത്യശ്ലൂര്‍ ജില്ലയിലെ പ്രധാന വിനോദ സഞ്ചാര കേന്ദ്രങ്ങളിലൊന്നാണ്.കുട്ടികള്‍ക്കുള്ള ഒരു പാര്‍ക്കും മറ്റു വിനോപാധികളുമായി കുന്ന് ജനങ്ങള്‍ക്ക് തുറന്ന് കൊടുത്തിരിക്കുന്നു.

കലാസാംസ്കാരിക പരിപാടികള്‍ നടത്തുന്നതിനായി ഒരു ഓപ്പണ്‍ സ്റ്റേജ്.കുടബശ്രീ യുടെ കാന്‍റീന്‍, വിലങ്ങന്‍ ട്രക്കേഴ് പ്രവര്‍ത്തകര്‍ നട്ടുവളര്‍ത്തുന്ന അശോകവനം..തുടങ്ങിയവ കുന്നിന്‍റെ മുകളില്‍കാണാന്‍ കഴിയും.
വികിമാപിയ ലിങ്ക്….
http://wikimapia.org/#lat=10.5569462&lon=76.1688137&z=18&l=0&m=a&v=2&search=അമല

ഗ്രാഫിക്സ് ഡിസൈനിങിനെ കുറിച്ച് Niyam Bhushan ന്‍റെ സെഷന്‍ വളരെ . INKSCAPE ആണ് ഡെമോ കാണിച്ചത് .എകദേശം കൊറല്‍ ക്ക് തുല്യമായ ഇന്‍റര്‍ ഫേസ്.ഇതില്‍ നിന്നും പ്രചോദനം ഉള്‍ക്കൊണ്ട് ഞാൻ ഒരു വിസിറ്റിങ് കാര്‍ഡ് തയ്യാറാക്കി വച്ചിട്ടുണ്ട്.

Digital video editing workshop ല്‍ പങ്കെടുക്കാന്‍ കഴിയാതിരുന്നത് മറ്റൊരു നിരാശയായി.Open source softwere ഉപയോഗിച്ച് വീഡിയോ എഡിറ്റിങ് പഠിക്കണമെന്നത് എന്‍റെ ഒരു സ്വപ്നം ആണ്.LIVES എന്ന സോഫ്റ്റ് വെയറില്‍ അരക്കൈ നോക്കി.വിജയിച്ചില്ല.ഒഴിവ് കിട്ടുമ്പോള്‍ നോക്കണം.

PYTHON വര്‍ക്ക് ഷോപ്പില്‍ പങ്കെടുക്കാന്‍ കഴിഞ്ഞില്ല.FOSS in businus ക്ളാസ് ബോര്‍ ആയിരുന്നു.linux lab -easy setup & maintence പ്രയോചനപ്പെട്ടു. VHDL ഒന്നും മനസ്സിലായില്ല.hardware description language നെകുറിച്ചായിരുന്നു.

FONT FORGING നെ കുറിച്ചുള്ള ഹിരണ്‍ ചേട്ടന്‍റെ വ്ര്‍ക്ക് ഷോപ്പില്‍ ക ഴിയാറായപ്പോഴാണ് എത്തിയത്.ആശയം ഇഷ്ട പ്പെട്ടു.ഫോണ്ട് ധാരിദ്യം അനുഭവിക്കുന്ന മലയാളത്തില്‍ ഒരു ഫോണ്ട് നിര്‍മ്മിക്കണം എന്ന് തോന്നി. പുതിയൊരു മലയാളം FONT പ്രതീക്ഷിക്കാം.പേരിട്ടു ‘മഞ്ജു’ .സാധാരണ പെണ്‍കുട്ടികളുടെ പേരാണ് ഫോണ്ട കണ്ടിട്ടുള്ളത്(രചന,കാർത്തിക…).കിടക്കട്ടെ മനോജിന്‍റെ വക മഞ്ജു.പണി തുടങ്ങിയിട്ടു പോലുമില്ലാട്ടോ….

എന്‍റെ മൊബൈലില്‍ എടുത്ത ചില ചിത്രങ്ങള്‍…….
(ഒരു കോഴിക്കോട് പുഴ)
(Niyam ഭുഷന്‍)

(N I Tകാമ്പെസ്)
(എ സ്നാപ് ഫ്രം കോഴിക്കോട് ബസ്സ് സ്റ്റാന്റ്).

മേള ചക്രവര്‍ത്തിക്ക് പത്മശ്രീ.മട്ടന്നൂര്‍ ശങ്കരന്‍കുട്ടി മാരാര്‍ കണ്ണൂരിലെ മട്ടന്നൂരില്‍ ജനനം.ഏഴാം വയസ്സില്‍ വള്ളുവനാട്ടിലെത്തി. പല്ലശ്ലന ചന്ദ്രമന്നാടിയാരുടെയും സദനം വാസുദേവന്‍ റ്റെയും കീഴില്‍ പേരൂര്‍ ഗാന്ധിസേവാസദനത്തില്‍ ചെണ്ട അഭ്യസനം നടത്തി.ഇടക്ക പഠിച്ചത് പട്ടരാത്ത് ശങ്കരമാരാരുടെ ശിക്ഷണത്തില്‍. യുവാവായിരിക്കെതന്നെ ഏറ്റവും കഴിവുറ്റ തായമ്പകക്കാരനായി പേരെടുത്തു. താളസ്ഥിതി,സാധകം,ശബ്ദ ഭംഗി,കാലപ്രമാണം,ഭാവം,സംഗീതം എന്നിങ്ങനെ വാദ്യകലാകാരന് വേണ്ടസിദ്ധികള്‍ മട്ടന്നൂരില്‍ സജ്ജമാണ്.പഴമ നിലനിര്‍ത്തികൊണ്ടുതന്നെ ട്രിപ്പിള്‍ തായമ്പകയില്‍ സ്വന്തമായി ശൈലിയുണ്ടാക്കി.പഞ്ചാരി പഞ്ചവാദ്യം, വാദ്യമഞ് ജരി, ശ്രുതി മേളം എന്നീപരീക്ഷണ സമ്പ്രദായങ്ങള്‍ക്ക് നേത്യത്വം നല്കി.പാണ്ടിമേളവും പഞ്ചാരിയും കഥകളിമേളവും പ്രയോഗിച്ചു ഫലിപ്പിക്കാനും നവീനാര്‍ത്ഥതലങ്ങള്‍ വിന്യസിപ്പിക്കാനും മട്ടന്നൂരിന് സാധിച്ചു..

ഫ്യുഷന്‍ മ്യൂസിക്കില്‍ പങ്കെടുത്ത് പാശ്ചാത്യ-പൗരസ്ത്യവാദ്യങ്ങളുമായി ചെണ്ടവാദ്യത്തെ ഇണക്കി.കേരളീയവാദ്യമായ ചെണ്ടക്ക് ആഗോളപ്രശസ്തി നേടിക്കൊടുത്ത ഈ മേളചക്രവര്‍ത്തി നിരവധി വിദേശരാജ്യങ്ങള്‍ സന്ദര്‍ശിച്ചു.വെള്ളിനേഴി ഗവ.ഹൈസ്ക്കൂളില്‍ കഥകളി വിഭാഗം ചെണ്ട അദ്ധ്യാപകനായി.കേരള കലാമ ണ്ഡലം പുരസ്കാരം,കേരള സംഗീത നാടക അക്കാദമി പുരസ്ക്കാരം തുടങ്ങി ഒട്ടേറെ അംഗീകാരങ്ങള്‍.ത്യശ്ശൂര്‍ പൂരത്തിന് തിരുവമ്പാടിവിഭാഗത്തിന്‍ റ്റെ മേളപ്രമാണക്കാരന്‍.മട്ടന്നൂരിന്‍ റ്റെ വാദനവൈഭവം പാലക്കാടന്‍-ത്യശ്ശൂര് ‍ പൂരപ്പറമ്പുകളില്‍ പതിനായിരക്കണക്ക് സംഗീതപ്രേമികളെ ആവേശനര്‍ത്തനമാടിച്ചു.

From സപര്യ

ചൂരക്കാട്ടുകര, അടാട്ട്,പേരാമംഗലം,ചിറ്റിലപ്പിള്ളി,പുറണാട്ടുകര,പുത്തിശ്ശേരി,ആമ്പക്കാ ട് എന്നീ ദേശങ്ങളാണ് ഉത്സവപങ്കാളികള്‍.

കാവടി അഭിഷേകം ആണ് മുഖ്യ ആഘോഷം. പൂക്കാവടി,പീലിക്കാവടി,മാമാങ്കക്കാവടി ,യടക്കം നാന്നൂറില്‍ പരം കാവടികള്‍ അണി നിരന്നു.നാദസ്വരം,ശിങ്കാരിമേളം,ബാന്‍ റ്റ് മേളം തുടങ്ങിയവ അകമ്പടിയായി.

തെച്ചിക്കോട്ടുകാവ് രാമചന്ദ്രന്‍, പട്ടത്ത് ശ്രീക്ഷ്ണന്‍, ഗുരുവായൂര്‍ വലിയ കേശവന്‍,മംഗലം കുന്ന് അയ്യപ്പന്‍,പാറമേക്കാവ് ദേവീദാസന്‍,തിരുവമ്പാടി കുട്ടിശങ്കരന്‍,…..തുടങ്ങിയ ഗജവീരന്‍മാര്‍ പങ്കെടുത്ത എഴുന്നെള്ളിപ്പും ഉണ്ടായിരുന്നു.